|
مني نصيحه لكم .. احذروا البناشر وخاصه هذا !! ( يوجد اسمه بالداخل ) .
السلام عليكم ورحمة الله وبركاته ،، ( الموضوع كتبته بنفس يوم السالفه ولكن لم انزله بحينه ) @ قبل ايام غيرت الزيت عند هندي .. على فكره هالعامل اتعامل معه لي اكثر من سنه ونص حتى اني ادخل السياره واعطيه المفتاح ولما يخلص اخليه يوديه للمغسله وانا اطلع مع احد العيال ،، ولما يخلص من الغسيل يلبقه ومتى ماجيت حاسبته ومشيت .. المهم اليوم العصر ركبت السياره .. حسيت ان الفرامل مش كويس قلت ممكن من الطعوس ;) قلت خلني امر البنشر وش خسران دقيقين وانا ماشي ممكن ناقص زيت الفرامل ،، شغلت وحميت السياره تخبرون بروده الجو ;) مشيت ورحت لاقرب بنشر حولنا .. دخلت السياره وقلت لو سمحت شوف زيت الفرامل .. شيك الرجال قال مضبوط .. قلت طيب شف الدركسون وكل حاقه :) رد .. كل شئ مضبوط .. قلت حلو .. قعد يعاير الزيت حق المكينه الا ويطلع ناقص كثير :eek: قال سيارك تنقص ؟؟ قلت سيارتي مو قديمه عشان تنقص قال اجل ممكن محتميه ولما تبرد ينزل الزيت .. قلت نصبر .. صبرنا وهيا وهيا لازال الزيت على ماهو "ناقص" . :eek5 :eek5 :eek5 قال متى مغيره ؟؟ قلت من قبل ثلاث ايام .. يناظر في الزيت يقول واضح جديد بس غريبه ناقص .. وانت تقول السياره ماهي تنقص !! دخل تحت السياره الا وينادين .. قلت شفيه ؟ قال السيفون تجاري ويهرب زيت :oo قلت مركب اصلي انا كيف تقول تجاري .. قال هذا تجاري وشوفه يهرب والله لو مانتبهتله كان مخبط الموتر .. وقته ودي عندي طياره ابطير وابروح للهندي اللي مغير الزيت عنده وابخليه يلعن الساعه اللي جاء فيها للسعوديه --> مهايطي ;) قلت كمل الزيت الناقص .. وحطلي سيفون اصلي .. حطلي ثلاث علب .. وسيفون اصلي = 62 ريال سعودي قلت جزاك الله خير والهندي يجيك خبره : 12 مشيت وانا واصله معي .. كيف يقولي مركبلك اصلي وهو تجاري ممكن مخبط الموتر لاسمح الله ولا وقيمة الاصلي 25 او 20 والتجاري 10 . وانا اللي ادق على واحد من الزكرت ورحنا يمه .. صار البنشر مفتوح بس العامل ماهو فيه قلت والله من حظه المهم انتظرنا ممكن عشر دقائق وحنا نلف ونتلفت يمين ويسار الا يجي يوم شافن من بعيد ابتسم :d ويوم قرب سلم وقال يبغى سيفون ولا زيت بس سرعه قريب اذان ؟ قلت ابي اسط... :eek5 المهم صار اللي صار بس المشكله مصر انه اصلي السيفون عاد وش يقول .. يقول اصلي بس مافي وكاله :d قلت لايكثر تبي تعطين 60 ريال ولا لا ؟ ( قيمة الزيت والسيفون اللي عطيته البنشر الاول لاني دافع له يوم اغير عنده 90 ريال ) قال والله خساره .. قلت الخساره تحسبه لك ولا تحسبه لغيرك المهم اخذته الـ 60 ويحمد ربه انه عطاني اياه :eek5 صار مركبلي سيفون تجاري بعشره ريال وانا قايله اصلي .. وحاسبلي هو السيفون بـ 20 ريال :eek5 انا من باب التأكد .. اخذت السيفون الاول ورحت لبنشر ثالث .. ابسال عنه ؟ قلت وش هالسيفون هذا اصلي ولا تجاري ؟ قال تجاري . قلت مشكور اخواني / نصيحه تبي تغيير زيت موترك اجلس فوق راسه .. ولاتثق فيه مهما كان .. هذا زيت ممكن يروح سيارك بالكامل .. وش خسران .. دقائق وانت مخلص : 12 نسيت اقولكم اسم البنشر : دار ريانه بالبصيريه .. ووالله بالصدفه بعده بايام احد الاصدقاء مغير الزيت عنده وبغت تخبط بس تدارك الامر :095: ووالله ذكري لاسم المحل ليس الا لاخذ الحذر منه .. [ والله على مااقول شهيد ] .. العذر على الاطاله .. وكل الشكر لمن عطر موضوعي ooo1 |
شكر الله لك اخي..
أخوك قبل سنه ونصف كنت أبمشي الظهر للكويت ابعتمر ولما وقفت بمحطة الطرفيه قالي العامل فيه زيت تحت ..؟؟؟ نزلت على طول ولقيت السيفون يخر والحمد لله إني مامشيت ومسكت مقطعة ساموده وإلا كان اعلوم؟؟؟؟؟ الحمد لله على العقلان.. رجعت للبنشري بعد عودتي من السفر بس ما اعترف بغلطته ابد أبدا؟؟؟ العماله لاعبة علينا من قديييييييييييييم |
اقتباس:
|
.. يا حبيبي أنا ما فيه أمل أروح فوق راسه ، بس الشكوى لله ، محاكيك دردغانه ، والله لو يحط لي تجاري وأنا أناظر ما دريت ، ، وشلون أفرق بين التجاري والأصلي ؟! . |
عطر الأماااااااااااااكن .. سلااااااامات يالبي وفك الله عينك .. <<((== يارب إن عينه مهيب بالمكينة .. يالبي هالعمااااااااااااال هذولا يسمون الغش والسرقة شطااااااااارة .. لكن لو إنا منك كان دفنته بحفرة الزيت .. وخليته عبرة لغيرة .. <<((== ناوي يوهق الرجال .. موفق يالبي .. سي يو .. |
.. مشكلتنا حنا ياأهل بريدة إن أكثرنا يثق بالعمال ثقة عمياء .. مرة ركبت مع واحد معه جيب لكزس ورحنا نغير الزيت يوم وقف عند البنشري فتح دريشته!! وقال لليمني غير الزيت والسيفون !! وأنا جيت أبنزل لكن يوم شفت الرجال مانزل ولاعنده نيه ينزل قلت ياولد وش السالفه !! وأثر الرجال متعود كذا والله مايدري السيفون أصلي ولا لا !! والزيت اكتمل ولا ناقص !! << جيب لكزس ياعالم لا والمشكلة يمني اللي يغير الزيت ومعروف الغش عند اليمناء ببريدة ! .. . أكرر وأعيد ( الثقة العمياء للعمالة الوافدة تبقى مشكلة ) .. شكراً لك أخوي عطر الأماكن وعذراً على تطفلي بموضوعك لكن من باب التنبيه |
اقتباس:
|
مشكور أخي / عطر الأماكن على التنبية 0 نداء نداء نداء إلى جميع الأخوة ولأخوات أعضاء المنتدى مللنا من المقالب التي نأكلها من المحلات والعمالة الوافدة إلى متى ونحن نداري خاطر فلان وعلان على حساب المصلحة العامة مللنا المثالية الزائدة من التعامل مع الأحداث ونقول ( يرجى عدم التشهير وعدم الإستعجال في التشهير ) نعم الإستعجال خصلة مذمومة ولكن يجب عند التثبت لابد من التشهير في المنتديات والمجالس العامة والخاصة ليكون أصحاب تلك المقالب على حذر شديد من أن يقع في مشكلة مع الزبون ثم يشهر به وهذا هو سبب إزدياد تلك الظاهرة الخبيثة على المواطن المغلوب على أمره ذاك يغش في بضاعتة وذاك يغش في صيانته والأخر يغش في بيعه وشرائه 0 إذا أرتم الحل !؟ فإن الحل بعد التثبت والتأكد من أن صاحب المنشأة يغش ويختلس يشهر به كما أسلفت سابقاَ أضف الى ذلك وإسمحو لي أن أقول (مثلاَ لو كل من مر على المحل الذي يسرق الناس ويغشهم وأبلغهم بما ذكر عنهم لتغير الحال وبدأت ترا المصداقية في التعامل مع المواطن خوفاَ على مصلحتهم الشخصية )كما حصل لي مع محل ( مروج الزهور) فرع شارع الصناعة وبإختصار شديد ( أخذت زوجتي قبل شهر منهم كحل سائل بمبلغ 140 ريال وعندما ارادت إستخدامة وجدته ناشفاَ وأرادت إرجاعه قال لها بعد العيد ولما أتت بعد العيد قال لها حتى يأتي المندوب ليرجعه لانستطيع إرجاعة وبداء يماطل بعد يوم بعد يومين حتى جاءت ساعة الصفر لدي ودخلت عليه وسلمت بأدب وإحترام وقلت له كل ماحصل منهم وقال لي لانستطيع إرجاعه حتى يأتي المندوب فقلت سبحان الله نحن إشتريناه من المندوب وإلا من المحل منك أنت قال ماستطيع قلت لاستطعت أعرف كيف أعيد المبلغ بطريقتي أصور المحل بما فيه أنت وانزله في المنتديات للتشهير بكم وأتي الى المحل كل يوم يكتض فيه الزبائن وأعمل المشكلة معكم لانفر الزبائن منكم فقام مسرعاَ ذلك الشاب السعودي وأتجه نحو الكاشير وأخرج المبلغ وسلمني إياه 0آسف على الاطالة وكلي حرقة على النصب والإحتيال الذي يلقاه إخواننا وأخواتنا من أصحاب المحلات لابارك لمن غش مسلما وجعل مايكسبه سحتا والسلام |
الله يعيننا على هل العمال والله انهم زودوها اعرف واحد غير الزيت وابو الشباب نسى يركب الصره حقت المكينه وخر كل الزيت والموتر خبط |
المفروض انه يتم نشر جميع اسامي ووصف المحلات الغشاشه
يخي حرام يلعبون فينا لعب هلكلاكين |
هههههههههههه db2000 اجل بتعتمر ؟؟؟ ------------ والله بالنسبه لي الحمد لله ما اذكر اني تركت سيارتي عند بنشر ،، والزيت انا اللي اجيبه والسيفون بعد... <<< الولد مايثق ابداً... |
السلام عليكم
انا الى الان وانا إغير الزين عند ريانه الي بالصيريه وصارلي نفس الكلام مرتين غيرلي الزين مع السيفون وبعدمامشى الفين اشيك على الزية وانا اتفقد المكينه واناظر والي السيفون مهرب زيت عادي عندي خليته لما رحت اغيرالزية ووريته التهريب الي بالسيفون وقال هذا زية انت يسحب عيار بعدين يجي زيت من عيار واجيك وغيره مره ثانيه ونفس الطريقه بس اقل تهريب ووريته اياه وستغرب قلتله هذا سيفون تجاري عاد هو ماقصر ينزلي من قيمته عاد السبوع الي راح شافن في المغسله وقال مافي غير زيت قلت الا بس بعدهالخبر ابي اجيب السيفونات معي عشان مايلعب علي وإذا كان مو مغسل السياره رحت وخليته البناشر واجد ويغسلون مجاناً . الله يجزاك خير على التنبيه |
لو سرق السيارة احسن
|
. . . وعليكم السلام ورحمة الله .. أعانكم الله أفضل طريقة لضمان تغيير الزيت أن تقوم بشراء الزيت من الوكيل ( كرتون كامل ) وبإمكانك أن تشترك مع أحد اخوانك أو زملاءك وكذلك السيفون قم بشراء أثنين أو ثلاثة أو أكثر وإذا أردت أن تغير الزيت فخذ مايكفيك واذهب إلى البنشر منها : 1- ضمان الزيت ولسيفون 2- أن السعر أقل من محل البنشر ولو إنه يبي يحمق عليك البنشري ويبي يقول أنا موجود سوا سوا .. بس ماعليك منه اتركه .. . . . |
| الساعة الآن +4: 10:54 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.