|
ماهــــــــــذا كل الســــــــــوق قصيــــــــر في قصيــــــــــر ,,ولا لبنــــــان!!
مســـــــــــاء وصبــــــــــــاح الخير للجميــــــــــــــــــــــــــــــع اولاً مبارك عليكــــــــــم الشهر الفضيل وجعلنا الله وايـــــاكم من صوامه وقوامه ندخل على طول بالموضوع ,, كالعاده تـــــوست يبر بأهله ويديهم للســـــوق بعـد جهداً جهيد من اهله المهم وديتهم للسوق الداخلي وبديت اتمشى معهم تصدقــون اني رجعت للسياره اتأكد انا ببريده ولا بصنعـــــــاء من كثر اليمنيه بالمحـــــــلات ومن محل لمحل وانا هوش مع هالبنات وكل محل ندخله كله ((قصيــر في قصيـر)) وهذا هومحور الحديث والله كل اكثر المديلات الجديده قصير فوق الركبه والبعض تحت الركبه اللي متستر طبعاً ..مالقينا ذهبنا الى النخيل ونفس الوضع بنطلون او تيــــور >> اخيراً عرفت التيور :d قصير .. والله ابتـــــــرام راسي وحنــأ نــــدور ماغير براقع وبنات الله يهديهن .. والمحلات وكأنك في دولة لبنان من معروضـات المحلات من المديلات .. لماذا وصل بنا الحد لهذا اين الحشمـــه اين التستــــــــــر والله انك تصاب بالحيره عند الذهاب للتسوق هذا وانا مع اهلي فيكف بمن تذهــب دون محرم وتشتري من تلك المديلات التي والله انها تفــــتن وهي معروضه فكيف عند لبسها .. اخواني واخواتي خذوا الحذر من تلك الملبوسات والمديلات التي تهاون الكثيــــــر بلبسها لنساءه وتهاونت النساء بلبسها .. نسأل الله ان يستر علينا وعلى بناتنـــــا وان يبدل اليمنيه اللي بالسوق الداخلي بسعوديين انك سميع عليــــــــــــــــــــــــــم. |
والله السوق صراحة ملل وتطق نفسك وانت تدور وماتلقا اللي يصلح لك بس الشكوى لله الله يفرجها لنا ..... |
لا حول ولاقوة إلا بالله..
هل تغير الناس أم تغير الزمن..؟! تحدثني والدتي هذا اليوم عن جيراننا الذي كانوا في زمن مضى يرفضون دخول التلفاز في يومٍ من الأيام.. ولكنهم اليوم وصل الحال إلى أن كل بناتهم يلبسن البنطال حتى أن والدتهم التي يقارب عمرها الخمسين أصبحت تحاكي بناتها في هذا..!! |
اقتباس:
امين ,,,, بس الا هالدرجــــه على كثر المحلات كلها كذا ,, بس على قولتك الشكوى لله |
اللهم اهديهم
|
أهلاً وسهلاً بك [ توست ] لي بعض الوقفات حول ما ذكرت : 1 ــ بالنسبة للعمالة اليمنية فهم كـُـثر وبإزدياد ، ولعلك تصلي المغرب في مسجد الخريصي غرب السوق لكي تمسك رأسك من كثرتهم لا أبقى منهم إلا الصالح . 2 ــ الموديلات الجديدة سببها نحن ، فتخيـّـل تاجر لا يخاف الله وليس همـّـه إلا الريال وبأي طريقة يأتي ، وزبون يشتري ويسوّق لهذه الموديلات العارية ، إذن النتيجة إنتشار هذه الملابس وسيطرتها في السوق . 3 ــ أبشر بمعرفتك لغير التيور فقط تزوّج وستعرف الكثير والكثير من هذه المسميات والموديلات . 4 ــ من حافظ على من تحت يده بداية مني ومنك ومن الثاني والثالث ، فما أساءك لن تراه لعدم وجود من يـُـسوّق لتلك الملابس الفاضحة والتي غيـّـرت كثيراً من معالم الجيل المحافظ . بورك فيك [ توست ] وفي طرحك . |
السلام عليكم:
حيا الله حبيب القلب توستوه نورت يا خلفهم بعد سبدي= كبدي لا تطول علينا مرة ثانية وإلا أبكوفنك. والله إنك صادق إن الواحد يفترك ويدور بالسوق ويدوخ وآخر شيء ما يلقى شيء، وإلا تعال شف هالبنات وش لا بسات يخلن المتزوج يدوخ وشلون العزوبي تضيع الطاسة حقته، والله إني منول أنزل مع أهلي بالسوق الحين أخلي أخوي الصغير(15سنة) مع الأهل وأمشي وأقول للأهل متى ما خلصتوا دقوا علي، لأني لو قعدت أدور مع أهلي أبضيع من اللي أبشوفه ( عبايات مخصرة، وبنطلون وأطياب وما أدري وشو) اللي يشوفوهم كنهم رايحين لعزيمة. ما أقول إلا الله يصلح الحال، والله يهدينا ويهدي المسلمين أجمعين، اللهم آمين. نبارك للجميع بشهر ونسأل الله أن يقبل الصيام والقيام من المسلمين أجمعين، اللهم آمين. وتقبل مروري. لك ودي واحترامي. مع تحيات: كربة النخلة. والسلام خير ختام. |
8 8 8 وأنا أكتب ردّي في الأعلى أتذكر الأخ [ كربة النخلة ] ما أدري وراه لا شفت موضوع للأخ [ توست ] أتذكر كربة النخلة ، يمكن علشان ذلك التشبيه الذي دائماً يـذكره كربة :02: . . . |
السلام عليكم:
اقتباس من مشاركة المسفهل: وأنا أكتب ردّي في الأعلى أتذكر الأخ [ كربة النخلة ]<<< الله يسلمك هذا شرف لي إني جيت على بالك، وأما عن سبب إني أنقز دايم وأرد على مواضيع العضو( توست) لأنه صاحب مواضيع متميزة، وكذلك أسلوب العضو( توست) في الطرح مميز فهذا ما يشدني لقراءة مواضيعه. اقتباس من مشاركة المسفهل: يمكن علشان ذلك التشبيه الذي دائماً يـذكره كربة<<<< أي تشبيه يالمسفهل؟ مع تحيات: كربة النخلة. والسلام خير ختام. |
انا اقول ياليت رجل الهيئة مثل اول بدل مايمشي معه عسكري يمشي ومعه عصى واي وحدة ماتخاف الله بها لعصى علشان لاخبرت ان وراه عصى تحرم طلعة السوق مهب بس هالعبايات الفاضحه ولا ينسى هالثور الي يمشي معه
وبعدين هالقصير ماحد الله تشتريه عندك خياطين فصل على كيف كيفك |
:412 ــ الموديلات الجديدة سببها نحن ، فتخيـّـل تاجر لا يخاف الله وليس همـّـه إلا الريال وبأي طريقة يأتي ، وزبون يشتري ويسوّق لهذه الموديلات العارية ، إذن النتيجة إنتشار هذه الملابس وسيطرتها في السوق .
بهذه اشاطرك الرأي(متعوب عليها):d فلو لم يكن هناك طلب على هذه المنتجات لم تكثر في السوق.... اللهم أهدنا فيمن هديت ....آمين (مبارك عليكم الشهر) |
انا لله وانا اليه راجعوان
اللهم اهدي نساءنا واحفضهم من كل شر وجزاك الله خيرا يا اخي توست على هذه وجعلها الله في موازين حسناتك |
اقتباس:
نسأل الله العافيه والسلامه والستر بس .. ليس الزمن الذي تغير بل الناس تغيرت عقولهم ببعدهم عن الدين ,,,وعدم الرقابه من الأهل وولي الامر هما اهم الاسباب.. شكرا للمرور .. |
اقتباس:
امين يارب العالمين .. جزيت خيراًً وشكرا للمرور |
| الساعة الآن +4: 07:55 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.