|
حركات العيد (الباب مهجوج على مصراعيه لتبادل الأراء)
الشهر عليكم مبارك ,تقبل الله منا ومنكم صالح الأعمال ...
أخياتي بغيت أطلبكم طلبة .. العيد السنة ذي علينا حنا وعمي إهئ إهئ >>>>لكن قدها وقدود حنا وبنت عمي ::040::..! عاد أنا ودي بحركات حلوة نتميز فيها عن السنة اللي فاتت .. يعني أنتم عارفين الشوكولاته ودي تكون وايد غريبه شكلا وطعما ...نبي كل وحده تقضم قضمة تقعد تقلبه بيده وتقول>>>>>من وين الشوكولاته جايبنه :115:..!! ولاتنسون حركات الفازات والسلات حقات الحلى نبي أشكال غريبة >>>>لاتنفخين عاد:i121 إيه وش بقى بعد ....إيه الطامة الكبرى هدايا أحبابنا الحلوين >>>>وه ياطعمه بنت أخوي أول سنة تاخذ عيدية :052::084::084:أبي محل يسوي أشياء حلوه وسهله ورجاء رجاء >>>مانبي محل غالي الفلوس ماهناش >>>الاعتراف بالحق فضيلة وآخر طلب >>>ياكثر طلباتك تعرفون الحريم لاطلعن متعيدات وماكلات مما لذ وطاب وين يروحن ؟؟؟ طبعا يتجهن إلى طاولة فيها حركات خفيفة دم مره >>>>عرفتوه ؟؟؟ إيه هذي أبيه بعد ..:d المهم حبيباتي كل وحده لاتبخل برأيه وبأشياء سوتهن العيد الماضي وتحس أن شغله كان مره حلو وأنه خيار ماسوت ,ياليت تعلمنا >>>>والجحد ممنوع ..:rolleyes:!! يابعدي أتمنى تفاعلن مع موضوعي , لأني مخططه أبدأ اليوم بشغلي قبل العشر المباركات الله يتقبل منا ومنكم أجمعين .. أتشوفلكن ....!!!>>>>من معجم الوالدة هالكلمه.. |
من بغا الدح .. ما قال أح http://aljsad.net/images/smilies/boo.gif !
|
ماعندي فكررة بس حبيت ارفع الموضوع لعيووونك ... |
انا والله العام الماضي فوق هالسرير (نفساء)
وياليت يعطوننا الاخوات افكار |
انا فرحت بموضوووعك لان العيد علينا هذي السنه ومحتاجه افكار..
1-ياليت تكتبين افكار من اعيادكم السنه الي فاتت علشان استفيد منها^_^<<تبادل مصالح 2-السنه الي فاتت شفت حركه حلوووه عصفورين كبار مركبين على سله منبسطه بعدين عنده حلاو مدووور كأنه بيض بس الطيووور حلوووه اشكالها لانها محليه السله مررره 3-علقي على هداية الطفل بشريطه بالونات صغار وملونه فيها غاز الهيدروجين علشان ترتفع فوق <<مدري وين الاقيه العمال الي بالاسواق مدري من وين يعبووونه 4- ولاتنسين توووزعين بداية الحفل اكياس ملووونه وفاضيه على الامهات علشان يجمعون فيها عيدياتهم .. للحديث بقيه.. |
اقتباس:
|
اقتباس:
يالله أجل وريهم سناعتك هذي السنة ..:41 |
اقتباس:
السنة اللي فاتت كان عيدنا في منطقة أخرى وكان على أبناء العم ,,لكن السنة هذي بيكون العيد في بريدة وعشان كذا ماعندي أفكار أفيدك فيها ياخيتي :confused: لكن البالونات اللي في هدايا الأطفال من جد حركة تخب ياليت أحصلها .. ألف شكر لطلتك الحلوة |
واذا كان بغير منطقه..
انا اقصد حركات التوووزيع والعيديات اذا فيه شي حلوووو يذكر..تقبلي طلتي.. |
المويه غلفيها بورقه مكان ورقه المنتج مباركه بالعيد الله يلحقنا اياه واكياس الهدايا فكره حلوة لاني ابلش باغراض اعيالي واحاول التخلص من العلب الكبيره .. |
بقولك عن افكار سويته وشوفي اللي يعجبك اول ما يجتمعون الناس صرفي البنات الصغار طبعا انا كل وحده خليته تجيب ثوبه الخليجي اللي يقولون له المصرح علشان يطلع لبسهم موحد وشريت سلات حلاو مشكل وفيه عند احمد للهدايا حلاوه يلف عليه شريطه مكتوب عليه كلمات عيديه وكل وحده معه سله وتباشر على الحريم وملبستهن هامات عاد هن منزرقات بشعورهن بعدين خلي محل الهديا يقص لك كروت ولصقيهن على علب المويه يكون مكتوب عليه تهنئه بالعيد واذاخلصتو من المباشر عاد حطي هدايا للبنات الصغار حطيهن في اكياس بس اشتري من سوق الجمله اللي بعد المستودعات ارخصلك واوفر عنده كل شي حتى الاولاد والحريم الكبار فيه علب كنه شنط صغار قديمه اللي فيها مرايه داخل حطي به علك مر وديرمان وكحل وروج القديم وجيبي القماش القديم الجنينه وقصصيه وحطي حلاوه لهن حتى يكون على شكل بقشه صغيره وشوفي لا تنسين تشترين معمول وتوزعينه من ضمن المباشرات شوفي ترى انا راعية طويله حطيت مسابقات وغلفت الهدايا من غير العيديه وبعد كذا يوم صار بالليل قمنا نولع الالعاب الناريه انواع واشكال وجبنا الالعاب القويه فجعنا الحريم اشوي يعني انبسطو على الاخر عاد انتي شوفي اذا اعجبك
|
اا تبيـــــــــــــن شكولاته تــوزع مع القهوه للحـــــــــــريم اذا تقدرين تروحيــن للرياض ((جـــــــــــــــــــــــوي))يهـــبل شكلا وطعما وكل اللي تبين... واذا ماتقدرين تروحين للرياض في محل دالا بالبصـــر الشكولاته مره لذيذه<<< ولا بـــــــــــــاتشي مافي غيررره.. توزيع للصغار .....ماعندي خلفيه مره... |
شوفي حبيبتي عندي فكرة سويتها عيدية لخوي يوم هو بالروضة يوزعه على زملائه وكانت مررررة حلوووووة ونعووومة ولا تكلف:
، جيبي قباعات الحفلات المثلثة المقاس اللي تبغينه أنا حطيت المقاس الصغير ( أكيد عرفتيه؟ ) حطيبه صفيرة وبالونة وشوكلاته وحلويات وحطي معه ريال جديد وورد مجفف واللي تبين بعدين غلفي القبعة بتغليف هدايا شفااف واربطيه بالشرايط وعلقي عليه بطاقة تهنئة للأطفال بتعبير وشكل طفولي وإن قدرتي تكتبين الأسماء إذا كنتم شويين أو تحطين للبنات لون والأولاد لون، طبعا التغليف راح يكون بالعكس يعني ربطة التغليف راح يكون من الجهة المفتوحة للقبعة .. ،، ،، أتمنى إني أكون أفدتك.. |
الســــلامـ عليكــــمـ أختـي أختــك/غنـدوور.( برنسيسة بريــدة )...وجميع خواتي عندي ح ـركآآت الـ ع ـيد رووعــة بس... بـ مقطـع فيديو, لـ عيـد أسرة الربعـي بـ بريدة.... أتوقع يفيـدك70%,, بس ما أعرف أنزل المقطـع إذا تعرفين ارسلي لي الطريقـة مشان انزلـه... وهـو صراحـه في حركات خطيرة وكلـ(ن) تكلم بهالعيـد,فيـه توزيعـات وحركـات بعد الغداء تجنن وغريبـة.... طاولة المناقيش امممم صعب اشرح بس بحاول اوصل لك الفكرة قد ما أقــدر... جايبين 3اقمشـة,قماش لونـه ترابي,سماوي,ازرق حاطين الترابي بعدين السماوي بعدين الازرق الترابي حاطين عليه تراب خفيف,حاطين كور وسنارات والعاب اطفال واصداف وووو..... القماش السماوي حاطين عليـه اسماك والقماش الازرق اسماك بعدين طاولة المناقيش...جنب البحـر (الاقمشه) حاطين ع الطاولـه شبكـة صيد,ونازله الشبكـة للبحر... الشبكـة اللي ع الطاولـه مليانه اسماك بحجم اليـد,ملصقة بتوزيعات اللي عد الغداء (علك...الخ) وملصقة عبارة ( كل عام وانتم بخير..ابناء علي صالح الربعي) بعد ماتطلعين من صالـة الطعام ... حاطين عبارة عن طاولـة بوفيـة بـس جاتوهـات ماليات الطـاولات,, وقبل طاولات الجاتوهات طاولـه العصيرات (تعرفين برادة الماء الصغيرة اللي تحط بالمطبخ؟؟) جايبين راسـها من دون القاعدة حقتهـا,,وحاطين فيهـا عصيرات أنواع (برتقال ليمون).... الطاولـه الاولى العصيرات والكاسات,الطاولـه الثانية والثالثـه الشوك والجاتوهات ,الطاولـه الرابعـه,آيسكريم اللي بالاكياس..بس كبس مش الكبيرة لا تقريباً حجم ثلاث اصابع بـس لون التوت وبرتقالي واصفر وبنفسجي واخضر وتفاحي تجنــن الحركة ذي.... وفيـه آمم توزيعات شوكلاتـه المربعـة مغلفة بريـال .... فيـه كثيييييييير بس بـ الفيديو..أتمنى اني أفدتك,, |
| الساعة الآن +4: 06:29 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.