غلا المهور وزيادة الاسعار مشكلة هالزمن
 

والله صدقت مالها داعي الاهل يطلبون مهور عاليه وخدامه بيت والخ كون الشباب لايستطيع من الحق البنت واهل البنت مساعدته

قبل 25سنه والمهور30 والى الان لم اسمع وحده زادمهرها عن 30 لكن الشاب اذا نوى الزواج يلقى من يرضى بمهره والحين تفكير البنات تغير تقول زواجي عائلي

ما اعتقد ان المهور غالية الوقت هذا اكثر العوائل يريدون الستر على بناتهم

لا حبيبي

المهور لازالت 40000 ألف وقد تزيد قليلا

جبتها على الجرح ...
والله ياخيي انك صادق , أنا ملكت قبل مدة وزواجي بالإجازة لكن والله يوم جلست احسب مصاريف الزواج طلع لي قرووووووووووووووووووووووووووووووووووووون ماهو أي قرووووووووووووووووووون ؟؟
قروووووون تكره الزواج لابارك الله في بيت يبني ساسه على المظاهر .
وهذه الحسبة قاعة أفراح 14 ألف إلى 18 ألف .
مخرابيط ما أنزل الله بها من سلطان (( طقاقه + ذبايح + وغيرها )) 20ألف ريال .
شقة 18 -20 ألف بالسنة
أثاث 45-50 ألف
المهر 50 ألف
آآآآآآآآآآآآآآآآآآآآآآآآآه يالقهر لو الزنا ماهو حرام كان بنات الليل قريبات (( بنات الشام + بنات روسيا (( دبي ))+ البحرين ))
يعني تطلع عليك أمور الزواج (( فوق 150 ألف ريال )) وبالعقل من اللي يقدر يدبر 150 ألف ريال ؟؟؟؟؟؟؟؟؟؟؟
لو الراتب 6000 ريال ماراح يبقى منه 3250ريال
2000 ريال لبنك الراجحي لمدة 60 شهر (( خمس سنوات ))
750 ريال لبنك التسليف لمدة 60 شهر (( خمس سنوات ))
يعني راتبك ياللي يبي يتزوج { 6000 -2750 = 3250 ريال} تبطي عظم عشان تتزوج
ومن يقول ( من يبغى الدح لايقول آح ) انا أقوله خل بنتك عندك


أكبر غلط بهالوقت الزاوج ...


الحمله الجديدة :
خلـــــــــــــــــوها تعنس وأمـــــــــــــــــــــــها تهندس

كلامك صح يالمنقهر

الله يعين


قسم بالله ما أخفيكم اني بعد ما خطبت و توهقت


افكر اهون عن العرس


ما هوب معقول يا جماعة

مهر 60000 ريال

حفل عرس قاعة و ذبايح حول 35000 ريال

اجار شقة حول 18000 ريال

اثاث شقة يقال لي باجيب اي كلام بحوالي 34000 ريال

المجموع كله 147 ألف ريال

و أنا راتبي ثلاث آلاف و سبعمية و سيارتي كسرة كل يوم خربانه

و هذا أحسن الموجود كل ما طقيت باب ردوني قالوا داج و هذا اهونهم و بعضهم رفضتهم لانهم يهايطون بقوه بالمهر

و الطلبات و التكاليف


سؤال يعني مية و خمسين ألف تقريبا لمثلي و هم تراهم يا جماعه كثيرين


كيف تتدبر .؟؟؟؟


بنك التسليف يعطون 40000 و بنك الراجحي يعطونني على راتبي 57000 ريال

يعني باقي عجز خمسين ألف

و القسط للي فوق 1900 ريال

و اجار الشقة معدل 1500 شهري

و يبقى من الراتب فقط 300 ريال على افتراض تدبير المبلغ الباقي من السماء بدون تعب و بقدرة قادر تصحى من النوم تلقى تحت وسادتك خمسين ألف بدون تعب

و اللي يقهرك تدري وشهو

اني لو انا صادمها و ميته كان الدية لها ستين ألف فقط لا غير بدون الباقي من الخساير ذي

ما تدري انت اذا خطبت انت تدفع مهر و الا دية


غير كذا انك خمس سنين تسدد بها الديون و بالعقل انت ثلاثمية ريال الباقية هنا تكفي مصروف


و بالاضافة ان المرة يوم تجيك و تدخل عليها ما معها و لا شي يسوى و لا معك انت شي يسوى من هالخساير \


اللي لا لله و لا لرسوله و لا لك انت و مرتك و بيتك


كلها للشيطان الرجيم

و يقولون وش سبب العنوسة و سبب عزوف الشباب عن الزواج


و على فكرة ترى عمري 28 ما تزوجت للحين


يعني المشكى على الله


و صراحة افكر اهون

اغدي العزوبية ما قالت لنا شي يزعلنا ؟

ماعطيتونا الحل لها المشكلة

أخي راتبه حوالي 6000 يسكن شقة مستأجرة

يدفع شهريا إيجار 1450 ريال إستقطاع من راتبه

ثم يدفع حوالي 2500 ريال أقساط للبنك

يعني شهريا يروح من راتبه 4000 ريال ويتبقى 2000 مصاريفه إلى نهاية الشهر

هذا حاليا

وسابقا قبل الزواج أخذ قرض على راتبه بقيمة 100 ألف

دفع المهر منها 30 ألف كما هي عاداتنا

وتأثيث الشقه كلف 25 تقريبا ( يعني الأساسيات غرفة نوم مجلسين مطبخ بمستلزماته )

ثم قصر أفراح 10 آلاف + العشاء 10 آلاف

والباقي باع سيارته وزاد عليها وشرى موديل جديد ( لو الله يفك الشباب من هالسيارات كان تزوجوا )

والحمد لله هذا هو الحين عاد يفكر بالبيت

أرى إنه الحد المعقول والمناسب 70 إلى 80 ألف

والمهر من 30 إلى 40 وبعد ترى لازم يكون فيه مراعاة لحالة الزوج الماديه

الموضوع زواج وسكن والفه ومحبه ماهو بيع وشراء ليش التكاليف

يحاول الأب قدر ما يمكن إنه ييسر لإبنته

ابوي لو نطيعه يقول ذبيحتين بالبيت ويكفي وش له المظاهر >> بس وش نسوي لازم نواكب هالعالم