(الهروب الكبير)<< الله من زين الديره
 

سلام عليكم ورحمة الله وبركاته

:

جاي من الحج وجايب قصتنا وحنا حاجين

طبعا اسم القصه
(الهروب الكبير )<<< وش عنده برزون بريك

المهم نبدا طبعا اكثر اللي يبي يحجون يروحون لحمله ويحجزون ويعطونهم فلوس يصورن ويطعمون ويصورن البطاقه بعد يعني شي روتيني عشان التصاريح وغيره ..

حنا سوينا كل ذولي...

سجلنا مع (حملة المشوّح) ببريدة

وجينا يوم 7 حملنا القش ركبنا الباص الله لايعيده ورحنا نلبي وماعندا من الشيطان طاري

يوم وصلنا عفيف وقفنا بستراحه وتغدينا كل شي الا الحين سمن على عسل

ومشينا يوم وصلنا الطايف نمنا هناك ومشينا من الطايف يمكن الساع 12 الضهر

المهم وصلنا حول تفتيش مكه الأول مار يوقفون قبل التفتيش بربع ساعه :061:
وحنا قلنا خير ان شاء الله جا راعي الحمله ابن الكلب قال التصاريح ماطلعناهن لكم

يقول الأحول يقولون مايطلعن الا بيوم ثمانيه ويمكن بعد وحنا مانقدر نصبر ليوم ثمانيه ويمكن مايطلعن

ومشينا ولا اخذنا تصاريح ومير حنا نشب عله صرنا زي كذا :029: قلنا ليش ماقلتلنا من اول

وقعد يخربط علينا شوي وحنا حاجين مانبي نهاوش قلنا يالله وش الراي محنب راجعين للقصيم يوم قطعنا كل ذي المسافه
قال نبي نوقف قبل التفتيش بشوي وانزلو انتم بسرعه وتعدو التفتيش بنص كيلو كذا واجي امركم رجل طبعا :061:

قلنا يالله نمشي الشكوى لله لأن التفتيش يرجعون اللي مامعهم تصاريح
يوم مشينا اثر الشرطه تدور تطرد اللي يمشون يعني مهب لحالنا بس مامعنا تصاريح يوم جينا اثرهم كثارين اللي يمشون رجل اللي هاجين مع الشعبان ومع كل مكان
بتلو يمشون معنا الشرطه حول كيلوين اخر شي جاء راعي الباص وركبنا بسرعه تقل محنب بديرتنا هاجين عن التفتيش:025:
ومشينا وحنا نقول هانت نحسبه خلاص اثره جاء التفتيش الثاني وقال انزلو يالله زي الأول
بس المشكله ان التفتيش الثاني ماتقدر تهج الا مع الجبل الشرطه منتشرين اخر شي الله ياخذهم

ومشينا مع الجبال تقل معنا متفجرات ولا رايحين نجاهد اللي تقطعن نعاله بالجبل واللي شيبان مايقدرون يمشون وفيه ناس صايمه مالقو شي يفطرون عليه وجاء وقت الصلات ولا صلينا وحالتنا حاله
المهم بتلنا نمشي بالجبال الا المغرب من نص العصر الا المغرب

وطلعنا على الشارع ومشينا واثر الدنيا كله ناس تمشي والشرطه بس تطرد اي واحد يوقف يركبهم
ويالله يالله تغبينا واعدنا رايعي الباص ورا عقم وركبنا معه بسرعه وهجينا والناس تمشي بلشه مالقو من يوديهم

اما الحريم مركبينهن بباص لحلهن يوم وصلنا التفتيش ويقولن انهن مرو من عند التفتيش ووقفهم العسكري وقعدو يكلمونه وعيا اخر شي ونزل السواق وعاطه مادري كم اهم شي انه رشاه بمعنا اصح
واتفق هو وياه قال اذا صد الضابط امش بسرعه <<< تقل برا السعوديه محنب بديرتنا رشوه وحاله واللحريم تيسرن بس المشكله حنا اللي قطعنا الجبال



وهاذولي الصور دامجهن جميع بصيغة فيديو

اضــغط هــنا



وهذولي لقطتين من المقطع


http://upload.201mb.com/pfiles/10534...d8a736d6bb.jpg

http://upload.201mb.com/pfiles/10535...f4be6e3076.jpg








مانقول الله حسبنى الله على راعي الحمله وحقين التصاريح بعد

مالت عليهم بس

الصراحه فلم مهيب حجه


عساكم عطيتوه اقروش اذا انتم عطيتوه اقروش تراكم مع الاسف غلطانين لانه بهذلكم بهذله والله قهر

رحمتك يابعد عمري
أشتكوه خلوه يتأدب

نفس الفكرة الله لا يوفق العدو...
كل هذا يصير ولا حسيب ولا رقيب....

والله انه صادز الي قال فلم مب حجه

أخي الكاتب لا تحسب الخطيئة الا على صاحبها ولا تزر وازرة وزر اخرى في ثنائا حديتك دعوت على رجال الامن ووصفتهم بالمرتشين فلوا أتيت بالشهداء على ما تقول فان لم تفعل فانت (........) وانا لا ابرئى الحملات حسبي الله على الذين يغشون المسلمين ولك ياخي الكريم والى كل حاج التوفيق والقبول
ولا تنسى اخي الكريم اننا اتين الراحمان يوم القيامة فرادى ومحاسبين فرادى عما نقول ونكتب ....

اهاااااااااااااااااااااااااااااااااااااااااااااااا ااا

الله يهديهم اصحاب الحملات الطمع اللي فيهم يخليهم يسوون كذا واكثر---انا اقول لوتاخذهالصور وتوريها المسؤلين كان يمكن تحصل عندهم حل ------الله يقبل حجكم ويضاعف لكم الاجر----------------شكرالك تقبل مروري

الحمد الله على السلامه
يارجل احمدربك في نا س رجعو بس لو انا منك كان ما خاليه تعدي على خير لارجع للحماله واحوس مريرهم اجال هذا مقلب يسونه لا بعد واخذ دراهم بعد
:i121

اجل مايكل سكوفيلد والكسندر ماهون معكم بنفس الحملة ..

لا تقول لي انك ماشفت بنت تانكردي ..


ماأقول الا الله يعيييييييييينكم كل هالدنيا ماشيتن بالمقلوب ..

والدنيا دروس