|
يدعي علي حتى في رمضان
قريبتي المغرب دقت علي وقالت وش اسوي ابوي عصبي وعلى طول يحمق واذا حمق جلس يدعى علينا:eek5 انا وخواتي وحنا برمضان جلست اهدية واقولة اكيد انة يستغفر بعد مايدعى مهما يكون هاذى اب بس اقولة كذا وانا من داخل اغلي وعطيتها من هالكلام الي يهديها بس انااحتريت منة واببرد حرتي عندكم انا ابي اعرف الي يدعون على عيالهم معقولة يكونون اباء بمعنى هذة الكلمة اذا انت جايبهم عشان تدعي عليهم غيرك اولى بهم يااخي لاتجيب اذا انت بدعوة منك تقابل :oo باب مفتوح تقلب حياتهم لجحيم كتبت هالموضوع ابي رايكم |
والله ما ادري وش اقول... بس داامه على طول يعصب...اجل قولي لهاا يبعدوون عنه الأشياء اللي تعصبه.... والمعاامله الزينه منه ومن خواته ترى بتهديه ولاتنسين الكلمه الحلوه... وخليها تدعي ربها ان الله يهديه....... . . |
كلام جميـــــل ,,,
لا أريد أن أحكـــــــم ,,, على قصتك لكن أن أتكلم عن بعض القصص ,,, مشكلة بعض الآباء الله يهديهم ,,, ينقلون الضغوط والمشاكل اللتي تحصل لهم في الشارع والعمل إلى البيت ,,, ويصير التفريـــــغ على الأولاد ,,,, هنا المشكله .... لكن ترى فيـــه تصرفات من بعض الأولاد تخلي الحجر ينطق من المغثهـ ... فيه تصرفات كثيره سيئه ومشتركه من الجانبين ولازم يكون ليها حل عن طريق الأب ... بشرط يكون الأب شخص متفهم ومنصف ... شكرا لكي |
عليهم أن يرضوا بالواقع ,, لا أحد يختار أباه .
اتبعدوا عن كل مايسبب له الغضب . ثم ليست كل دعوة من الوالدين تلقى أبواب السماء مفتوحة لها ! هذا طبع ومن الصعب تغيير الطباع , وأنا متأكد أنها لم تخرج من قلبه ,, مجرد لزمة تعود عليها . أسأل الله له الهداية وأن يرزقه الحلم والهدوء . |
اللة يهدية بس اكيد انة مو من قلب يدعي
|
الله يعنيهم بس مهما كان لازم يتحملون ابوهم ولو ان الدعوات شيء خطير خاصه من الوالدين واحيانا تقابل الدعوه باب مفتوح حتى ولو لم يقصد كثير من هم دعوا على ابنائهم ولم يقصدوا ثم ندموا ولاتنسوا اخينا عبد الله بانعمه بل دعوا على انفسهم وقبلت علما انها كانت في لحظة غضب الله يهديه ويحننه عليهم المفروض اذا عصب يبعدون عنه حتى يروق ويحاولون قدر الامكان مايعصبونه ولو ان بعضهم 24 ساعه يعصب لكن الشكوى لله يتحملون |
الله يهديه ويفتح على قلبه
يمكن ياأختي شابتن تسبده وغاثاته بشي حنا ماندري الله اعلم وقلب الأبو كبير مو من قلب يدعي عليهن المفروض انهن يعرفن هالشي وتلقينه يتحسف على طوووووووووول وخليهن يتحملن هذا ابوهن مهما صااااار<<<<<<<< بكرى اذا افقدوه يعرفون قدره ويقولون ليته يدعي علينا اليل تالي النهار اهم شي انه حامينا بعد الله ويصرف علينا ولاناظر لأحد <<<<<<بسم الله على ابوهن الله يطول بعمره لهن بس انا اقول مثلا الأبوووووووووووووووووووو عامووووووووووووووود البيت مهما صار ومهما سوى حبيت موضوعك ورديت عليه مشكوره |
assamer اشكرك واللة يهدية شميساوي شكرا لك اكيد مو من صفاتة التفهم قانون السيطرة اشكر مرورك اكيد هم راضين بس ملوا مشاكسة بريدة شكرا لمرورك يارب مو من قلب &&ريا&& شكرا لمرورك العطر ذكرتينا بعبداللة بانعمة اللة يشفية موكا بارد اشكر مرورك الرائع المشكلة انهن هاديات ولايحبن الشر |
* مرحبا بالجميـع اختي المشكله اعتقد من الاب كذلك الأهل لان... الأب مهمـاا عمل ومهمـاا فعل يبقى أب تعرفين معنى كلمة أب الأب يتعب في العمل من اجل ماذا كذلك الأم المسكين الضعيفه تربي من اجل ماذا الأب يتعب لكم وبالاخير ينتظر الكلمه الطيب منكم وينتظر احد يهتم فيه في الأكل والبس والاهتمام وغيرهـااا واذا متزوج ثانيه فالوضع جدا عاادي واذا لم يتزوج فالموضوع جدا عجيب!! يبدو انه مشحووون من اشياء تثير الغضب وفرغ الشحنات بالمنزل والووضع عااادي مافيه بيت مابه مشاكل وخليهاا تحمد ربهـاا زين يهاوشهم ازين من يهجرهم بالتوفيق ... |
العلاج بالدعاء للأب بهدايته وحلمه وتأليف مابينه وبين أولاده خصوصاً في هذه العشر التي : "كان النبي إذا دخل العشر الأخير شد مئزره وأحيا ليله وأيقظ أهله" "كان النبي يجتهد في العشر الأخير ما لا يجتهد في غيره" وكان النبي يخص العشر الأواخر في رمضان بأعمال لا يعملها في بقية الشهر وعن أنس: "إن الله تعالى وهب لأمتي ليلة القدر ولم يعطها من كان قبلهم". "التمسوها في العشر الأواخر فإنها وتر في إحدى وعشرين .. أو ثلاث وعشرين .. أو خـمس وعشرين .. أو سبع وعشرين .. أو تسع وعشرين .. أو آخر ليلة .. فمن قامها إيمانا .. واحتسابا .. غفر له ما تقدم من ذنبه وما تأخر" ليلة القدر ليلة بلجة لا حارة ولا باردة ولا سحاب فيها ولا مطر ولا ريح ولا يرمى فيها بنجم من علامة يومها أن تطلع الشمس لا شعاع لها" عن عائشة رضي الله عنها قالت: "قلت يا رسول الله أرأيت إن علمت أي ليلة ليلة القدر ما أقول فيها؟ قال: "قولي اللهم إنك عفو تحب العفو فاعف عني" نسأل الله أن يرزقنا قيامها .. وأن يتقبل صيامنا .. وقيامنا .. |
طيب يمكن عياله منجس ؟؟؟
ولا بد أننا ننظر للطرف الآخر قد يكون هو المتسبب بأشياء نحن لا نعلم عنها ... وإلا مهما دعى الأب فهو من غير قلب بكل تأكيد ولو كان قلبه من حجر فهو بكل تأكيد سيندم وسيستغفر .. |
اقتباس:
|
الله يهديه ..
ومادامه عصبي .. على الأقل مثل ماقالوا الأخوة .. يبعدون عن الأشياء اللي تخليه يعصب والله يهدينا وياهم .. ~ |
اقتباس:
ندري ان كل بيت فية مشاكل بس المشكلة مو انة يهاوش المشكلة يدعي عليهن ياليت بالموت كان يرتاحن من هالدنيا يدعى بالتوفيق والشلال وغيرة |
| الساعة الآن +4: 03:54 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.