|
مرور بريده والف علامه استفهام
الله العظيم اني ماسجلت الان الى لاحكي قصتي مع مرور بريده الظالم المتظلم الصراحة واجهت ظلم عجيب في منتصف ليل الاربعاء بعد رحلة شاقة من الشرقية الى ارض الاحباب بريده وبصحبه الاهل كنا متوجهين الى شمال بريده وبالتحديد ع شارع النهضه كان فيه تفتيش انا والله متعود في كل مكان اذا وصلت نقطه تفتيش اطفي النور العالي واخلي الصغير + الكبوس اللي تحت احتراما للعسكري وعشان ماجهره بصره ويرى صاحب المركبه وبدا هنا قصة الظلم والتظلم اول ماوصلت عند العسكري الظالم حسبي الله ونعم الوكيل وقفني بكل بجاحه الرخصه والاستماره وهو يشوف ان الاهل معي في السياره واضح ان السياره توها جايه من سفر الفيري مالي الوجهيه قلت انا عادي اعطيته الاوراق سليمه قال وقف على جنب !! انا طارت عيوني يوم قال وقف !! لا سرعه ، لا تظليل ، لا ربط حزآم كل شي سلييم عندي واللي زاد الطين بله ان هذا الشارع مخصص للشباب واحراج انا السياره مليانه بالاهل واوقف مع الشباب المخالفين وفيه ساعه متاخره !! وانزل قلت خير ان شاء الله والى هو يكتب المخالفه ومخلص قال عدم اضاءه انوار حسبي الله ونعم الوكيل .. حسبي الله ونعم الوكيل قلت النظام يقول ومعروف مسبقاً عند اي نقطه تفتيش اطفاء الانوار لكي يرى رجل الامن صاحب المركبه قال وش يضمن لي انك ماطفيته من زمآن قلت له ماتشوف الاهل معي وجاي من سفر وتعب لكن العسكري مستحيل يكلمك كانه وزير دوله ويبتسم لمعارفه فقط رحت ومابيدي الا الدعاء .. الله لايوفقه ولايحلله الى هالدرجة وصل الظلم والتظلم الى هالدرجة عدم تقدير العوائل والضيوف عن الشباب |
لاماشفت شي انا باحدا المحافظات وجدت الشرطه مو المرور ماسكني يقول نزل التظليل وش تبي اكثر وين المرور الف شكر وتقبل طلتي |
أخي .. شرق في غرب .. أهلاً بك .. وحمداً لله على سلامتك .. نعم كما ذكرت أنت فهذا النظام .. لا بد من إطفاء الأنوار عند قدومكم على نقطة التفتيش .. ولكن إذا كان رجل المرور هذا لا يفهم النظام فلابد من مراجعة إدارة المرور وإفادتهم بذلك .. وستجد من يقوم بالواجب تجاه رجل المرور .. شكراً لك وأعانك الله .. |
الله يعينك انا مظلل كاتم والله ماقل شي
|
فشلونـاا مرور ببريدة والله مرور بريدة يبغالهم 10 دورات عشان يتعلمون ,, |
لا تقول الا (((( حسبي الله ونعم الوكيل ))))
اللي لك تبي تاخذه قدام تقبل مروري،،،، |
يابن الحلال
بزران مجمعه |
يا جماعة في ناس معروفين وهم نوع من البشر
يصير فاشل بالدراسه ولا لوه الا الشرطه ويدخل بعد الثانويه على طول ويستلم دوريه ..!! همن يقعد عاد يتبجح على خلق الله .. ياخي الدوله مآمنتك آمانه ناس وخلق ويجيك بكل بجاحه ويخون ولا صار يهارج من طرف خشموه تعاف الدنيا ولو كان تعاملك معوه احسن شي وكل اوراقك سليمة لكن حسبي الله ونعم الوكيل ..~ |
اخوي شرق في غرب احمد الله على سلامتكم ونورت ديرك ... ... انا مع راي أخوي ابو رباا انك تسوي مثل ما قال وانك تروح لم ألأداره العامه بصفراء وتكلمهم والله يوفقك |
مايضيع حق وراة امطالب
سو مثل ماقالو الشباب والحمد لله على سلامتك |
خلك مثلي كرتون ماء بعشرة أريل - اعطيه كأس ماء أقول له بل ريقك ياخال الله يعينك - ولا يفتشك - خطة دلع
|
صحيح مثل ماقالو الشباب رح للاداره بالصفراء وان شاء الله ينصفونك والحمد لله على سلامتك ياشرق في غرب
|
هذي جهود مدير مرور القصيم الجديد كل نشاطه وجهودة نقاط التفتيش بكل شارع 00عطل المواطنين وعرقل الحركة0 مادري لماذا لا يركز جهودة على تطوير المرور وتدريب جنوده للتعامل الأمثل مع المواطنين 0 (الله يذكرك بالخير يالعجلان) لا والخافي عليكم أعظم بدأ المواطنون يتذمرون 00ويدعون عليه 00 ويقولون أنه دعس واحد بعنيزه وقتله ورمل أطفاله00خوش مدير مرور!!! ويقولون أن هناك مجموعة من الشباب بدأو يجمعون توقيعات للرفع عنه للمسؤلين0 ونحن نقول الله يصلحه وإلا يزيله عن درب المسلمين0قولو آمين
|
يابن الحلال ماشفت شي
مره بالصفرا شايف جيب ربع شرطي بالليل مطفي الانوار ويسقط مع يمين يعني مخافتين بس الله يخلف |
| الساعة الآن +4: 06:32 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.