|
ملاهي نسائيه في بريده وش رايكم به
السلام عليكم ورحمة الله وبركاته
ابي اسألكم ياأهل بريده عن الملاهي النسائيه اللي عند سنتر بوينت اللي بجنب العثيم مول ما أعرف أسمه هل هي حلوه او لا وهل تستاهل نجيه من الرس لأن جرين لاند يسبونه موب زينه ونبي نعرف الخدمات اللي فيه من اللحين قبل نروح وهل كل الألعاب اللي به خربانه ولا تشتغل تكفون دلونا لأنه جاينا ناس من الرياض ونبي نطلعهم وابي منكم تدلوني وبأسرع وقت تكفون يأهل العون |
ايييه وش زينه
توكلوا على الله واسفهلوا |
مدري حنآ ملينآهآ ولآهي شينه ..
عن وجهة نظري ( مآلي خلقهآ) بس يآلله الشكوى لله توكلوآ ع الله وآنبسطوآ فيهآ .. |
عن نفــــسي مليته ومالي خلقه ,,, بس مماعندكم حل غيره<<<< فيها بقاله كبيره <<<ومطعم خايـــــس أحســـن لكم اطلبو من برى....... الالعاب تشتــــغل.... |
انا من رأيي جرين لاند احلى ولا الفرق
وشتبون بهالحر والشهبه وقلة الخدمات جرين لاند ابرك واقربلكم.... |
الملاهي اللي تقصدينه اسمه ملاهي الاسره صراحة انا مالي خلقه كئيييييييبه اذا رحتي لمه يضيق صدرك وبعد ظلماء مابه انوااار :eek5 بس العابه تعتبر من احسن العاب الملاهي بالقصيم وبه كم لعبة زينه :026: وانصحكم ترحون لمنتجع اسيا اللي بعنيزة احلى ولا فررررق والله توسع الصدر حتى انه برااااد عكس ملاهي الاسكان حر موت سي يووووو :p |
وععععععععععععععععععععععع من خمس سنوات عنها تضيق الصدر والناس اللي فيها متخلفيين اجلس ببيتنا ابرك من اروح لزي هالأماكن
|
اقتباس:
:42 أيييييييه هييين كثري منه والله ماورآه الا الدجه |
::
أنصحك .. والله صادقه أختي اللي تقول [ يجيب الكآبه وضيقة الصدر ] يعني لو تروحين لـ جرين لاند أحلى وأنفه ذآ الصراحه يجيب ضييييييييقة الصدر ويوحش تقول بالهند كله غابات << الهند مررره وحده [ أوب زين ] لا تورطين اللي بتعزمينهم حتى الألعاب مو حلوه بس فيه لعبة حلوة وتلقين هالعبدات اللي يكدن كدد بيقولن ماتشتغل .. :: |
والله ياعيوني ملاهي الاسره تضيق الصدر لكنه تنفع تغيير جو بما انه نسائيه يعني تاخذين راحتك بدون عبايه هذي ميزته عندي..مطعمهم خايس فطلب خارجي افضل لكم ..وبقالتهم حليوه ..واذا زرتونا فحياكم الله..
|
اقتباس:
طيب يااانسه جيبي لي ملاهي ببريدة به العاب احسن من العاب الاسره انا معك اقوول انه باايخه وشينه وكئئئئئئئئئئئئئئبيه وكتمه |
وععععععععععععع الاسره كله لحجيات خخخخخخخخخخخخخخخخخ تجيب المرض وكل الناس به ولا عندهم\ مكان للجلوس كله العاااب وعلى العموم بريده مافيها ولا ملاهي يفتح النفس مانقول الا حسبي الله ونعم الوكيل لكي مني اجمل الحب والاحتراااام.... |
اقتباس:
مآآبه شي زين كله تجيب المررض الاســرهـ وشو الي أحسسن كل الالعاب مصديآآت :oo جرين احلى منه بسس بفرق بسيطـ صلآلآموو |
اقتباس:
والله انها صادقة....منتجع أسيا:41....خيال...نظيف +ووسيع +وهادين... بس فيها ميزة ترى الألعاب قليلة دبابات، سيارات تصادم،السفينة،... مقارنة بألعاب ملاهي الأسرة .. الأسرة ألعابها كثيرة..بس ضيقة..وتطفش.. لكن من الراحة وسعة الصدر تلقينها في منتجع أسيا وهي خاصة بالنساء.. فيه دريم لاند بعنيزة لكن تراها عوائل..وتحسين نفسك بالطائف من جوها,... |
| الساعة الآن +4: 06:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.