|
زوجات اهل بريدة رز ولحم ..(منقاشك ودور اهلك )..!!
الافراح والمناسبات ..كإحتفالات الزواج عندنا ببريدة ..(اقصد الرجال) ..
عبارة عن هم وضيقة صدر للعريس واهل العريس حتى يدخل العريس على عروسته..! وتنتهي ليلة العرس على خير ..! والمعازيم يحضرون للقصر ويسلمون على بعض عن قولة ماحضرنا ..وبعدها بنصف ساعة ... ! أقلطوا الله يحييكم ..! وماهي إلا دقائق وتبدأ عملية ملء البطون رز ولحم ومشروبات غازية.. (الحمدالله والشكر على النعمة ) .. بعدها على طول المغاسل ..!! غسّل وخذ منقاشك لتبدأ مرحلة البحث عن حثاريب اللحم في مانشب بين الضروس ..! وعلى طول للأهل او للشلة يكمل السهرة ..!! وهكذا يتوارث اهل الديرة تلك العروس المملة الرتيبة ...!! إلى متى لايكون الفرح بمعناه الحقيقي فرحاَ ...؟؟:confused: |
ان شاء الله زواج بنتي ابحط دجاج بروستد
وابعزمك خلك تستانس |
^
^ ^ ههههههههههههههههههههههههههههههههههههههه وآنا بعرس بنتي فطائر لوزين ياصاحب الموضوع كل الشعب رز ولحم ولو حطيت لهم شي آزين وأفود قطعوا جلدك |
تصدق عاد إن العزاء أحسن من زواجاتنا |
وش تبينا نحط ؟؟؟؟؟؟؟؟؟؟؟؟؟؟؟؟؟؟؟ يحمدون ربهم اللي عزمناهم بعد ,, ناس ماغير يتشرطون جايين يبلعون بس ,, |
معك حق اخوي راشد احسن شيء سلطات متنوعة 1/ لانها مفيدة للجسم 2/عشان ماتدخل بالسنون 3/خفيفة على المعدة 4/توفير واقتصاد 5/جيد لاصحاب الوزن الثقيل وللي يسون رجيم.. مع ماء والحمد لله واللي مب عاجبه بيتهم مليان من هالنعم.. وشرايكم عاد مب كذا احسن |
اصلاً انتم تجون عشان الرز واللحم
وفي النهااااااايه كروووووش احمدو ربكم على الصحه والعافيه وابـــشركم الحين الناس طاحو با الزواج العائلي يعني خلاص مــافيه رز ولحم:) |
ليه هم وضيقة صدر !!! بالعكس الزواجات اعتبره فرصة للتواصل بين الأقارب والمعارف في زمن كثرت فيه القطاعة فبعض الناس ماتشوفهم إلا عن طريق الزواجات.. .. وبالنسبة للعشاء الرز واللحم هي الوجبة التي ترضي جميع الناس من صغير وكبير لكن أنت ماحطيت اقتراح لوجبة للعشاء المناسبة عشان ممكن نقدمه لكم بزواجاتنا .. |
أعتقد أن الموضوع زواجات وليس زوجات وهناك بون شاسع بينهما ,,, |
اقتباس:
مو المقصد الأكل .. انا ادري الناس مايقنعهم غير الرز واللحم .. اقصد نوع الإحتفال ليه مايكون فيه حفلة رجالية ..؟؟ طبعاَ لا أحد يطلع ويقول وش تبي ..؟؟ ابغى إحتفال بإطار السنة ... اهازيج رجالية وهكذا .. مع شوية دفوف <<<<< ادري ما فيه امل يقتنعون اهل الديرة ..! |
بالمناسبة ...
العنوان زواجات .. وليس زوجات ... !! الألف سقطت سهواَ شكرا للجميع |
اقتباس:
وكــــــــــيف يكــون الفرح ... (فرحـــــــــــــــــاً) لديك ؟؟؟ |
زوجات اهل بريدة رز ولحم ..(منقاشك ودور اهلك )..!! كذا ازعل منك:oo تقول بريدة لا يابابا كل الزوجااااااااااااااااااات |
أحمد ربك وأشكره ..
|
اما نا في زواجي ابكتب عقد مع رشوش 250 جامبو 50 شاورما
(((يااخو تغير عدات اجدادك )) |
اقتباس:
أخوي ماأشجع إن الرجال يكون عندهم دفوف لأنه سيشجع بعض الرجال على الرقص ياشين منظر الرجل وهو يرقص ويتمايل... |
مافي أزين من الزواج العائلي الحين كل الزواجات أنواع الإستئثام بالخلق
|
شف عاد جاك الصدز
اعرف ناس من اصحاب الدخل المحدود الي مايقدر يشري كيلوغنم ب50 ريال والا حاشي ب28 ريال ومايشتهي اللحم المثلج يقول انهم يفرحون اذا جتهم دعوه لزواج علشان ياكلون لحم لانهم مبطين ماشافوه مغير دجاج رز رز دجاج واذا حبو مره يتطورون حطو دجاجه ونص يعني تطورهم برضه دجاج في دجاج لدرجة ورفيقي يسولف معي من كثر مايتحسر اخاف يبيض علي وكل شوي قايل له انتبه لا تنفقس ويضيف خويي يقول وننقهر اذا جتن يطاقة زواج تقول يمنع اصطحاب الاطفال ذيك الساعه ودنا يحترق قصرهم وحنا فيه لانهم حرمو البزارين من اللحم والرزواذا جتنا بطاقه تقول اطفالكم شموع تنور زواجنا فرحنا وقلنا لبزارينا سنو سنونكم تراكم معزومين اليوم مايستفاد من الرد: اني اعرف اكتب بالكي بورد والا يوم قريته لقيته :42 الدجاج والبيض يحتاجون دعم من الحكومه لانهم طعام الفقراء الرز واللحم واقع اليم لن يتغير الا اذا انقرض الحاشي |
ههههههههههههههه الحين الرجال مايقول غيروا اكلكم مايقصد الاكل هو يقصد شي يغير الزواج عن هالروتين اللي بس ياكلون الناس ويمشون يعني افكار مثل مسابقات او زي الحجاز مجس وشلات مثل بعض المناطق هذا هو اللي يقصده اتمنى ان الفكره وصلت:confused: |
تبي الصـــدق كـــل الـــعالـم رز ولحــم وبعضهــم يجيـــبوون بــصحوون جـــريـش ومـــرقــــوق وســـلطـة
يعـــني70%من النــــاس رز ولحم بدووووون شــــــي |
المفروض ان الزواج يكون فيه حركه شوي يعني مايكون مثله مثل عزيمه عاديه المفرض يحطون طق للرجال يرقصون ويستهبلون ويستانسون عادي موهب عيب ولا حرام..
العيييييييب والله انهم يدخلون على الحريم ويرقصون وش الله حادهم وراه مايحطونلهم طق ويفكونا من قولت تغطي ولاتتغطين.. |
مابقى إلا هي .. تبون الرجال يرقصون!! وطق ودفوف !!
اللهم يرحم الحال الناس من جرف لدحديره .. إيييه الله يجيب السيل ويغسل به قلوب العباد.. |
كلكم مافهمتو قصده الرجال ماتكلم عن الاكل
كل مقصووده ليش زواجاتنا انقلبت كنها حزن مايفرحون مثل اول حتى الأعياد صارت مو مثل اول |
اقتباس:
هذي قويه صراحه <---شاك انه هدر |
يمكن يكون قصد الأخ راشد ..
أن الشخص المدعو لحفل الزواج .. يأتي قبل وقت العشاء بربع ساعة .. ويسلم على العريس وأهله ثم يتعشى وبعد العشاء ((ماتشوف الا غباره)) .. بصراحة أنا كم مرة أسمع ناس إذا عزموا على زواج المدعو للحفل يسأل : متى بيقلطون العشاء .. يعني همه العشاء .. المفروض يكون المدعو يأتي لأجل السلام والتبريك والتهنئة فقط .. (( مرة من المرات دعيت لحضور حفل زواج وبعد حضور الزوج وأخذ الزوجة معه أتى أب العريس يشكر كل من حضر ويدعو له بالتوفيق والصلاح .. ثم أخبرهم انه ليس هناك عشاء .. ليتكم تشوفون أشكال اللي حاضرين .. واحد حمق .. وواحد استغرب .. وواحد طلع وهو يضحك .. << -- يمكنه متعشي قبل مايحضر الحفل بس أعلمكم ان فكرة أبو العريس رائعة .. وهو أن ذكرهم أن المقصود من حفل الزواج هو السلام والتبريك والتهنئة .. ((وان جاهم عشاء فهي نعمة)) .. لكن العشاء مهب واجب )) المقصود من كل هذا هو أن الشخص إذا دعي لحفل زواج أو غيره .. يكون مقصده هو السلام والتهنئة والتبريك .. تحياتي .. محبكم .. |
فقط في يوم زواجي تمنيت أنني وسط مجتمع (بدوي)
حتى نستمتع بالإحتفالات الخارجة عن العادة و التي تجسد الفرح كمصطلح .! بحق بروتوكلات الزواجات لدينا مملة جداً و ينقصها الـ (أكشن) :) |
أشكر مداخلاتكم وتفاعلكم ..أخواني واخواتي ..!
بصراحة ودي أرد عليكم كلكم كل واحد لحالة ...لكن بجد كســل ..! لكن أبختصر وارد على الجميع ...! وللتوضيح اقول ياجماعة الخير ..زواجاتنا مملة بشكل غريب ...إبتسامات صفراء ..وملي ابطون وكل شيء إنتهى الغريبة بعض العروس ..والناس جايين يسلمون ويسولفون على بعض ..ماتدري إلا ومرتجل أحد الأخوة كلمة وعظية او يقرأ قرآن ..ويجبر الحضور على السكوت ..او ينشغلون عنه وهو قاعد يقرأ ..! الناس جايين للفرح واخينا بالله يكتمهم ..! انا ما أدري من جايبين ربعنا هالبدعــة ..؟؟ الزواج أسمه فرح ..والفرح مثل ماقال بريماكس ..لازم فيه اشوية اكشن ..! مساجلات شعرية اوهجيني ..الناس ودها تفرفش ..!! شكرا للجميع |
هلا اخوي راشد زواجاتنا وما ادراك ما الزوجات المشكلة ان هذه الزوجات اذا لم تحضرها !!! فالويل لك ... واستنقص في حقك وصغرت في المجالس بالمقابل عندما تطرق مئات الكيلومترات للحضور تفاجأ بكلمتين حياك الله ووشلونك ووشلون والديك !! وتمسك الجميع ووشلونكم ووش اخباركم !! وعليها .. والدي الستيني !! يقول : كرهت المناسبات من كثر السلام وتكرار السؤال ؟ اللهم اللطف بنا يا رب تقبل تحياتي اخوي راشد |
ملء البطون ليس بالزواج فقط ياأخي كل واحد شبعان ببيته ولكنها دعوات فلابد من الإجابة والزواجات فرصة لصلة الرحم وأيضا تشوف اللي من زمان ماشفته من قريب أو صديق أو غيره |
هههههههههه مافيه فرق بين العزاء والزواج أنا ما أستغرب إن الزواج رز ولحم والسلام عليكم أنا مستغربه من العزاء اللي ثلاث أيـــام غداء وعشاء مفاطيح لاحـــول ولا قوة إلأا بالله إذا مريت من باب عنده بوادي مطعم ورز منثور على الأرض والقطاوه تطامر حوله يميين ويسارعرفت إنه عزاء مساكين أهل الميت مجبرين يلزمون على فلان وعلان بالغداء والعشاء وكأن عندهم فرح الحال أقتلب الله المستعان .... |
الــروتيــن ككـُــل مـُـمـــل ، حتــى ســلامنــا علــى بعضنــا أصبــح مـُـمــلاً ، إذ أنـّـــكـ حيــن تســأل أحـــداً منهــم كيـــف حــالـــكـ ... ؟؟ عنــدهــا تتيقـّــن بــالجــواب قبــل الســوآل ... !!! بعضهـــم يـُــريــد أن يــدفــع مبلغـــاً مــن المــال شــريطــة عــدم حضــوره وإنتقــاص النــاس لفقــده ، وتــزيــد سعــادتــه إذا كــان منسيـّــاً مــن الــدعــوة كــي يجــد ذلــكـ عـُـذراً لعــدم حضــوره .. المــوضــوع إمتــلأ ردوداً وحــروفــاً ولا داعــي للــزيـــادة مــن قبلــي وإلا ففــي جـُـعبتــي الكثيــر ... |
الزواجات حقاتنا بايخة جداً، مافيها شيء مميز، بس أحسن شيء إني أشوف ناس من مبطي ماشفتهم :cool: .
|
وش تبي ياراشد حلى وبوفية مفتوح ومحاشي ومشويات 00 بنشوف ان شاء الله اول عرس بنعزمك 00
|
فعلاً
مناسبات الافراح عندنا فيها شوي من الكسل والهدووووء السائد مدري ليش على الرغم من انها مناسبه فرح مدري وشلون نفرح وحنا ساكتين مشكور اخوي على الموضوع الحلو اخوك صفراوي |
تبي مثل الحجاز يتضاربون في العصيان مثل الدجاج
او مثل الجنوب تخاف على بطنك من الخنجر او مثل الشمال تخاف يطلع جني من المناقز او مثل الرياض مو كلهم بعض اسراف على غير جادة مامثل الزواج العائلي علشان نفتك منك ومن امثالك الشروهين ههههههههههههههه |
| الساعة الآن +4: 01:11 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.