|
للاسف سوق التمر ببريدة المسيطرين عليهم هم الباكستناية
السلام عليكم ورحمة الله وبركاتة . تقبل الله منا ومنكم صيامكم جميع المسيطرين على السوق هم الباكستانية وهم الذين يرفعون الاسعار 85% هم الباكستانية . واتحدى اي واحد يقول لا صح تبي تصدق رح للخبوب وشف من الذين مستاجرين المزارع هم الباكسانية وين الامانة يا امانة الايسى لنا حق بهذا السوق الذين يجمع الخليجين كل سنه هنا واين السعودة التي تتكلم عنها انت ووزير العمل : 12 ارجو من اللامانة منعهم بسرع وقت هم الذين يتحكمون بالاسعار وعلي كيفهم |
خلنا واقعيين لوما عندك باكستانية كان سوق التمر ما صار زي ما تشوفه الحين في شباب به الخير والبركة بس مهب كثارين بالاصابع يعدون والباقي ما غير تبطح وتسدح وضرب من هالسمبوسة |
ما أحد منعك من طرد الباكستاني ومزاحمته بالسوق وفسر عن ذرعانك وورنا شطارك وشمر عن ساعديك خلك عنك الكايبورد اصرف لك |
مهما كان ماعندك غناة عن الباكستانيين لأنهم إذا منعوا ماراح تلقى أحد يخرف بصراحه تبي البنقالي يخرف والا المصري مامثل هالباكستانيين تقبل مروري كاتب الموضوع ( مجرد رأي ) |
لو مافيه باكستانيه كان ماشفنا هالسوق بهالصوره وبعدين وين الشباب السعوديين ما أحد منعهم يدخلون السوق والسوق يشيلهم ويشيل الباكستانيين يا أخي رح للسوق الساعه 2 او 3 تلقى الباكستانيين متسدحين يحترون الفجر يجي علشان يبدا السوق لوهم شبابنا يبي يسوون مثلهم ما اضنه بس فالحين دوران بالشوارع وركوب بجيوب الربع وهجوله بكل محل يبيون قروش تجي لمهم وبعدين الباكستانيين داخلين السوق عن طريق تنظيم من الامانه كل سيارة باكستاني تلقى عليه استكر يعني تابع لمكتب تسويق زراعي مثل العمار والمشيطي وغيرهم يا اخي عسى الله يخليهم بس ويثبتهم هم اللي انعشوا السوق صراحه
|
اللهم لا حســـد !! أحد قالك أجلس بالبيت ،، هذا الباكساتي يقوم قبل الفجر ويشتغل وأنت نايم وتقوول السعودة وين ؟؟ السوق يحدده العرض والطلب ياحبيبي ،، لو كان هناك شباب متحمسين للعمل مثل هؤلاء الباكستانيين فلم ولن تراهم وأنت تقوول وين البلدية !! لكل مجتهد نصيب ياعزيزي .. |
الوطن غالي عند القليل
والسبب هو من وضع لهم استكر وساعدهم او من اجر لهم |
انا مع اخوي خب العكرش
انتم اللي دخلتوهم السعوديه اول كانو السعوديين يشتغلون والشباب والحريم والناس كله من يوم مجو ابو بكوس وحنا مشفناء الخير |
اقتباس:
انت مشغلنا من ورا الكمبيوتر وما عندك الا القرقر بس اقول عين خير |
كلامك صحيح ( شاهد ) القهر ان الباكستاني اكلنا اكل المفروض يكون اقل شي بالمشاركة بالربح مايشري المرزعة كاملة المفروض مشاركة بالربح ...............
اما قول بعض الشباب لا غنى عن الباكستاني انا اخالفة الراي مثل قصه ابو يمن اول ماراحوا قالوا انه كل الشغل توقف ومشت الامور تمام واستغنينا عن الزيود !!!!!!!!!!!!!!!!!!!!!!!!!!!!!!! |
وين الشبااااااااااااااااااب العاااااااااااااااااااطل في الاستراحه مع الدش والشييه المعسل ويقولون نبي وضائف على كرسي دووووووووووووووار 0
احمد ربك انه سخر لنا الباكستانيه ولا كان تحصل صطل التمر 400 ريال شبااااااااااااااااااااااااااااااااااب ضاااااااااااااااااااااااااااااااااااايع هايلكس وجيب ربع + دش + معسل +شقه +استراحه = ضياااااااااااااااااااااااااع |
ايضا لاننسى الاسعار الي صار الباكستانية يشرون المزارع
فعلا مغرية 0000000واي وحد راح يبيع بل انهم وصلوا بعض المزارع لضعف السعر عن العام الماضي واخذوها اخوي شاهد: وش نقول وش نخلي هذا اليمنية اخذو اسواق الحريم كلة بل يحدثني احد الاخوة التجار يقول مابقىسوق بريدة [ قبت رشيد ]من السعودين الي ماسكين محلاتهم الى الحين سوى ثلاثة تقبل مروي |
اقتباس:
الله يسمحك انت حكمة علينا بلعدام :101: |
اشكرك من عقب على الموضوع الرائع . لكن عندي بعض النقاط عليها من من الاخوة يرد هو لايعرف كيف الوطنية . اخي اقسم بالله العضيم ان جيمع التكاسي في بريطانيا ولاية لندن . نوقنجتهام . ديربي . برنمجهام . ماشستر . هم الباكستانية تعرف ليه لا انهم هم المسيطيرين على السوق كامله . وهو من المحتكرين بالسوق على كذا سوف يسيطرون على السوق في الاعوام القادمة . اما كلام احد الاخوة ان اكثر السعودين لايعملون بهذا لا ما صدقت كثير منهم مشاء الله عليه شغال في مجالات اخرة . ولو يعلم بدخل التمر لترك المجال اللي هو فيه وعمل بهذا السوق ؟ انا ما احسد هم او اكرهم لا واقسم بالعضيم اني احب الباكستانية لنهم كان أصدقائي في بريطانيا هو رجال تشهد لهم بهذا في الدين والرجولة ؟ وشكرا |
| الساعة الآن +4: 06:00 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.