|
(البكيرية) واكبر عمل جبار على مستوى القصيم
[
COLOR="Red"] (منتزه البكيرية العام)[/COLOR] قمة في التصميم (كنه رسمه).. >>> حراس امن ومشدد (الشباب ما يقمزون):072: >>> هيئة وبكثافة:41 >> خدمات ولا اروع >> ولا انسى الناس الطيبين في ذاك البلد ... (ضف اهلك والعائلة الكريمة ومن يعز عليك وسوو زيارة تراه تستاهل وبالحيل):072: ملاحضة: زرت جميع حدائق ومنتزهات القصيم تقريبا ولاكن اثبتت جودتها وروعتها (منتزهات البكيرية) ارجو ان تسألو عن الحديقة حتى ما تضيعون... مجرب:d لاتنسون تسجيل ملاحضة على بلدية بريدة مع التحيه .!!!:oo |
البكيريه
حلوه بس بعيده روحه وجيه |
يا بن الحلال طعم الرحله اذا ابعدت عن الديره وغثاه ..... والطريق كله ربع ساعه وانت واصل يالذيب
الاخ طبع شيبان ( التعب على السياره |
يخوي قسم بالله أحب هالديره وأحب اهلها الطيبين المميزين زرتها بعد إفتتاح الفندق العالمي رمادا وتمتعة بأقامه مميزه فيها من الجمال والطيبه الشي الكثير مع الاسف ماكنت اعلم بوجود هذاالمنتزه فيها ولكن بأذن الله سوف أحدد يوم خاص لزيارته يكفي بأنه غير قابل لسقيط القصيم مثل مايوجد بتلك الجنوبيه تحيه معطره بالمحبه لرجالات البكيريه صدقني يابطل بأن مايوجد بالبكيريه فهو مفخره لكل شخص ينتمى لبريده . |
أو كل ما طلع شيئ في أحد المحافظات قاموا يتكلمون في بريدة يا حول يا بريدة ما أدري وشهي مسويه لكم
الكل يحط من قدرها يا خي يانا س أعقلوا خلوا عنكم السخفات لي مالها داعي ولاصارعندكم حدائق وإلا منتزهات خلاص أنتهى كل شي مع العلم أنني زرت حدائق في بريدة وعنيزة وحديقة البكيرية فوجدت أن حديقة البكيرية أجمل وأهداء وأريح نفسيا بس ماله داعي أنك تقول ( أقعدوبه ياأهل بريدة ) |
البكيريه :41 << ياحظ طخطيخ وأبو حيا |
مبروك لأهل البكيرية المنتزه الجميل
ومبروك لأهل بريدة البكيرية ومنتزهها اتمنى أن تزداد المتنزهات وأماكن الترفيه في في المنطقة بأسرها لتلبي احتياجات الأهالي والزوار |
اقتباس:
|
والله ياحديقة الضاحي أحسن شيء بالقصيم....
|
كل ما حصل شيء قالوا بريدة وش سوت لكم بريدة عيب عليكم هالكلام التافه ارفعوا من شأن قراكم ومحافظاتكم وخلوا بريدة لأهلها
لولا بريدة عاصمتكم ما صرتوا شيء يا أيها القرويين بريدة مدينة كبيرة لا تقارن بمحافظات صغيرة أو مراكز أو قرى |
نعم نحن أبناء منطقة واحدة يسرنا كل ما هو طيب فيه سواء في البكرية أو الخبراء أو الهلالية أو عنيزة و الرس أوبريدة وغيرهن من مناطق القصيم .
وخاصة إذا أحاط بهذه الأشياء الدين فهو المرضي للجميع . شكرا لك . |
إلى الأمـــــــــامــ يا محــافــظــة البــــكيـــريــــة |
اخوي المبتسم 1000
انت قلت في عنوانك. (البكيرية) واكبر عمل جبار على مستوى القصيم واليكم التقرير..(اقعدوبه ياأهل بريده) وين التقرير الموقع مساحته طريقه البناء ( شاليهات - مسطحات - شقق ) س - به مسابح والعاب اطفال والعاب كبار ؟ س-به شاليهات او خيام للاجار ؟ وكم قيمتها؟ س-الدخول مجاني ولا بقروش؟ س- الدخول للفرد او على السيارة ؟ س- بوه مواقف لسيارات ؟ س - اين يقع بظبط ؟ (الوصف ) تقبل مروري |
، أنا ضد المقارنة دائماً ،وخاصة التي تؤدي إلى مدح طرف على حسب طرف آخر مهما كان .. امدح من يستحق المدح ، ولكن لاتقارن بقصد إسقاط الآخرين . أعجبني هذا الرد : اقتباس:
وأسباب النجاح واضحة ـ وقد ذكرها أخي المبتسم 1000 في كلامه ـ فلنحذوا حذوها : قال : * قمة في التصميم (كنه رسمه) * حراس امن ومشدد (الشباب ما يقمزون) * هيئة وبكثافة * خدمات ولا اروع * ولا انسى الناس الطيبين في ذاك البلد ... ، |
| الساعة الآن +4: 10:49 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.