|
موقف صار لي بالنخيل
امس صار لي موقف شييييييييييييين
كنت بالنخيل انا واختي الكبيره واختي حاطه عيالها عند مامي المهم يوم دخلنا كذا محل وتتصل امي على اختي تقول ولده عليه حراره وهو اصلآ بتله عليه حراره المهم كنت انا ابي اغراض ضروريه قلت له روحي وانا لما اخلص ابخلي رجلي يجيبن راحت وادخل واطلع بها المحلات واشتري يوم خلصت اتصلت على رجلي وقال جاي بالطريق بس جيبي لنا سينبون المهم رحت ابطلب كان زحمه عليه قلت بجلس بالجلسات لما تخف الزحمه خصوصآ ان جوزي يقول انا بعيد شوي وانا جالسه وتعرفون جلسات النخيل به حواجز بس ماتستر ستر عنز وانا جالسه سمعت صوت قال هااااي انا تلفت مالقيت احد وسميت بالله قلت يمكن استخفيت وشوى ويرجع نفس الصوت ويقول هاااي وادور مااشوف احد واسمعه يقول من تحت من تحت اثره يويق علي من تحت الجلسات يكون الحاجز رفيع ومطلع راسه بس تقل جني انا صرخت صرخه خفيفه نززززيت احسبه جني قام وجا لمي بكل وقاحه وقال ممكن تاخذين الرقم ياحلوة انا بديت اتنافض وعجزت ارد رماه هو على الطاوله ومشى ضفيت قشي وبسررررررررررعه على البوابه ويلاحقن الرقم الرقم اللي قاهرني ماهمه احد راعين الكوشكات اللي بالوسط اللي يبيعون ساعات واللي يبيعون اكسسورات يناظرونه ويتبسمووون انقهرت محد وقفه عند حده يعني تخيلو لو الهيئه ماسكتنا وهو واقف فوق راسي وش بيقولون اكيد بيقولون مواعدته ولا شي قسم بالله للحين عيا يجين النوووم من الروعه بس اتخيل الهيئه ماسكيننا ورجلي وابوي جايين ياخذونن بسم الله علي قسم لو امسكه كان اوريه شغل الله الوقح من قهرررري كتبت الموضوع مدري شلوووون بس يرضيكم اللي صار ومحد وقفه ولا قاله شي الراي عندكم ادري اني غلطت وطلعت للسوق لحالي بس اضطريت وهذي اول مره وبأذن الله اخر مره |
أختي ماعليش الرجل أخطأ ولكن أكيد أنك طالعه للسوق بعباية مخصرة وإلا متطيبة ومتزكرشة ومطالعة العيون وتوزعين إبتسامات وإلا لما أتى إليك أعرف أحد الشباب يقول إذا رأينا المرأه لبسه عباية وسيعة لا تبين الجسد ومتحشمه نهابها ونبعد عنها وننظرها بنظرت وقار وإعجاب ولكن إذا رأيناها تلبس عباية مخصرة ومتكشفه جلسنا نلعب عليها ونضحك وننظر إليها بنظرت استحقار واستمجاج .
اللهم اهدي شباب المسلمين وفتياتهم |
لا والله العظيم عباتي عاديه ومسكره نقابي ولاتطيبت اصلآ لو انا مسويه كذا كان مازعلت لان اي وحده تلبس عبايه مخصره وتطلع عيونه وتتطيييييييييب شي اكيد بتفرح بس انا طار عقلي من الروعه حتى النوم عجزت انام
|
اقتباس:
اختي الخطأ عليك 200% انتي اللي سمحتي له يضع الرقم لانك ساكته لووو قايله ياناس بصوت عالي قسم بالله ماتشوفينه بالسوق مره ثانيه بس الخطا عليك لانك انتي ماقلت شي وسمحتي له بسكوتك لان طبع الاولاد اللي ساكته يعني راضيه وانتي ساكته يعني راضيه وعاارف كل اللي عندك عارف انك خايفه ومرتبكه ولاعندك ردة فعل بالموقف نفسه لاكن الان غلطتك انتي و الحقير انتي لانك ماقلت شي >>كانك راضيه والحقير لانه تحرش فيك والله يستر عليك أتمنى تحترمي وجة نظري |
اختي مافيه يقدر يوقفه عند حده إلا انتي لو رفعتي صوتك وتكلمتي بكل جرأه كان ماشفتيه
لاكن تبقين مسلمه عفيفه محافظة على حقوق زوجها حينما هربتي عن هذا الذئب البشري لأن بعض النساء يميل بها الشيطان جزاك الله كل خير وثبتك على طاعته |
ماشاء الله العيال مسنترين بذيا <<القسم بنت بريده الله يهديكم
* * * حسبي الله عليه صدز جزوم الله يهديهم بس ويستر على بنات المسلمين |
الله يحفظك ويحفظ بنات المسلمين والله أنا مستغربه أن الهيئه بس تجي لنخيل مره بالشهر قليل يجون مفروض يحطون بالنخيل مكان لهم نفس شركة زين والأتصالات السعوديه تكون بالوسط كان كل الشباب الخكاريايخافون ولا يدخلون السوق كله ويكون خايف أحد يعلم عليه |
الله يستر على بنات المسلمين
|
صدقوني لو كل وحدة تعرضت لمثل هذه الحركات صوتت وبصوت عال لأي رجال حولها وقالت شف هالحقير ازعجني صدقوني راح نكسب امرين1_ الي يعاكس بيخاف ومع التكرار من كل بنت بيمل 2_ بننشر النخوة ونرجعها لبعض من فقدها من شبابنا
الله يستر على بنات المسلمين ويكفيهن شر الذئاااااااااااااااااب البشرية |
أقول ياناس الرجل اللي به بلى مايهمه الحرم تكون متسترة ولالا.. لأنه بكل الحالات يبي يغازل .! وربي هذا أقوله من واقع تجربــة(غير شخصية) وشي لاحظتــه بأقربائي وقريباتي والحريم اللي أخالط وكمان فيه ناس يغازلون الحريم ومعهن رجالهن.. بس على حين غفله منه يا أما يغمز له ولا يسوي شي..< ورجله يكون ملتفت ولا بلش بالبزران ولا يدخل عقبه للمحل الخ .. يعني كونك لحالك مايغير بالموضوع شي.. والهيئة ماراح يمسكونك وانتي ما أخذتي الرقم .. او تفاعلتي مع الرجل على هوينك مايحتاج خوف وقلق وكان قلتي له تراهم ماتو اللي يعطون الرقم بورقـة .. طلعن طرق أكثر حداثــة يامتخلف :d:d أجل خوذي الرقم أكيد معربد الرقم بورقــة فاتورة محل ;):S:d ع العموم الله يهديــه ويفتح على قلبــه ويصلح حاله |
غريبه يحصل لك كذا وانتي عبايتك عاديه ,,, لان ياكثرهم بنات النخيل عبياتهم مخصرهـ وراه بس جاء لمك انتي وبالعكس الهيئه دايما متواجدهـ بالمطاعم خاصه يوم الربوع والخميس عموما الله يهديهم شباب المسلمين |
كثير تصير حتى اللي عبايته عاديه>>من واقع تجربه<<
اللي براسه يغازل بيغازل لو وشـــــــــــــــــــــــــو بس"""" وياما وياما مرينا بالمواقف والله يهديهم ويستر علينا واحس الوحدة بمثل المواقف هذي كل شي يضيع ماتقدر تصرف>>مثلي يعنيــــ<< الله يهديه ويهدي عيال المسلمين اجمعين............... |
|
والله الحين اللي بقلبه بلى مايفكر بالعباية والستر اهم ماعليهم حرمة .. واكبر دليل على كلامي الشباب اللي يلاحقون السيارة المظللة ..! يعني هذولا يدرون هل الحريم اللي بالسيارة متسترات والا متبرجات والا يدرون هي فيها حريم اصلاً والا فاضية ..! اللهم لاشماته .. اذكر مره اخواني طالعين بجمس مظلل وكان واحد منهم جالس ورا وبدوا شباب يلاحقونهم ويستهبلون يقولون ويجي "اخوي اللي ورا" يفتح الشباك ولما شافوه طيراااااااااااان .. الحمدلله والشكر عقولهم ناقصة ..! . |
| الساعة الآن +4: 06:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.