|
%%% وش رأيكم أشتري هاي لوكس 2008 أو ددسن %%%
أخواني تحيرت وش أشتري هاي لوكس 2008 أو ددسن أرجو منكم المساعده
مره أقول الهاي لوكس أقوى ولكن بسكوت قرطاس البدي( إذا صدمت راحت عجينة وكلها فيبر) والددسن قويه وأمتن (بس ليس لها شعبية في بريدة ) وأهل الرس يموتون بالددسن وش رأيكم أشيرو عليّ وش اشتري هاي لوكس 2008 أو ددسن |
ددسن افضل
اوهايلوكس من الاولات |
لاااااازم 2008 اشتري شي مستعمل لكنه نظيييف وغب قروشك تحتاجه في يوم ما كزواج او حاجة ماسة غير ذلك : الناس ما يعطون خير يقولون ولد فلان شرى سيارة جديدة وخذ حكي انت في غنى عنه |
اقتباس:
تقول هايلوكس من الأولات وش تقصد من الأولات كم موديل ثاني الناس يمشون مع الموديل ولك الشكر |
طيب هابلوكس من 2002 إلى 2005
هبآآآآآآآآآآآآآآآآآآآآآآآآآآآآآآآآآآآآآل :) |
والله اشر
من الفين واثنين الى الفين وخمسة وخل عنك البقر ذولي اسال شيبان الخبوب وش يسمونهن |
يقول الشيخ سليمان الأحمد في أرجوزته:
قال سليمان انا ابن الاحمدي أحمد ربي وهو خير منجد مصليا على الرسول أحمد ا وآله ما غاب نجم أو بدا وهذه يا إخوتي أرجوزتي نظمت فيها كل ما في حوزتي يابن القصيم إن تكن مصيدا فصن حقوق الصيد صونا جيدا والجيب للتصييد نعم المركب لو أنت حال الصيد سوف تتعب وللأحجار تستحب الددسن أما الشعيب فالهولوكس أحسن |
والله يابو الشباب انا انصحك بالكامري اذا تبي صغيره !! اما اذا تبي شي به صندوق فاأنصحك بالهايلوكس الجديده افضل لك من القديمات يارجال القديمات مزعجات بالأصوات وعليهن مطب مهب صاحي تقل به جني اما الجديدة يالله من فضلك اقل ازعاج بواجد من الأوله واقل مطب واهم شي وقبل تجزم على اي سيارة لاتنسى صلاة الإستخارة اما الددسن لاتطب عليك تكفى :( وبالتوفيق لك |
هلللللللي :)
هايلكس 2005 من رايي , اما (الددتسن) فلا تعليق !!
|
الددسن حلوة بس على قولك ماله شعبية ببريدة
فلذلك راح تتعب عند البيع وبيكسرونك فشوري عليك لاتتعدى الهايلكس تبقى الأفضل ولو تغيرت خشته |
الهايلوكس ماشاء الله
شيك بالمخباة .. الله يطعمك خيرها ويكفيك شرها مقدما ً |
والله حساااااااااااااافه تضيع فلوسك على هايلوكس او ددسن!!!!!!
|
انصحك بالهايلكس
ومسألة إن البدي بلاستيك او غير بلاستيك فأنا أفضل البلاستيك كونه لو انكسر بداله بلاستيك ويبقى قيمة الموتر ووزنيته كما هي بعكس الدادسون فهي حديد فإذا تضرر من اثر اصتدام او نحوه فقد يتسبب لك الخسارة أكثر وأكثر كون الموتر ستتغير وزنيته وكذلك نزول قيمتها عند البيع .. والآن أثبتت الدراسات أن الهياكل البلاستيكة للسيارات نجحت بنسبة 85 او ما يقارب هذه النسبة في سلامة الركاب من حالات وفات واضرار مادية لأنهم كما فهمت من خلال الدراسه أن الاصتدام بمجسم بلاستيكي أكثر أمنا من الاصتدام بحديد .. فأنصحك بالهلي فهي ذي عزم قوي وراحة أكثر .. لا تنسى الاستخارة قبل كل شئ |
أنصحك بالشاص :)
أو صح نسيت إنك قلت هلي أو دقسن :) |
| الساعة الآن +4: 06:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.