سوداينة تستغل النساء بالفايزية
 

السلام عليكم
لايروح تفكيركم بعيد

جائنا ليل البارحة هذا الخبر

مواطن ذهب بزوجته الى الاستديو النسائي الواقع امام بنده الفايزية

يقول نزلت المرة تصور علشان الجواز صور 4 × 6

مامرت دقية الا وهو متصل عليها الرجال صار خبير
اقول يامرة ترى التصوير بعشرة ريال اربع صور يعني اذا تبين ثمان صور بعشرين

المرأة تقول لا السودانية تقول اربعين ريال تخيلوا اربعين ريال قيمة صور شمسية

الرجال يقول رديت وانا مطرطع قال اطلعي اصورك في استديو الرجال جنبهم
والله لو اخذ الكميرا انا بنفسي واصورك ولا تلعب علينا هالسودانية
او تدرين بدل مانضرب مشاوير قولي لها بثلاثين الشكوى لله

المرة تقول خلاص وافقت بثلاثين خخخخخخخ

الى هذه الدرجة يتم الاستغلال ليش علشان حريم يعني كميرا الحريم اغلى

وين المسؤولين بوزارة التجار بالغرفة بالبلدية حماية المستهلك

العب العب العب يحق لك يازول يحق لك يابو شكيب يحق لك يازلمة

انتم اهل البلد واحنا شغالين عندكم ما احد يسمع لنا وانتم الكل يسمع لكم
ليش لان وراكم ناس احنا ماورانا احد

شكراً لك

المجتمع ذكوري بحت حق المرأة فيه مهضوم ومستباح مهضوم بمعنى مبلوع وماكول مهوب مهضوم حقت الاشوام

انت صادق قسم بالله شي يفقع الرأس

صوره انت بالجوال وخذ الشريحة واطبعه انت في ورق تصوير عند جرير وخلاص

اخويي يابو((شرين هذي مو اول مره ولله عادي متعودين ولله العظيم ))وشكراً على التنبيه

اشكر مروركم اما بخصوص البحث عن صاحب المحل
فاعتقد اصبح الجميع يعلم بان معظم هذه المحلات باسماء سعوديين ولكنها ليست لهم

الغريب كنت اعتقد 4 صور بعشرة و 8 صور بعشرين طلعت 8 صور 15 ريال في استديو الرجال

يعني الربح تدبيلة مدمن اسهم خخخخ والله ثم والله لو ما كان استديو حريم كان وكان وكان الله المستعان

انا العام مصورة باربعين ريال باستديو بالدمام وخبرتهم ان التصوير ببريدة ارخص وقالو بريدة اسعارها غير ولي يبي يناظرلارتفاع ا لاسعار راح يتعب