|
((( في بادرة جديدة وفـــريدة .......))) تعالوا...
السلام عليكم ورحمة الله وبركاته ،،، كل عام وبريده واهلها والقصيم افراح ومهرجانات وتهاني ومفاجئات...:026: أمسي على المنتدى والمشرفين والاداريين والاعضاء والمتصفحين جميعاً وعساي ما اكون ضيف ثقيل عليكم .... انا مريت الصباح أمس السبت الجوازات عندي تجديد اقامة لأحد عمالي (طبعاً جوازات بريده) :112:ويوم طلعة من الجوازات شفت بوجهي لوحة جديدة مكتوب فيها كوكب الريادة للاستثمارات التجارية ، صراحة استغربت ؟؟؟ وش جاب هالمكتب بجنب هالمكاتب الخدمات العامة وكل اللي بجنبه خاصه للعمال والتعقيب؟؟؟(لاتواخذونن على العامية بس ابي علشان اوصل الصورة اكثر ):41:090: حصل عندي تطفل وقمت ودخلت المكتب لأنه شدني شكله الجديد واللوحة الغريبة والشعار فيه صورة الكعبة ؟؟؟ وقمت وسلمت على الموظف صراحة موظف محترم وجلست عنده ( بريده والشرافه ) وسألته عن النشاط وش اختصاصكم ؟؟ قالي حنا فرع لشركة كبيرة وعالمية على مستوى العالم متخصيصين في الحجوزات الفندقية والشقق المفروشة مع الخصومات على السكن قلتله يعني انتم مثل ال... و ال... وغيرهم قالي لا ؟ حنا نحجزلك داخل المملكة وخارجها بأي فندق أو شقة تبي أنت ، واذا ماعندك فندق تعرفه حنا نسكنك حسب رغبتك ومخباتك :rolleyes:، اضافة على الخصم اللي رايح تحصل عليه يعني يمكن تلقى شقة 3 غرف ودورة مياه ومطبخ بـ 600 ريال ، عندنا حنا بـ 400 ريال الليلة هذا مثلاً .؟ صراحه تفاجأت معقولة :eek:!!! قلتله يعني اذا ابروح برمضان لمكة تقدر توفرلي وانا هنا ببريدة حجز بمكة ولا رحت القى السكن على طول بدون ما اقعد احوم انا واحراماتي واجرجر البزران والعجوز قالي نعم + الخصم .... السؤال يجماعة الخير فيه احد حجز من عندهم ؟ ooo1 وكيف الطريقة ؟ اشكركم مقدماً :d... |
يفيدونك الاعضاء انشاءالله
|
كل شي يصير بس راي شخصي ما اظن
يعني تقمص دور المالك في مكة مثلا هل يعقل ان اعطي سعر اقل عن السعر الحالي وزيادة عليها اعطي راعي المكتب هذا حقه عموما كل شيء وارد نصيحة فقط ان حبيت تتعامل معهم لازم تكون التفاصيل المملة مكتوبة بسند القبض يعني موقع الشقة وهذا اهم شي وباقي الشغلات المهمة خدمات بانواعها وبالتوفيق يالحبيب وش اسم اللي قاعد بالمكتب خخخخخ |
خدمه ممتازة أول مره أسمع عنها
|
شي طيب جداً ياعيني على الاعضاء الي يحطون مشاركات يستفيد منها القارئ يعطيك العافيه اخوي على الخبر شاكر لكـ تقبل مروري المتوضع صفراوي ... |
الخدمة هذه سمعت عنها قيل سنتين في رمضان
كنا بالعشر الأواخر بمكة وصراحة مالقينا شقة مناسبة ، وكنت عند موظف بأحد الفنادق فأعطاني رقم جوال وقال: هذا الرقم يحجز لك شقة بأي مدينة بالمملكة وبسعر مناسب وتقدر تشترك معهم ويكون لك خصومات ،، لكن المشكلة أن الرقم ضاع مني ... |
طيب كم رقمهم علشان نشوف وندق عليهم
|
[[glow="ffff33"]هذه الخدمة ليست وليدة اليوم - فكرنا منصب حول لوحات المطاعم لبروز كروشنا اونحو محلات قطع الغيار لأصلاح سياراتنا من جراء طرق لم تعد بشكل جيد -ولكن أخي الذئب لايهرول عبثآ هناك فوائد متبادلة بين المكاتب وأصحاب القرار على غرار مايفعله أصحاب العقار - وربما لاتجده ماتريده فالعملية ربحية وخدمية بالدرجة الأولى وهناك تنسيق مسبق بين المستفيدين والضحية هو ( المواطن )
واللي مايأكل بيده مايشبع - صحيح هي خدمة ولكن جيبك سيعاني !! واللي معه نقود ولديه أعمال وحجوزات وأجندات هو من يحتاج هذه المكاتب عزيزي ذهبت لجده ودخلت صالونآ للحلاقه هناك خدمات ( سيارتك تغسل أمامك وغترتك تكوى وكوب العصير بين يديك وشاشة بلازما أمام عينك ومشرط الحلاق في وجهك ودردشة تسعدك ) ولك الحساب هو من جيبك !! من يريد خدمة فليدفع!!/[/glow] |
اقتباس:
|
اقتباس:
مشكور اخوي على الرد لكن اسمه مادري والله بس ممكن اتصل عليه واقوله وشو اسمك تراي بجيح ههههههههههه . افا عليك لابغيت ادفع قروش ابحوم كبده من كثر الأسئلة . |
اقتباس:
|
اقتباس:
صفراوي احرجتني على هالرد شكلي ابحجزلك منهم على حسابي بس لاتطلب حدى الدول الغالية هههههههههه مشكوووووووووووووور على ردك واتنمى لك التوفيق وللجميع . |
اقتباس:
|
اقتباس:
على اللوحة بس لادقيت عليه تكفى قله انا من طرف ولهان على بريده علشان يجين سعي ههههههههههههه . تراي امزح ..:d:d |
| الساعة الآن +4: 07:46 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.