|
خطبت سبع مرات و رفضوني !
لقد قال لي : خطبت سبع مرات ورفضت بسبب مهنتى ! قلت له : لعل هناك أسباب أخرى! قال لي: يا أ~خي أنا محافظ على الصلوات ولا أ~دخن يعني شاب لقطة! ورفضوني عشان شغلي وكلهم أفصحوا لي عن هذا! لأنه بكل بساطة لا يوجد شيئا آخر! قلت : أعانك الله، وأنت فعلا لقطة ! سترك الله عليك بزوجة صالحة. فتذكرت قريبة لنا تعمل ممرضة وعنست دون زواج ! وقفات نقفها بهدوء وعقلانية مع أنفسنا ومع من حولنا!!! موظفو الصحة ممرضين وممرضات أطباء وطبيبات ...مرفوضون من قبل بعض العوائل. للزواج .. لماذا البنات يرفضن موظف الصحة؟ ولماذا الشباب يرفضون موظفات الصحة..الأسباب والمسببات. تحياتي |
!!!! بالعكس بعض البنات يبون الزواج من ممرض أو دكتور مثل ما صّرحت لي وحدة تقول رواتبهم عالية يعني مدرهمين ؟ وأحد أقاربي ممرض متزوج و مو هو اللي خطب ؟ لا البنت جايته هديه ؟ وش علشانه ؟ ............. ؟ وإذا خويك خطب سبع مرات ويقابل بالرفض ,, كل هذا بمشيئة الله ؟ الله يرزقه باللي أحسن منهن .. |
الاختلاط مصيبة .. أيما مصيبة ..!!
سواءً للفتاة أم للشاب .. هذا هو السبب الرئيسي لرفض غالب العوائل لمن امتهن هذه المهنة .. بالنسبة لي أنا ( أبا ربــــا ) لا أرضى أن أتزوج فتاة عملها فيه اختلاط .. ولن أرضى أن أزوج أختي أو ابنتي لشاب عمله فيه اختلاط .. وللسبب الذي ذكرته .. طرح رائع وحوار هادف وأسلوب راقي .. بارك الله فيك .. |
انا عن نفسي لااؤيد زواج الاطباء والطبيبات الا من بعضهم
لان حدث بينهم مايسمى بالاختلاط والاختلاط محرم ولم يحرمه الدين عن عبث الا لما يحمله من المشاكل فلو كانت دراسة الطب النسوي هنا دراسه متخصصه بهن دون اختلاط لما اتوقع ان يرفضن من قبل الرجال وكذلك الرجل لو كانت دراسته متخصصه له لما رفضنه النساء اخي هناك من المشاكل التي تقع مع الاطباء والطبيبات نحن لانعلم بها الا القليل بقولك شاهدين اولا ذهبت لاحد المستشفيات في الرياض للعلاج وانا اتكلم مع الاستقبال واذا بي اسمع قهقهات وضحك وسوالف لاتمد الطب بشيء من طبيبه وطبيب والله اقشعر بدني صدمت لم اتوقع ذلك ابدا تعجبت من تلك المراه التي انتزع حياؤها واخذ يعلو صوتها بالقهقات عجبت من ذلك الرجل كيف يرضى ان يتكلم مع فتاة بتلك الطريقه ايضا مره من المرات ذهبت مع والدتي لقسم الاعلاج الطبيعي في مستشفى التخصصي هنا فلما خلصنا من العلاج ورحت للاستقبال اخذ موعد اخر طبعا كان ممرض سعودي والله ثم والله ان الممرضه الفلبينيه حاطه ايدها على كتفه واخذه راحتها بالسواليف معه لا وكانوا يتكلمون بالانجليزي علشان الناس ماتفهمهم ولانعمم هناك من الاطباء والطبيبات السعوديين المحترمين وارجع اقولك ان السبب في الرفض هو الاختلاط واذا خويك يتقدم ويرفض فانا اخوي تقدم لسبع بنات ولم يتم الزواج الا بالثامنه والرفض منه هو ليس لانهن فيهن عيب ولاشيء لا انما لم تكتب له واحده منهن فكتب الله له الثامنه اما السبع بنات ف 4 منهن تزوجن واخذن نصيبهن اما الاخريات لم نسمع خبرهن بالزواج تحياتي |
اقتباس:
بارك الله فيك وحفظك من كل سوء .... أما عن موضوعك أخي الغالي / سيف وفيصل ... فأقول كما قال ابي ربـــا وكذلك ما قمت أنا باقتباسه من رد الأخت ريا ... شكراً لك .. |
عني انا ماعندي مشاكل بالنسبه لزواج الممرض بزوجه غير ممرضه الاختلاط في كل مكان ودام الزوجه مقتنعه وواثقه بزوجه الممرض ما اظن ان هذي المهنه فيها عيب وكثير من قرابتنا ممرضيين وبالعكس ماحد رفضهم وتزوجو غير ممرضات ومبسوطين ومافي اي مشاكل لان الاختلاط هذا مكان عمل اجل الحريم تلقاهم في كل مكان والرجال نشوفهم في كل مكان واللي فيه بلا او عيب الممرض وغير الممرض ما وقفت بس على هذي المهنه الله يرزق اخونا بالزوجه الصالحه ويحفظنا من كل شر
|
الى متى وعقولكم لازالت متحجرهَ
فالفتاة او الشاب اذ كان في عمل يكون فيه اختلاط فالشاب او الفتاة العاقله صدقني لاتلتفت لكل شي لها اما من كان يريد الشر فبكل مكان راح يحصله فليس بالعمل فقط |
لا ياجماعة السبب مو علشان الاختلاط الاختلاط بكلللل مكان .. بالمجمعات بالملاهي والمطاعم والمنتزهات والحدايق وووو الخ ... اقولك ليش خويك ينرفض ؟؟ ... أنا راح اقول وجهة نظري واللي اغلب البنات يشاركوني فيها السبب بسيط ... لأن كل وقت الممرض هذا رايح في العمل صح إن الوظيفة كويسـهـ والراتب حلو وخدمة إنسانية عظيمة إلا أني ماأتـــوقع أقبل بطبيب أبداً ... شووووووووووووو انا متزوجة أقابل البيت وحدي ؟؟؟ قصدي باختصار إن الطبيب أو الطبيبة يقابلون المشفى أكثر من يقابلون بيتهم لذلك أنصـــح الأطباء والطبيبات إنهم يآخذون من بعضهم .... شكرا لكـ ... |
الاختلاط أعتقد أنه من أكبر الأسباب ، أما الأخ اللي الاختلاط بكل مكان أقول يالغالي المرآة مو كل يوم بالسوق والمطاعم لكن تخيل الممرضة يوميا اختلاط ...
|
النصيب لم يأتِ ياعزيزي وأنا أعرف شخص عز المعرفة موظف وراتبه حلو وأخلاقه جداً عالية ووسيم ماشاء الله ومن عائلة معروفة ومع ذلك ظل يبحث عن شريكة حياته لمدة سنتين وأغلب البنات يرفضونه والله يرزقه بالزوجة الصالحة |
الاختلاط هو السبب الرئيسي للمنع , , ,
ومثل ماذكرت الأخت " ربا " أن يتزوجوا من بعضهم , , , فكلهم قد اختلط وعلِم ما وراء الاختلاط , , , وبالأخير هو قسمة ونصيب ,,, |
كما قال ابوربا الاختلاط الاختلاط هذا السبب
|
انا اعرف وحده دكتوره وقلنا لخالي خلنا نخطبها لك قااااااااااااااااال ليش مالقيتو الا اخذ دكتوره قضن البنات علشان بكرى اذا اخذتها اشوفها مع رجااال وش اسوي حزتها عاااااااااد اكيد ابغار وانجن
|
ياخي والله اني ارحم خويك ذاا
اجل خطب 7 مرات ولا عطوه انصحه ادام البنات ما يبنه انه يتزوج من الخارج والشكوى لله ===== الا مير الممرضه اكيد الرجال يغار ولا يبيه تختلط مع الرجال بوقت طويل لاكن اذا صارت البنت ماشاء الله عليها خلق وادب وجمال يقدر يقول بشرط تترك العمل وعادي تتركه لاكن المشكله بالرجل وشلون يترك العمل |
| الساعة الآن +4: 12:07 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.