|
وش رايكم احضر زواااااج ابوي من زوجته الثانية او لالالالالالا؟؟؟؟؟؟؟؟
السلام عليكم هلا بكم يا معطلين وعاطلين وكلنا مثلكم يا حلوين وش اخباركم عساكم بخير اليوم جايب لكم موضوع حليو يحبونه الرجال وخصوصا الشيبان منهم ويكرهونه الحريم وخصوصا البنيات منهن الموضوع زواج الثانية كنت في نقاش مع واحد العيال عن لو ان ابوك تزوج ثانية ولا بعد زواج علني مهوب مثل زواجات الشيبان من تالي سكاتي ايه مالكم بالطويلة اقول زواج علني وانت دعاكابوك للعرس تتروح او لا طبعا خوينا يقول عادي ما فيها شيئ بس انا اقول اعتقد انها من العقوق لأميمك عاد انا قلت ابا اشوف رأيكم ونبي اجوبة مسكتة على قولتهم ومسكته بالحضور او لا يعني نبي وش رايك وليش سلامون عليكمون |
عااااادي احضر واكشخ وارقص وازفه بعد
اهم شي امي تكون بخير |
اقتباس:
يعني تتوقعين امك مهيب زعلانه عليك |
لا ما أحضر |
اقتباس:
انا قلت الي يكتب يقول ليش |
والله الأم لها ثلاث حقوق .. " أمك ثم أمك ثم أمك " , , ,
لكن إقناعها متاح . . وإرضاؤها سهل , , , والأب .. متزوج لا محالة . . بحضورك أو بدونه ,,, وتلبية الدعوة واجب .. مابالك إن كان الداعي أبوك . |
معصي !!
|
لا محضرله مر يمرررررررررررررررره
بس بعـــــــــــــد وجه من فهره يعرس على امي وحضر << تخيلت بمكان امي كان اتبرى من ولدي لو يحضر والله انا مايقهرونن الا هالشيبان بس يعرسون على حريمهم كره |
عادي انا حضرت عرس ابوي وراكب معه بعد بالجنب |
امممممممم سؤال محير ,, لكن على حسب نفسيه الام ,انت اسأله وخذ الاذن منه يمكن تكون راضيه ويمكن تضربك بالجزمه على راسك :d المهم ان الحضور بيكون مرتبط بالنفسيات وظروف الزواج ,, يمكن تكون راضيه وتحضر الزواج بعد وترقص فيه,, امي قبل كم يوم كانت تتكلم عن الزوجه الثانيه وقالت لنا عن وحده انه حضرت عرس رجله ورقصت فيه والعروس كانت جالسه وتشوف تقول امي ان العريسه انقهرت وصاحت :d ^^^^^^^ طبعا هذا زمان اما الحين نادرا نادرا تلقى مثل كذا (يعني لاتفكروون) احس اني توجهت بالموضوع اتجاه ثاني :rolleyes: بالنهايه اقولك انه لابد انك تجمع بين رضى الاثنين الاب والام وتحضر الزواج مع اقناع الوالده واخذ الاذن منه:) واحب انصح نصييييييييييييييييييحه للي بيتزوج ثانيه..:eek5 :eek5 احترام مشاعر زوجته الاولى ويختصر بالزواج ويكون عائلي ومختصر جدا وماله داعي الفخفخه :mad: تحياتي وعذرا للاطاله..:) |
لا من رايي ماتحضرهـ:eek5 عاد ليش عشان أميمتك |
وااااوك يااكبره عند الله تخيلو ارووح واميميتي دميعاته اربع اربع
يمكن ارووح والعن جدف العريسه وانتف شوشته واسدحه على الارض وهاات ياتخقيل هي واهله واخليه تكرره شيء اسمه عررررس واخليه تقوول لبووي طلقن وابرجعلك كل شيء خخخخخ |
ياشين هالشيبان
ياخي يتزوجون ولايحطون عرس من زين اخششهم لو ابوي يعرس تسان أقوله بدون عرس وخرابيط رح لها دامك ملكت وكمل شغلك بدون زواجات يالعشريني |
وين المشكله في حضوري!!!!! الزواج صار وخلاص المشكله في عدم حضوري وعيب ايذا ماحضرت |
| الساعة الآن +4: 01:49 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.