سالفه محمول..
 

حبيت اقدم لكم اول مشاركه لي...

مره من المرات يااحبابي:d ((الأخ قاعد يقص قصه))
تعرفون خويكم مايقدر يقول لأ وخاصة لاقيل له تكفى وتدرون ـــ تكفى تهز الرجاجيل ـــ
المهم
جان واحد وقالي ابيك تفزع لي وابيك بخدمه
قلت له آمر ولايردك شي سم ابشر
وقعد يسولف لي عن الكمبيوترات وانه شاف له محمول زوين وآخذ له ساعه
يقرق علي:confused:
وانا احتري الزبدة الأخ قال تكفى وفزعتك..
ولا قالي وش يبي
قلت ياخوي اخلص علي وراي مشاوير يابن الحلال قل وش تبي وانا رقبتي سداده:)
قالي ابيك تروح معي وتكفلن ابشري لي هالمحمول اللي شفته
قلت بس على هالخشم نروح وش ورانا(((ماكن تو عنده مشاوير)))
واروح معه واكفله ... وبالتقسيط..

ومرت الايام ويدق علي صاحب المحل اللي شرينا منه المحمول
ويقول وين الفلوس
ماشفنا شي
خويك سدد اول قسط والباقي ماشفناه
قلت بس ابشر ادق عليه واعلمك..
وانا داج طفران ماعندي دراهم وازهم عليه
ولا يرد .. المهم
خوينا هذا سحب علينا ولاسدد
وابلشون وانا مثل ماقلت طفران:oo
قلت مابه الا هواش
جيت معه بالطيب مانفع مالي الا اوريه العين الحمرا:(
وادق عليه واتواعد انا واياه بالمكان الفلاني
واتفاهم معه قالي طيب انا بكرا ادبر الفلوس واجيك
ورحت وصار بكرا ويدق علي الرجال
ويقول تعال وانا اطمر له فرح:d بيسدد
عطان المحمول قالي مابيه
خلاص ابلشتن عنده..
وراااااااااااااااااااااااااااااااااااااااااااااااا اااح وخلان ومن يومها ماشفته ولا ادري وين اراضيه
وقعدت ادفع ثمن غلطتي وكفالتي لشخص وثقت فيه:bad
(((بس بهالزمن تشوف العجب من اقرب الناس لك)))
وهذي سالفتي مع المحمول
عذرا على الاطاله
اتمنى تعجبكم
مديون يامزيون.. وبكل شهر طفران

.

هذا وهو من أقرب الناس لك..

اجل شلون غيره

(اخاف مايسدد ولا القسط الاول :d

احووووك


والله بلشة....إذا كفلته بلشت وإذا ماكفلته بلشت...

شيكرن جزيلا..وان تسان تبي سيلف دق ع البيجر...

((الوافي))
شكرا على مرورك اللي عطر المكان
ونورت الموضوع بتشريفك
ــــــــــــــــــــــــــــــــــــــــــــــــــ ـــــــ

ــــــــــــــــــــــــــــــــــــــــــــــــــ ـــــــ
((الطرطعانه))
أخاف ادق على بيجرك تعطين مشغوووووووووووول ههههه
اشكرك على مرورك.. ماتقصر يالحبيب
ـــــــــــــــــــــــــــــــــــــــــــ

ـــــــــــــــــــــــــــــــــــــــــــ
((الجارح الذابح))
توبه اثق بأحد الا إن جان واحد مثلك
فيبشر بعزه
اشكرك على مرورك:d

ههههههههههههههههههههههه
ابشر افتح يدينك..
هاااااااااااك 300 ريال حلال زلال عليك..

بهالزمن ماتثق احد حتى اخوك

أقول لاتثق بأحد وخصوصا بالكفاله لأنك تجني بعدها الندامه((ومسوي أنا وكشتي قافيه خخخخ
تقبل مروري