|
الهلال) يحرم طالبة جامعية من الدراسة أسبوعاً > موضوع للضحك <<
--------------------------------------------------------------------------------
السلام عليكم ورحمة الله وبركاته أقدمت عمادة إحدى كليات التربية للبنات ببريدة على إصدار قرار فصل إحدى الطالبات لمدة أسبوع كامل وحرمانها من دخول الكلية أو قاعة المحاضرات بسبب ارتدائها ربطة عنق تحمل اللون الأزرق؛ مما حدا مسؤولة شؤون الطالبات إلى تقريعها وتوبيخها :014: واتهامها بالتحيز للأندية الرياضية واحتفالها بفوز الهلال من خلال ربطة العنق ذات اللون الأزرق. الأمر الذي لم تُجدِ فيه زيارة أو اتصال ولية أمرها لحل الإشكال وإيضاح الأمر. وعلى رغم قناعة المسؤولة بأن الأمر لا يستدعي كل هذا الغضب إلا أنها تجد حرجاً في التراجع عن قرارها. :D .................................................. .......................... خخخخخخخخخخخخخخخخخخخخخخخخخخخ جماهير البنات منقول |
لان المسؤله تشجع النصر ومقهورة وعندها صلاحيات مفتوحة حطت الحرة في هالمسكينة
|
ياخي والله ودي لو انا عندهم كان ازلق ببطن المشرفة الحقير ياخي وش دخلها وويل قلبي بس لو اختي تدرس هناك كان اخليها ازرق ببيض وكاهي بنت ابوها تسوي شي لها ماكون azooooooooz ولد ابوي اشكرك على المرور اخي عبدالمجيد الراشد |
كفوـوـو يالمشرفة مابقى إلا هي ..
تصرف سليم تبي المبارات الجاية يفتحون إستديوا تحليلي بالجامعه اتوقع المشرفة تبي تقطع السالفة من أوله علشان مايقلدنها الباقيات .. وخزيااااه بس الحياء فينا من الله وش أدوات أغتياااااله؟؟ |
تستاااااااااااااااااااااااااااااااهل ليتهم مكسرين راسه حركات مراهقه |
على فكرة هذا عندكم ببريدة
عندنا بالرياض تقول لي أختي أنهم يلبسون نفس الفنايل اللي يلبسونها اللاعبين وعليها أرقام في كلية الأقتصاد بالرياض |
الحمدلله اننا مو في الرياض.. لاني اسمع ان الجامعات هناك عالم آخر...
الله يستر بس |
.
. خيراً صنعت..وبارك الله فيها قبلة على جبين هذهـ المشرفة اقتباس:
سيكون هذا حينما لا يكون هناك مسؤلية !! وارجع وتأكد من أختك !! . . |
الأخ / azooz / 2005 و عبد المجيد الراشد
يعني جايزلك الي مسويته البنت خلاص خلي اختك تلبس شال هلال او نصر و تروح للكلية اقسم بالله أنكم او تدري خلني ساكت يعني مبسوط انت ان اختي و اختك تشجع ياسر و سعد اقول بعض الناس نزعت منهم الغيرة اقول بكرا اذا فاز الهلال اطلع انت واختك دورو بالشوارع وخلها تطلع علم الهلال او النصر ياويل قلبي بس شكرا لعميدة كلية التربية ببريدة ياكذا العميدة او بلا و الدليل ان البنت غلطة ليش ما جت البنت و ولي امرها و كتبو تعهد ورجعة الأمور الى مجاريها هذا يدل على وعي ولي امرها الذي اعترف بخطأ ابنته اما الأخوين الذي ذكر اسمهم لاحقاً فأقول حاسبو على كلامكم يااااااااااا تدرون خلوني ساكت للمرة الثانية |
اخي ابو بكر
فيه فرق بين انها تطلع برى قدام الناس وفيه فرق بين انها عند بنات اخي ابو بكر بنات مع بنات شي عادي اما بنات مع العيال لا بس على كلمك اني اخذ اختي وطلع انا ويها هذا مستحيل وشكرك على مرورك |
اصلا البنت خطأ انها تشجع كورة
لأن منهم الي يلعبون كورة مهب شباب يا خوي فكر الكورة و التشجيع للشباب فقط مفهوم او اعيد يعني اذا شفت بنت تناظر المبارات اتسعة كف مع علباته وقل روحي كولي كراث مع الوالدة |
الحمد لله والشكر زين ما سووبه سخافات وتشجيع واشيا ماله داعي
|
اقتباس:
. . |
ياحلالات من مسكة ملفه .. وقاله روحي خلي الهلاااااااااال ينفعتس .. والله مادريوا عنتس انتي وخشتس .. روحي خليهم يدرسونتس هاللحين .. وش خليتي للعيال يالعمه .. الله يخلف على امن جابتس .. سي يو .. |
مع اني ضد الي سوته البنت الا ان تصرف العميده غلط بغلط :mad: اقتباس:
على كيفك انت اتسع خواتك وش شايفهن شغالات عندك هن:( اصلا ما يحق لك تقوله لا تناظرين عاد موب تمد ايدك ما اقول الا الحمدلله والشكر على هالتفكير:confused: |
صدقني أخي قاهر الروس الكلام صحيح
وفيها بعضهم لبسين فنايل أندية أوربية ............. الأمور اللحين وصلت أكبر من كذا |
[quote]اتسعة كف مع علباته وقل روحي كولي كراث مع الوالدة[/quote
مامعنا اتسعة[] ههههههههههههههههههههههههههههه |
يااخي المفروض فصل البنت لاكن شكر للكلية
البنت تصير محتشمة لوكنت في الكلية |
اقول يا مدحت شوقي والله انك صدق لاكن من يسمع
|
قرار حكيم من عميدة حكيمة ...........
نعم للحرية الشخصية ولكن ليس على إطلاقه لأن البعض لا ينظر أبعد من أرنبت أنفه ولنا في حديث المصطقى صلى الله عليه وسلم عن أصحاب السفينة خير مثال وبيان لمن لا يفهم |
ياخوان افهموا السالفه اول ثمن تعالوا ردو قال رابطة عنق زرقاء يعني لا به ابيض ولا به غير الأزرق |
والله قلة ادب |
يؤ يؤ يؤ يؤ ......
أفااااااااا ياأهل بريدة ... صرتو مثل اللي (( يبلع البعير ويغص بالبيضه )) اللحين تلومون هالبنيه اللي لبست اللهم ربطه .. وخليتوها من الكبائر ونسيتو البلاوي اللي تحصل بالكليه وهي أشياء حرمها رب العزة والجلال ليه تترك؟؟ مثل ظاهرة الإعجاب اللي سائد بين الطالبات والأشياء اللي مايعلمها الا ربي و(.....)و(.....) وأشد مايكون ظاهرة النمص المنتشرة بين الطالبات ..... أقسم لكم بالله العظيم إن طالبه بالكليه تقول أتابع الدكتورة أثناء إلقاء المحاضره وهي(( نامصه حواجبها )) أنا سرحانه وأقول في نفسي ..... كيف أجلس وأسمع لكلام وحدة ملعونه ومطرودة من رحمة الله ... يالله وين التطبيق هناااا..... أو هذه الطالبه أخطأت في حق النظام يطبق عليها الحد ومن أخطأت في حق الله لا ينظر إلى خطأها ... أرشدونا جزاكم الله خيرا . |
يا دحيم الفزعة , منين جبت هذا اللي حجاجه تقل طلحة , يا زينه حطب بهالشتاء
|
اشكركم على مروركم
|
ينااااااااااااااااااااااااااس وشوله يشجعن الفريق الفلاني والفريق الفلاني كل التشجيع وجع راااااااس وغرااااابيل |
اقتباس:
|
:i121انا ضد اللي سوته البنت
بس مو من حق العميده انها تعاقبها هالعقاب واللي سوته البنت موشي كبير لهدرجه لبست ربطه عنق زرقا ماقلبت الكليه كلها زرقا علشان تسوي فها كذا اقووووووووووول شكل العميده نصرااااااويه ومنقهره مااقول الا الحمدالله على كليتنا وعميدتنا اللي عقلها كبير والحركات هذي ماتطلع الا من بنات اول... |
تصرف سليم من المشرفه عشان مايكون بوابه لدخول الاعمال المشينه
ثانياً هذا مكان علم وتربيه ماهو ملعب لتشجيع له مكانته وتقديره وحترامه ثالثاً انت لو تروح لمدرسه او جامعه او اي دائره حكوميه يطردونك يقولون التزم بزي الوطني وهذا الصحيح ومشكووووور اخوي ابو بكر كلامك صحيح |
أبو بكر كلامك غير منطقي
اولاً : الاشارب مو معناته كفر ولا معناته اننا نرضى اننا نطلع في الشارع حنا واخواتنا ونشجع ونفرح ... ثانياً : كلمت خلني ساكت تدل على عدم الثقة في النفس أو تدل على شي آخر لانعرف معناه ثالثاً : الموضوع يتكلم عن انتهاك لحقوق الطالبة والعقاب الذي حصلت عليه فيه ظلم وإجحاف رابعاً : فيه أمور أعظم وأكبر من اشارب او علم ومسكوت عنها ليه ماجاء عقاب رادع !!!! |
اقتباس:
طيب الافلام والمسلسلات عادي عندك تطالعهن مير اللاعبين شيف وسودان ووصخين وش يعجب البنت فيهم الواحد طول المباراة وهو يلمع من العرق وينقط وتصرف العميده سليم |
ياخـي وش بلاكـم انتـم بنـت وجابـت شـال هـلال
تعبـر عن شعـورها وفرحتها بالفـوز علـى الفقـر (( كلامي لايدل على أني أؤيدها )) |
الحمد لله على نعمت العقل
|
بالنسبة لي سأتلكم عن صميم الموضوع وهو الحرمان من الكلية لمدة اسبوع بعيدأ عن التعصب بالدين الغير منطقي فالله سبحانه لا يحب الظالمين اخبار من الله بكرهه للظالمين والتحذير من الظلم في ايات كثيرة . هل هناك سياسات وتعليمات للكلية بالمخالفات والجزاءات على الطالبات ؟ وهل الطالبات يعرفن تلك ؟؟ باعتقادي ان المسألة اجتهادية تعصبية فردية ما لم يكون هناك تعليمات للكلية بالمخالفات والتجاوزرات مرفقة مع استمارة التسجيل ، وأن كان هناك تعليمات موثقه عند التسجيل فانا اتراجع عن رأيي !!! مع حسن الظن بالبنت أن الشال للزينة وعدم الدخول في النوايا !! فهل الشال ممنوع في الكلية ؟ اما من ناحية التشجيع ، فالحديث واضح وصريح كلكم راعي وكلكم مسئول عن رعيته !! قد يحاجني احد على هذا الحديث ويقول ان المشرفه مسئولة عن رعيتها ؟ فهل المسئولية تقتصر على العقاب فقط ؟ للجميع الف تحية ،،، |
اقتباس:
المشكله مسلمه ونامصه حواجبها وحاصله على الدكتوراة البلا ان العميده صاحبة القرار على هالربطه تاقف تسولف وتبسم هي وكيلاته مع النامصه الملعونه دينيا بتمام الرضاااا وعش رجبا ترى عجبا |
| الساعة الآن +4: 07:07 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.