|
[ شـاركـينا بـ عـشاكِ هذه اللـيلـة ] .. يسمح دخول اللي يسوون رجيم .. :113: !
وين وصلنا .. إيـه أقولكم ! كنت مروقة أمس والمزاااااااااااااج صافي لبن والنفسية زين العابدين تمام التمام .. ! وأقعد أفكر وش أصلح لي عشاء .. أول مره أفكر أصلح لي عشاء ! بالعادة اللي ألقاه قدامي حياه الله .. والخف رحمة ! قلت ياليت على صوص مطعم ماريز .. :eek5 ! وأطير لقوقل وأحاول ألقاه بس ماش .. ماجاب لي إلا إختراعات حريم ! وأكتب : [ صوص بالثوم ] .. < ماسكتن معي ثوم .. :098: ! وبالأخير .. وافقت على واحد وكتبته بورقه .. بقلم أخضر ! وأتصل على الأخ المصون .. وقلت له جب لي خبز مفرود وبطاطس مقطع جاهز وبارد لاتنساه أهم شي ! قال طيب بس البطاطس مراح أجيب مامعي فلوس تكفي .. قلت موب لازم الله يجزاك خير ! < قصة حياته .. :113: ! المهم .. وأظبط لي بطاطس وأتبله بثوم وبهارات وحبحر دقاق وملح وكل ما أحبه ! وأقطع البصل الأخضر .. والخس والمطاط ! وأصفهن بالصحن .. وأجيب الفلافل والبطاطس وأحطهن بصحن ثاني ! وأجيب المفرود .. والصوص ! وش باقي وأناظر .. قلت باقي البارد ! يا فلاااااااان < إقاله تجحد .. :113: ! ماجبت لي بارد .. قال لا ماقلتي لي :098: ! قلت أفا .. أهم شي هو ! قال فيه بالثلاجة .. عقب الغداء قلت ماش طايرة الغازات < تلمح تبيه يروح .. بس ماش :113: ! وأخضع للأمر الواقع وأقول الله يجزاك خير ماقصرت .. وأصف الجميع بالصحن ! قلت .. خل أسبع هالمواعين الشوية .. وأرجع آكل ! وأقول للأخ أبي جوالك لأني ناوية على هالموضوع ..المهم قال لاجيتي ترقين مري علي أعطيكياه ! << سبب جوال الأخ بالذات .. لأن تصويره كويس .. n73 خربان :eek5 ! ماش خرب المزاج شوي .. يوم خلصت وأروح بجيب الجوال لقيته مقفل .. :098: ! وأروح للنت وأشوف حاجات مش ولابد ! أمر ينحاااااااااااااااااااااااس المزاج وتوصل النفسية للأتش ! والأكل لسى تحت .. :eek5 ! وتنسد النفس تقل توي آكله مفطح بدون لحم .. :eek5 ! يابنت كولي حاولي .. منّا ومنّا بس ماش ماش .. !! يوم قالت حنايا جوعانة أسعفوني .. قلت بقلبي آه لو أنتي عندي تاكلين معي وتشهوينن .. :eek5 ! المهم .. صلحت لي نص مفروده وأكلته بالغصب عن الحسافة .. :113: ! وأقوم وأروح لغرفتي وأقعد أقرا رواية رحلتي إلى النور إلمن أذن الفجر ! وأنوووووووووم .. :084: ! الزبدة الموضوع باين من عنوانه وبس خير الكلام ماقل ودل ! < كل هالقرق اللي ماله داعي ووقفت على زبدة الموضوع .. :113: ! أبي كل وحده تصور لنا عشاه .. أي شي كان ! عشاك اليومي .. صوريه لنا ! أندومي , دجاجة , نقانق , رز , مكرونة أياً كان عشائُكِ .. :rolleyes: ! تفاعلن تفاعل فيزيائي .. لا أريد كيمائي مره وحده وخلاص مايرجع لأصله ! < أتحدى وحده فهمت .. :113: ! عذراً على كثرة القرق .. بس لاتلومون وحده من زمان ماقرقت ! |
بنات أحلفن إنكن قريتن الموضوع كله .. :113: ! تراي قرقت وقرقت ولا راجعت ومن ثم أعتمدت .. فلا أحد يلومن على الأخطاء ! |
لـي عودة ,‘ :) |
اقتباس:
|
على فكره اشوا انك سمحتي لاهاذولا اللي يسون رجيم يدخلون:030:
|
انا قريته كله ياشهد خلاص مايمديك تهونين;) والله جوالي مليان صور بس المشكله ان الصورة تصير كبيرة وانا مااعرف اصغرهن :eek5 والله ان موضوعك جنان تسلمين |
شسمه ايه لنا عودة بعد السعسقه بين مراكز التحميل :113: |
..
... والله العظيم اني قريته كله هههههههههه يا هلاااا والله بشهد العسل وش اخبارك ؟ موضوعك شيء مادري وراه دايم حنا نبلش ما ندري وش نتعشى مدري ليه !! ولا بعد اخرتها ننام بدون عشاء صارت لنا سالفة اليوم حنا واالعشاء :eek5 امي قالت ابعشيكم و اختارو مطعم تعرفين لازم تختلف الأراء كلن يبي مطعم وجت الساعة 11 واخواني يتهاوشون ما اتفقوعلى مطعم انا مليت عجزت اتحمل الجوع عقب فطور الجامعة ما اكلت شيء :eek5 قلت مالي إلا خبز وجبن وتعشيت وقضيت وهم للحين ما طلبو للحين كل واحد يقنع الثاني بمطعم شكله يبي يذن الفجر وهم ما تعشو:d لي عودة إن شاء الله با الصورر |
ملاك تقول لك شهد روحي لمركز تحميل شيوخ قطر:d |
. ههههههههههههههههه الله يقلع بليــستس انتي وعشــاااتس << توهـ تقرا الموضوع ترا :113: قريت العنـوان وطررررررت اصور عشا اهلي قبل يبـدون به :d ابشركم بديت بتحميل الصور :113: . |
اقتباس:
نعم نعم :09: قولي له تقول انا سعودية حتى النخاع:( وش رايتس نحرر المرأة احسن :( :113: |
داخله ادبتس ابشوف العشيات اثر مهنااااااااااااااااش شي<<<<شرافه مقطعتن وين الناس؟؟ |
اشوف العالم تسولف ونسو لب الموضوع << لا تفوتكم لب متعوب عليـها :113: المــهم اليووم مافيـه عشاء اصلاً من قال اننــا نتعشى :113: اخواني ما يبون < يقالهم يحافظون على الرجيـم :113: وانا يابعد تسبدي انـــا ارحـم :eek5 << بالله آهـات حزن اهئ اهي لا انا اتغداء مع الناس لانهم يتغدون العصر وانا مقدر اتغداء مـعهم وإذا جيت اصير جوعانــه مصيري انام بدووون عشـاء << لا توقفون الاهــآت بالله :113: قليل النادر نسوي عشـــاء بالشهر مره :113: فيوماً من الآيـــام تعشيت انا واختي :113: وآوعدكم اول عشاء بعد اسبوعيـن اصوره لـكم :113: ذكرون :113: << اهم شي الطمـــاط وشطة رنـــا :113: ترى التصوير مو مره لاني كنت توي ما اعرف اصور :113: هوووووووووع دمـتم سالميــن < :113: |
. هـلا بالجميع كلهم اللهم اني بريئـة من رد 11 :113: كل ماشفته استاحشت منّ :113: ابشركم قضـيـــت :024: دووكم عشانا تلقفووه كراث وهمبرجر وعصير :113: ولله اني صرت اسنع احد اول وحده انجزت :113: شسمــه حنـا ترا حركات لازم مُقبلات قبل العشاء مُقبلاتنا كراث ماحصللللللش :113: يااحبيلي كل بتله احب المستودعات انـا علشان تسذا حملت الصور من مركز المستودع :113: هذا كراثنا قبل العشاء بنص ساعة وهيك شي يالله من فضلك من يحصل له كراث ومنتدى بريدة ستي وووهـ ياناس وقسم الواحد يحس انه خلاص بالخبووب :113: مايحتاج يطس للقصيم بس بااقي نفود نطاعس به :024: http://-----------/uploads/3c2fd2bc10.jpg وانتي الصادزة لاب طوب مع شوية كراث :113: وترا مابه سلك تلفون خاطم بالصورة :113: هُمن اللحين يجي العشاء الصـودزي http://-----------/uploads/a978b24284.jpg وهذا العصير الأحمر ملاحظه ( حنا مانعترف بنكهات العصيرات مانعرف إلا عصير احمر وعصير اصفر وعصير اخضر ووو.. الخ :113: ) http://-----------/uploads/c8ba0c7dab.jpg ولله يانا احس بمــررر عقب هالعصير :113: ماتسد شربته إلا جان مر :113: ولا بعد معه كراث :113: شكلكم نحتون :113: وبالهناء بدون مر على قلبي :113: . |
| الساعة الآن +4: 12:50 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.