|
لحقوا علي بيضيع مني.........!!!!
مرحبا صبايااااااا
كيفكم انشالله تمام بصراحة انا ماعندي موضوع بس اللي حابة تخدمني:p اهلا وسهلا وكثر الله خيرها بخش بالموضوع ياحلوات,, انا تقريبا من عشر سنوات او اكثر مالمس شعري( الحناء) طبعا بسبب الصبغات ولسبب ثاني اني مااحب الحناء اما الحين صار شعري ضعيف ويتساقط رغم اني من زيت لزيت ومن شامبو لشامبو بس للاسف مافيه اي فايدة ضعيف:eek5!! بعد ماكان كثييييييييف وقوي وطوييييييل بس دوام الحال من المحال!! عاد انا خلاص قررت استعيد قوة شعري وحيويته وبرجع للحناء وبلا صبغات بلا هم والله يخليلنا الطبيعة :41 بس استفساري وطلبي ياحلوات(( ابي اعرف احسن محل عطارة يبيع حناء طبيعي وبدون اي اضافات)):41 ؟!والافضل كل كم احط الحناء كل اسبوعين اوكل اسبوع؟ وكم المدة اللي اخلي فيها الحناء بشعري؟!! عندي طلب ثاني بعد اذنكم انا سمعت عن الصبغات الطبيعية اللي تخلي لون الشعر غجري خطيييييييييير اتذكر وحدة معنا ايام الكلية كانت جاية ولون شعرها غجري خطير كأنه صبغة ويلللللللمع ماشالله يوم سألناها عن الصبغة قالت كلها مواد طبيعية نسكافية وكركم..... بس للاسف مااتذكر الباقي لاني كنت لاهية بالصبغات ومو بحاجة:rolleyes:فألي تعرف المقادير والمكونات ياليت ماتبخل علي لحظة فية طلب ثالث ادري:p اني طماعة وزودتها بس لاتواخذوني عن جد بحاجة لمساعدتكم لي لاني مولاقية حل!! سؤالي طبعا يحوم حول الشعر:bad وش افضل شامبو يستخدم مع الحناء وهل يشطف الشعر من الحناء بالشامبو على طول او يغسل بالموية بس؟! ومن هاللحظة كل وحدة ترد علي وتفيدني الله يوفقها ويسعدها ويهنيها يارب والله يحرم وجهها من النار يارب.. |
اهلين منوره ماتبين اجي واحنيك ههههههههههههههه
|
ياسلام ليتك عندي عندي حنا مدهش بس وين ينباع مادري يخلى الشعر عنــــــــــــــــــــــــــــابــــــــــــــــي واذا تبين يصير عنابي اوغجرى اغلى خواجوا ونقعي بمويته الحنا لمده 12 ساعه وحطي الحنا بشعرك 4 ساعات وكرري كل اسبوع لين يجيك اللون المرغوب ثمن كل 3 اسابيع واذا تبينه ذهبي اعجنيه بكركم ملاحظه كل الزيوت مع كثر الاستخدام تحرق الشعر [blink] الله يزينك بالايمان وطاعه الرحمن [/blink] |
أهلين حبيبتي ..
الحناء تلاقيه عند الحريم هم يخلطونه ويبيعونه وانا اعرفلك وحده ببريدة تسوي حنا ماشاءالله كلن يمدحه >> ترى ماجربته لأن الحناء يسبب تساقط لشعري فأنا ماستخدم الحناء ووقت استخدامه فقط اربع -او خمس ساعات وهو كل عشر ايام تقريبا .. وعلى فكرة ترى كثره يقصف الشعر فضروري الزيت معه ... اممممم وش بغيتي كمان .. ايه اللون هذا الحناء حق الحرمه هذي هو لونه غجري رهيب بصراحه اشوف شعور خواتي تجنن ماشاءالله لكن تراها مو سودا يعني بالأساس شعورهم بنيه شوي وأول تشطفيه بالمويه بعدين تسوي عليه كريم او زيت ساعتين بعدين تغسليه بشامبو .. اتمنى اكون افدتك .. عواااافي يالغلا |
تسلمون يالغاليات والله ماقصرتوا
(نجاااااااوي) والله ياليت تجين تحنيني بس المشكلة ماعندي حنا ماافدتيني ياقلبي! محشومة ياقلبي وشكرا على مرورك ياسعدي (هايين) ردت علي وه وه خسارة اجل ماتعرفين من وين هالحنا العجيب؟ وايش مقدار الخواجوا و الكركم ؟ وعلى الزيوت انا احطها بالاسبوع مرة وحدة! مدحتها لنا وحدة تقول هذي زيوت مخلطة تكثف وتطول والا يومك وانا استخدمها وما لاحظت شي!! (متصفحة) عجبني اسمك هلابك ياقلبي ماقصرتي حبيبتي على الافادة بس ليتك تعطيني رقم او عنوان واسم هالمرة اشتري منها واذا صعبة ارسلية على الخاص ومشكورة حبيبتي على مرورك المفيد ماقصرتي |
هلا أختي الحناء الزين وعلى ضمانتي عند الرسيني للعطارة ببريدة السوق الداخلي
اما اللي يصبغ الشعر الكركم حلو مرة ومجرب اي طلب انا تحت الخدمة |
(مشتاقة للجنة)
يالله اسمك يجنن يشرح الصدر الله لا يحرمك ويحرمنا منها وجميع المسلمين يارب مشكور وتسلمين يالغالية على اهتمامك ولعلي آخذ من الرسيني خصوصا ان البنات مدحوا مرة تبيع حنا بس مادلوني على التفاصيل ومين ووين هي!! اما الكركم كم المقدار اللي احطه مع الحنا؟! ووش يطلع اللون؟! وعلى فكرة انا شعري لسى فيه بقايا صبغة! مايطلع مع الحنا والكركم اورنج فاقع خخخخخخخ ياسلام سلم؟! |
انا استخدم الحنا كل اسبوع مرة والزيت على حسب مرتين اومرة بالاسبوع وعلى فكرة انا استخدم خلطة عند عطار عندنا بالكويت صراحة كلمة روعة قليلة عليها لانها توقف التساقط من اول اسبوع واذا تقدرين اطبخي حلبة وخلطيها مع الحنة صدقيني روعة للشعر واستخدمي شامبو صانسيلك يهبل انا استخدم الوردي واخذي البلسم بعد حلوين هذي تجربتي
|
(ام اصايل)
مشكورة ياقلبي على التفاعل ماقصرتي وياهلا بأهل الكويت كلهم خواننا وحبايبنا و الرابط عجبني مرة والله يجعلة من موازين حسناتك اختي والله يخليلك والديك واهلك ويسعدك يارب اما عن الخلطة والله اغريتيني فيها بس للاسف وش بيجيبها من الكويت!! وعلى فكرة السنة الماضية كنت بالكويت زيارة شوفي الحظ!! اما عن الحلبة كيف اطبخها؟ وكيف اخلطها مع الحناء؟ وهل اطبخها مطحونة او حب؟ و الحلبة مالها ريحة مع الحناء؟ |
ينقل الى العريش :d
هم ناوين ينقلونه طبعا ، بس يمكن اذا شافوني قايله هونوا :P |
ملكه ليش انتي متعقده ترى عادي اي مكان وترى كريم فاتيكا احسن من الزيوت خاصه اذا كان الشعر منهك الله يرده لك والكميه تقريبا ملعقه على كاس ماء ونص موفقه |
انتي من وين يانجديه عشان اعرف وحده تبع حنا انما ايه تحفه
اما عن كم تحطينه اسبوع وراء اسبوع افضل اماعن اللون الغجري حطي مع الحناء غجر وقشور البصل الاحمر احسن شامبو مع الحناء بانتين او دوف عشان فيهم مرطبات بس ايذا غسلتي شعرك من الحناء لاتغسلينه بشمبو اغسليه بمويه وبعد كذاحطي زيت عادي لمدة ساعتين وبعدين اغسليه بشامبو |
شوفي اطحني الحلبة بس مو واجد شوي يعني كف اليد وحطي على النار واطبخيها لين تنشف بس لاتحترق وبعدين اخلطيها مع الحنة وماراح تكون فيها ريحة بس يومين وتروح الريحة بس لاتكثرينها عشان ماتعلق ريحتها بالشعر اما بخصوص الزيت انا بعد شهر راح اكون موجودة ببريدة اذا بغيتي اجيبلج معاي ولا يهمج بس امانة ادعيلي
|
حبيبتي انا استعمل حنة حق المدينة .....حلو ولا يصبغ بالشعر مرة... يعني يعطي لمعة على لون الحنة بس....لان شعري بني فاتح ومايصلح احط حنة يصبغ شعري بعدين يصير يلمع زي الزري.... واحط مع الحنة ملعقتين كبار زبادي وملعقتين كبار مايونيز.... و4ملاعق حنة وملعقة صغيرة محلب.....هذي الكمية تكفي شعري لانه قصير توني قاصته....... انتي حطي على حسب طول شعرك..... تخلطينهم بموية الصالحة للشرب وتكون دافية....لان مويه الشرب انفع للشعر من موية اللي مليانة كلور....وزيادة بعد عندنا بالشرقية مويتنا ملح..... وطبعا اكون قبل كذا بكم ساعة مزيته شعري بزيت النارجين.....عشان الحنة ينشف الشعر اذا كان الشعر عادي او جاف.... بس لو كان شعرك دهني مايحتاج تحطين زيت..... والله من اول مرة سويت كذا وشعري تحسن حيييييل.......ماصدقت طال ورحت اقصه عشان افتك من الاطراف المصبوغة........ومن يوم مااعتمدت هذي الطريقة وانا شعري رووووووعة.... والله صرت وين مااروح ويشوفوني الحريم يسألوني وش سر لمعة شعري وكثافته ونعومته..... وحتى البنات الصغار اللي بالمتوسط والثانوي صاروا يجون لي ويقولون ودنا تصير شعورنا زي شعرك ..... ويصيرون ياخذون مني النصايح....خخخخخ فصرت اسبوع احني شعري بهالخلطة......واسبوع اسوي حمام زيت ..... وحتى عندي المقدمة من شعري انتهت من كثر الصبغات حتى ان فروتي مبينة..... الحين الحمد لله والله مااكذب عليك ان شعري صار حلو والحمدلله...... حتى زوجي اللي عمره مالاحظ قصات شعري هالمرة لاحظ وعاجبته...... يارب اكون افدك...... ترى على فكرة .....ممكن تسوين لك في البيت زيت ثوم ....وزيت حلبة..... وعن تجربة والله .....ان فيه ناس اعرفهم زين زين....شعورهم خفيفة ومتقصفة ...ومن يوم ماسووا هالخلطات وشعرهم يجنن....وانا ناوية دام الاجازة جاية اني اسويهم لي...... وطريقتهم... تاخذين الزيت اللي يناسب شعرك او اثنين اوثلاثة زيوت من اللي تناسبك ..وتحطينهم في غرشة زجاج زي غرشة الفيمتوا .. وتحطين معاه ثوم مقصوص ارباع.... وبالنسبة لزيت الحلبة .....خذي الحلبة حب او مطحون عادي.....وحطيه بعد بزيت زي طريقة الثوم .... وبعدين غطيهم ببلاسيتك اسود او قماش وخليه داخل دولاب المستودع لمدة لاتقل عن اسبوع.... وبعدين كل ماخذتي شوي روحي رجي العلبتين زين وارجعي حطيهم بالظلام عشان ماتوصلهم حرارة ولاشمس.... وتصيرين تحطين زيت الثوم قبل الحمام بربع ساعة وبعدين تغسلينه زين بالشامبوا عشان ماتعلق ريحة الثوم.... وزيت الحلبة احسن تحطينه 4 او 5 ساعات مرتين بالاسبوع وبعدين اغسليه....واذا تحسن يكفي مرة وحدة... وطبعا عشان مايرجع ينشف مرة ثانيه عليك .... حطي بعد الحمام اذا ماانتي طالعه شويه كريم او سوي حمام زيت..... يارب طيقتي تناسبك وتستفيدين.. واذا استعملتيه وزان شعرك معاه... ادعي لي ان الله يرزقني ولدين توم ويصلحهم لي ويسخر لي زوجي....... |
| الساعة الآن +4: 06:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.