|
صور وانطباعات شخصية عن مهرجان المزايين ( الهيـــلا ) ..
كنا أمس وقبل أمس ضيوف على مهرجان مزاين قبيلة عتيبه .. الحقيقة .. أن الجماعة ما قصروا .. ومسوين أشياء ما تسوى أبد !! شغل .. شغل ما يزينه ولا مشعل بن عبدالعزيز بكبره هو تنظيم .. هو حسن تنسيق وتدبير هو طلاقة وجه .. وجمال استقبال وضيافة عدد المخيمات الرسمية تجاوز الـ 120 مخيم . وإذا قيل مخيم فهذا يعني : بيت شعر بخمس عمدان مع مالا يقل عن خمس خيام بعمودين ودورات مياه والذي منه . أما أكبر المخيمات فهو بحجم قصر أفراح العزيزية أو أكبر منه بشوي !! من جد خيااااااااااااااااااااااااااااااال :eek: والشيء المفرح .. أنك بمجرد دخولك للمهرجان لا تنظر ولا تسمع إلا ما يسرك بعد ما مررنا على المخيمات .. كان هناك مخيم للعصمان وهو المخيم لا يوصف .. والأجاويد نزلونا من السيارة واستقبلونا وقاموا من المجلس بمجرد دخولنا ولزموا حيّل وبالطويلة طلعنا منهم .. وشيخهم طاق وراء مخيم الاستقبال أكثر من خمسين خيمة للضيوف .. وإن كان ما يبونك اللي خلفوك .. فنزّل شيء معك من السيارة !! لأن كل شيء زاهب ومعدنه لهم ولضيوفهم .. من مجاميعه .. من منقاش السنون :D لفراش النوووم للمغاسل (مثل مغاسل اللبيت) .. للمكيفات (السبلت) .. للعمال اللي ينظفون الخيام لدورات المياة وأنتم بكرامه حتى الكهرباء شغال على سنقة عشرة !:41 أربع وعشرين ساعة بس لا تحسبوننا مشفوحين لهالدرجة .. ترى ما نزلنا عندهم وتعذرنا منهم .. :094: معلومة على السريع : (وش معنى الهيلا؟!) .. الهيلا هي صفة مبالغة فهي من هال الشيء وهوله أي أبهره .. فيقال : يا للهول ( باللغة العربية الفصحى ) ويقال : ياهووله (باللغة الدارجة) والمعنى واحد . . فلكثرة عتيبة ولكثرة عددهم يقال : يا الهيلا وقيل أن قبيلة عتيبة لما نزحت من الحجاز لنجد .. أنهال الناس من كثرة عددهم وعتادهم فقالوا ذولا مهيلين .. (يعني مخوفين) وأما العدد (511) فهذا الرقم دخل حديثاً من بعض الشباب وهي اشارة لقوة القبيلة تشبهاً بقوة لماكينة الجمس القوية 511 . وقد اختلف المؤرخون أي القبائل التي عرف عنها الانتساب بالهيلا .. فقيل : عتيبة وقيل : غامد أسبق منهم بهذه . . . والأكيد أن شغل العتبان بالمهرجان مفخرة وأتعبوا غيرهم !! وهذه بعض الصور أنقلها لكم .. . هذي مضافة بن عصيمي - ماشاء الله تبارك الله - تشوف أولها وما تشوف آخرها http://www.arb-up.com/files/arb-up-Oct2/htN99195.jpg وهذي من جهة ثانية http://www.arb-up.com/files/arb-up-Oct2/2tN99333.jpg وهذي صورة مدخل أحد المخيمات السنعة وأول ما تدوس على طرف الخيمة يفزون العتبان ما غير يهلون ويرحبون .. http://www.arb-up.com/files/arb-up-Oct2/zF199470.jpg هذي صورة الفحل الفائز بالمركز الأول .. بس هو ما يبي تصوير لأنه مطوع وما وده يفتن البنات .. قصدي النياق :Dhttp://www.arb-up.com/files/arb-up-Oct2/QH399517.jpg بالأخير .. شكراً لأبناء وشيوخ وعشائر ( الهيلا ) .. وما قصروا .. وهذي راح تخلد بمآثرهم . وهذا مقطع فيديو - قصيدة للشبل عبدالعزيز بن عصيمي - وألقيت في مخيم العصمان 7 7 7 اللورد |
نسيت شيئا لم تذكره..
((الكـفر بالنعـمة)) ((الفــخر بالنسب)) وقولكـ بأنه سوف يخلد مآثرهم.. الله أكبر..أحسبهم مخرجين اليهود من فلسطين.. راس مالهم بــــعـــير... أنا لا أجحف جهودهم لكن إذا قيل الموجب يقال السالب |
حبيب قلبي أبو محمد .. تبي الصدق ولا ولد عمه ؟!.. موضوع الاسراف اعطي أكبر من حجمه .. قبل ما أروح للمهرجان كنت أسمع من ناس عليهم العِلم والشرهة كانوا يقولون أن النعمة تداس بالرجلين - والظاهر انك مثلي سامع بهالكلام - وبعد ما رحت ووقفت على المهرجان .. صار العكس !! بل وأفضل .. فكانت لجان التنظيم مرتبة مع الجمعيات الخيرية .. تشيل بقايا الطعام والمفارش والأشياء الزايدة عن الحاجة .. فوين اللي جالسين يقولون .. أن السيارات تغرز بالشحوم والرز !! |
(الله أكبر..أحسبهم مخرجين اليهود من فلسطين..
راس مالهم بــــعـــير) كلامك مردود عليك في ياللي تقول راس مالهم بعير انتبه ولاتخطى حدودك والحر تكفيه الاشاره |
أمس كنت بالمزاين وشف اللي ضيق الصدر ماأقول يقالي .. شفت الذبائح والرز في سيارات البلدية وعلى الأرض ملقاة لم يؤكل منها شي .. قمة التخلف والرجعية حسبي الله عليهم , وش قال " كرم " الواحد منهم تلقاة متسلف اللي وراه ودونه عشان يفسق بالنعمة , الله لايحرمنا القطر من السماء بسبب هالمتخلفين :oo |
أبو رند .. لا تحملها فوق ما تحتمل وإلا وش علاقة القدس وتحريره من مزاين البعارين ! يعني لو ما حطوه المزاين راح يزعل أولمرت ويتضايق ويخاف من العرب !! ويرجع صلاح الدين .. والمظفر قطز الله يدبر الصالح بس . راعي الطيب .. الزيادة موجودة ولا ينكرها أحد بس شيء أزين من لا شيء ! |
يقول الرسول عليه الصلاة والسلام :
( أربع في أمتي من أمر الجاهلية لا يتركونهن : الفخر في الاحساب , والطعن في الانساب, والاستسقاء بالنجوم, والنياحة) رواه مسلم 934. ما شفنا مزاين شفنا مخيمات وبهرجة. وشكراً |
رغم معارضتي والتي أكررها للمزاين الذي يأخذ اسم القبيلة (أي قبيلة).. مع ذلك فقد نجحت اللجنة المنظمة لمزاين قبيلة عتيبة في حسن التنظيم والترتيب.. بالفعل يستحقون الشكر.. سبقوا من قبلهم وأتعبوا من يأتي بعدهم.. استفادوا من المزاينات السابقة.. واضافوا الكثير.. يستحق الشكر كذلك رجال القبيلة ومشائخها.. والشكر لك ياللورد على إنصافك لهم.. |
اقتباس:
أما المنظمين فجهودهم مشكورة.. ما رأيك بمن يفخر بمدينته أو منطقته؟ ما رأيك من بمن يقيم المهرجانات المشابهة على مستوى مدينة أو منطقة؟ ما رأيك بالتجمعات العائلية؟ وهل تدخل بالفخر بالأحساب؟ |
من وجهة نظري إن المزااااااااااااايين صااااااااااااار استعراااض عضلااااااااات من القبائل .. كل قبيلة تستعرض قوته المادية والمعنوية .. وايضاً تستعرض وجاهتها .. والحقيقة إن قبيلة ( عتيبة ) كسبت الرهااااااااان في ( الوجاهه ) والقوة في كل شي .. ولكن تبقى مسألة الاسرااااااف .. لو كان لها حل مع حل وجود الجمعيات اللي عجزت تلحق .. لكن اكتمل رونق الابداع ( العتيبي ) المبهر .. يقولون إن المزااااااااااااااايين الجاااي .. مزااااااااايين (( قبايل جــــدة )) مزاين اجمل ( سمكة ) والمشاركين : قبيلة ال كرتونة .. قبيلة ال ترللي .. قبيلة ال شمق بق .. قبيلة ال شطرطونة .. قبيلة ابو راس بلى مقاس والجااائزة .. الوزرة الذهبية .. سي يو .. |
إلى الأخ تركي الناصر.
انا ضد كل مايدعو إلى العنصرية سواء للقبيلة او المنطقة او المدينة او غيرها من امر الجاهلية. وتذكر اخي ان من دعى إلى هدى كان له من الاجر مثل اجور من تبعه لاينقص ذلك من اجورهم شياْ . ومن دعى إلى ضلالة كان عليه من الوزر مثل وزر من تبعه لا ينقص ذلك من اوزارهم شياْ . وهل هذه المهرجانات سنة حسنة أم سيئة ؟ اما التجمعات العائلية فهي من صلة الرحم وهي على نطاق ضيق . ============== |
اقتباس:
وأنا مثلك.. هذا في العموم.. لكن البعض يكون رفضه مبني أمور عصبية.. ويلصقها بالدين.. لا أقصدك.. فوجب التنبيه.. فالبعض ينطلق في إنكاره لهذا الأمر لدوافع عصبية أخرى.. حكمنا على الأمور يجب أن يكون مبنياً على الوقائع.. نقدنا يجب أن يكون متجرداً وقائماً على الظواهر والوقائع دون تدخل العواطف والهوى في مثل هذه الأمور.. فإذا دخل الهوى كان الحكم متحيزاً وغير منضبط شرعياً.. |
10شيوخ من شيوخ قبيلة العتبان يقلطون على 9حواشي هل هذاصحيح؟؟؟؟؟
|
أخوتي في الله .. لاتكونوا كالذباب يقع على الجرح ..
ولاتكونوا كقناة الجزيرة التي تعطي الموضوع أكبر من حجمه .. بل وتزيد (( وبريات )) في مواضيعها .. وعشان ترتاحون .. الحكومة السعودية تمنع جميع التجمعات التي فيها منافسة بين القبائل والعشائر .. وسيبدأ تطبيقه بعد مهرجان المزايين لقبيلة عتيبة .. والذي قبله قبيلة حرب .. وذلك منعا للعنصرية والتفاخر بالأحساب وماإلى ذلك .. يعني زي مايقولون بالعامي .. (( الباب اللي يجيك منه ريح .... سده واستريح )) تقبلوا مروري .. محبكم .. |
اقتباس:
فقد أُعيدت النعرات الجاهلية بمثل هذه المهرجانات ....مع الأسف:oo تجد أحدهم قام بتبذير الملايين من أجل بعير !! ويوجد من فقراء قبيلته من لايجد قوة يومه يتمنى لو كان بعيرا ...؟!:oo يا اخوان كلامي هذا لعموم القبائل ممن قاموا بالتبذير والإسراف..... ((( الراصد ))) |
بسم الله الرحمن الرحيم
أما زلنا نحفر في الأسفل بحثاً عن الأعلى طرح مثل هذا الموضوع قبل أربعة أيام أو أكثر وهو الفرق بين خط 110 وخط 220 أما زلنا نغوص في مثلث برموده ألا وهو بحر الأنساب والأحساب يقول الرسول عليه الصلاة والسلام : ( أربع في أمتي من أمر الجاهلية لا يتركونهن : الفخر في الاحساب , والطعن في الانساب, والاستسقاء بالنجوم, والنياحة) رواه مسلم 934. أنا أرجوا من المشرفين حذف مثل هذه المواضيع التي لا فائدة منها والتي تزرع العنصرية في أبناءنا والتي تعطي للمجتمع أننا عنصريين وحياديين |
بدووووووووووووووووووون تعليق
|
أبو مشعل .. أنت قصيت وفصلت ولبست !! أجل رايك نحذف الموضوع ! ما تبي بعد .. نحط فراش على المنتدى وشايل معه العجرا :D وأي واحد يمرّ .. يحش رجلينه الموضوع ببساطة .. إن تحسسوا منه بعض الناس سيكبر فجأة وأنت تم التعاطي معه كما هو الحال بالكويت والأمارات راح تمشي المسألة زي العسل بدون عنصرية ولا بيزنطية .. راجع لبقية الردود |
لبدان .. شفنا مزاين بلّ بس .. التفاعل الكبير .. حجب رؤية المزاين وصارت كل الأنظار .. تتجة لشيء آخر ! === حبيبي تركي الناصر .. تسلم على المرور وأوافقك كثير بما قلته وشاكر تفاعلك هنا === أخوي مدحت شوقي .. بس من اللي راح يعرض السمكة ؟ لا يصير الشيخ فؤاااااااااد :D بس تصدق .. امس كان شيخ(قاضي) يكلمني ويقول أن العتبان بجدة متفاعلين وبعضهم آخذين إجازة عمل!! عشان يحضرون المهرجان :eek: يعني فؤاد .. صار حق وحقيقي :072: === فيه أحد شاف مقطع الفيديو حق الطفل عبدالعزيز ؟! لأنه رووووعة والطفل - ماشاءا لله تبارك الله - قدرات عجيبة صوت ولحن وقوة حضور وأبيات بحجم المناسبة |
اقتباس:
|
لا حول ولا قوة إلا بالله..
أنا ما أدري متى يتركون الي يتفاخرون بقبايلهم الفخر.. لا تصدقتو بالقروش الي سويو به المزاين كان أغنيتو مدينة كامله.. ((الخطاب موجه للجميع)) |
اقتباس:
مــا شــاء اللــه علــى هــالصغينـــون ، وتــم حفــظ المقطــع إلــى الأبــد شكــراً لــكـ عــزيــزي [ اللـــورد ] |
هي طريقة شرعية من طرق استنزاف الأموال كما كانت الأسهم
والوعد بعد ستة أشهر نصف أهل البهرجة والطرطعة والزبعة من االهيلا تلاقنهم بالسجن ما سددو أقساط الدداسن اللي أخذوهن على شان يكبرون . . .بالخرق بها الملتقى ( وعذرا فهو ليس مزاين ) ولكن نتمى خروجهم في مكرمة رمضان القادمة ههههههه |
يقولي احد اصدقائي (عتيبي )
انهم الزمو كل فرد ينتمي لقبيلة عتيبة بدفع 1000ريال والبعض اخذ منهم 500 ريال فقط والله يقول ان قريب له تسلف على شان يعطيهم 500 ريال !!!!!!! وان كان لابد من المزاين يكون فقط مزاين ام ارقيبة |
لو يزوجون العزاب بدراهمهم ..................... (هاجتنبه)
|
" مجاهيم بيوتي " تقدم الخدمات التالية :
1- نفخ سنام 2- تدليك عراقيب مع الساونا 3- صنفرة براطم " للخلفات فقط " * ممنوع اصطحاب الحوار ملاحظة : تخصيص 30 % من دخل المحل لفقراء اي قبيلة او مدينة تنظم الحفل . |
أخوي @المستاتب@ .. ما أدري هو صدق أو لا .. بس أعتبر هذا من الإسراف اللي ماله داعي شكراُ لمرورك === أخوي ناسنووس .. أنت تعرف قاعدة الكأس ؟ إذا كنت تعرفها طبقها على هالمهرجانات .. راح تحصل فيها شيء من الفايدة! ولو بعد حين .. === أخوي الراصد .. ما قصرت ولا خير بمن يرفض النصيحة .. :41 === أخوي أبو مشعل .. سبق الرد عليه ! === أخوي حمود بريدة ستي .. أفااا هذا وإحنا بالإنترنت:oo وشلون كذا ... لا . خذ راحتك وقل اللي تبيه .. بس بأدب وأحترام |
أخوي المكافح .. أهلا بمرورك وسالفة تسع حواشي هي من السواليف اللي نسمعها .. وما نأكدها ولا نؤيدها :oo === أخوي المسفهل .. عيني عليك بااااااااردة يا أخي هالتماسيح ما أحد قالي شكراً .. ما غير يتهاوشون !:032: ما فييييييييييييييييه إحساس ولا رومانسية أبداً << الله يعين حريمهم عليهم :( شكراً لمرورك يا حلوو :D === أخوي سعود بن محمد .. شاكر مرورك والخرق مكبرة عند الجميع .. من أكبر وزير إلى أصغر مستخدم . والشكوى لله === أخوي ابن القصيم .. اللي قلته وجيه وهو قريب من رأيي وأزيدك من الشعر كيس رز :D يقولون بعض الجوائز معروف أهلها مسبقاً !! |
أبك أبك أبك يا ولد وش اللي صاير من وراي ... كل شي إلا الهيلا عزوتي هم فديتهم والله أنا . الحقيقة حسيت إني من الطبقة المخملية عقب هالمزاين . والله إني حبيتك يا خلفهم أنت ياللورد وياليتي شايف(ن) موضوعك قبل كان نسقت معك عشان تجي تسير علينا في مخيمنا , لكن علم اللي يقول مالنا في الزين نصيب والعوض نبيه منك في مناسبات لاحقة . |
| الساعة الآن +4: 05:35 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.