|
فزعتكم بالقصمان
السلام عليكم ورحمة الله وبركاته
كيف حال الجميع في البداية أنا أعمل في الرياض وصدر تكليف لي بالعمل في مدينة بريدة بترقية طبعاً !!! ولم أزر في حياتي مدينة بريدة ولا أعرفها وهل هي مزدحمة بالسكان مثل باقي المدن الرئيسية . وأتمنى من الجميع النصح بالسكن في أي حي من أحياء بريدة وهل يوجد مجمعات أسواق كبيرة وكيف نتكيف مع لغة أهل بريدة لأن بصراحة عليهم مد في الكلام ما أدري وش لون أوصف لكم ؟؟؟؟ إذا أحد يقدر يترجم الكلمات التالية أكون شاكر : نيم به وين هو به مير يابييٍ |
أهلا بك ومرحباً بأهل الرياض :)
المدينة ليست بالمزدحمة لاتخاف :) أبارك لك الترقية وأرجو أن يكون حافزاً لك في خدمة الدين .. وأفضل حي هو حي الريان أو البشر أو سلطانة .. معاني المفردات :) : نيم : نائم . به : يوجد . وين هو به : أين يوجد . مير : لكن . يابيي : كلمة تدليع وتستخدم للتهزيء أحياناً . حياك الله |
الله يبارك في أيامك
بس الأحياء هذي في أي جهة من بريدة ( شمال شرق جنوب غرب ) وعلى فكرة يمدحون حي الربوة وحي غنامة وهل الإيجارات غالية ؟؟ أو ما عندك خبر ؟؟ طبعاً دور مع مدخل سيارة ! |
XXXXXXXXXX
|
.. الله يوفقك .. أهم شي لا تتخوف من الغربة ، و أهل بريدة اجتماعيين جداً .. و بالنسبة للغة ، فلا تقلق ، لأنك ستجد باكستانياً أو هنديا يتحدث لهجة أهل بريدة بطلاقة .. و عن بعض المصطلحات فأخوك في الله حتى الآن يحار أمام بعض مصطلحاتهم .. لكن نفهمها بالسياق :cool: |
اقتباس:
, , , , انا اقولك.., حي الربوه راائع بس انوه غاااالي..,’ وحي غنامه تلقى لأننا ما ابطينا رايحين لموه وشايفين بيت..,’ بس صراحة ما ادري عن السعر..,’ أتمنى اكون افدتك..’ : ) |
معقول هذي كتابة أو تجميع احرف أو أبيات شعر يا بريداوية أم الهبال ؟؟؟؟
وبعدين الله يكرمكم عن البنغالية ؟؟؟ |
اقول انا بالشمال متى تسير علي اعطيك دوره بالالفاظ والعبارات
|
زائر من الرياض انصحك انك تسكن شرق بريدة بالضاحي فيه حديقة جديدة بس لاتجي معاليك شماغ الله الله بشماغ العقل المتين وكل عوايل الضاحي مايحبون اللي مايلبس شماغ عرفت ......... |
أخو دريحم
حي الضاحية بالذات فيه زملاء لي يقولون لي لاتسكن فيه ؟؟؟ حتى الجوال ما يشتغل هناك يمكن ؟؟ |
اهلا بك ... ومرحباً 1000 بالنسبة للسكن ... من الافضل ان يكون قريب من العمل فحدد مكان العمل ليتم نصحك في الحي المناسب .. اما الزحام ... فلا يوجد اتمنى لك التوفيق |
اقتباس:
إزاي ما تعرفش ده الله ده دي هذي وانا اخوك يعرفها البنقالي وانت ولد الديرة ما تعرفها اللي تقول انت من الرياض بس ودي يابيي تشوف السريع إذا جت عطلة وين اهل الرياض المتمدنين يرحون؟ سرا وطوابير للقصيم 0 وين عايش انت فيه به بوووووه شكراً ليك |
اقتباس:
كلها كم يوم وتجي شركة زين من ناحيه ابراج الاتصالات والضاحي فيه ميزه عن غيره يوجدفيه روائح النفل والخزاما ورائحة الثيل والحديقة الجديدة وممتاز للسكن وفيه ميزه قريب للتشليح يعني اذا صدمت سيارك يعني او اردت قطعه للسيارة |
كان مالك معارف واقارب ببريدة تبي تسكن حولهم اسكن بجنب مقر العمل افضل لك
|
| الساعة الآن +4: 05:53 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.