|
مـا عـلـيش يـا امـيـمـتـي .. الـبـلـديـة مانـعـيـن تـوزيـعـه بـالـبـقـالااات_@صوورة@_
السلام عليكم نبدا وعلى بركة الله :) قالت لي امي الله يحفظه ياوليدي أبيك تقحص وتجيبلي كريريث ( تدليع كراث :d ) من هكالبقالة الفلانية قلت ما طلبتي شيء يابعدي رخيص والطلب غالي >> هي تسذا :09: وانقز وأطير طيران للبقالة :048: صديق بسرعة واحد كرتون كراث قال : كراث مافيه اجي هنا , بلدية كلام ممنوع جيب بقالة قلت لا لا لا مهب معقولة , تقوله صادزز ولا :09: مخلص المرآد رحت وتّأكدت من يقالة ثانية وقال تقريبا اكثر من شهر مانعينه من البقالات الكراث االي موجود بالبقالة هذي هو اللي جايزن لميمتي :41 ومن مبطي وحنا نشري منه والحين كود لازم أدور الموزع اللي يعطي البقالة ذي علشان اجيب نفسه وبعدين من الاصل البلدية وراهم يمنعون بيعه بالبقالات به شيء وهذه صورة توضيحية للكراث للي ما يعرفونه وياطعمه طعماه ولو لا الصلاة بالمسجد كان ارتزيتلي كم(ن) خبزة مع زنجبيل:107: http://images.msoms-anime.com/27/bba...4df2a74cd7.jpg وأهم شيء الفايدة وحب الوطن :d تحياتي أبـو تـــركــــــي |
يمكن مشتبهين فيه انه السبب الرئيسي للانفنونز الخنازير هههه
وتقبل مروري |
الله يصبر اميمك يابو تركي |
ماشاء الله على كراثكم , أثره أزين من كراثنا .. :113: والظاهر محل الخضار الي بالموطأ , أسمه الأجتياز للخضار الي بالركن .. << أغدى الأسم صح .. خااااااااابره يبيع كراااااث من أحس مايكون .. مـمـتـاز .. :) |
والله البلدية بدت تصدر قرارات ما أدري من وين ؟
لكن الله يعين ... |
الله يخلف عليك س د ر 999
ياخوي رح محلات الخضره موب لبقاله وبعدين هذا موضوع تنزله |
أبوتركي ولا عليك أمر أبيك تأكد هو ممنوع من البقالات أو محل الخضرة لإن لي يومين بالأسكان كل من رحت لمه أبي كراث قال مابوش ..
|
والله يوم شفت الصورة راحت علومي
مبطن عنه تسان تبي الصدز بس اذا اكلت وحده ما دريت الا هو قاضن كله < السنون خضر تقل باليوم الوطني وشسمه خاابرلك مكانين يبيعن كراث واحد برواق ولثاني بعنيزة وكلهن من ازين ما يكون واذا تبي الوصف علمن :) |
والله أحسن علشان يمشي كراث المباسط ومحلات الخضار والسوق المركزي
وبعدين اللي بالبقالات يبطي ويروح ويجمع الذر للبقالات وقليل من يشري من البقالة |
، أشوى إنك كتبت تعليق على الصورة ( هنا الكراث) حتى مايغلطون بالعصير :d:d أخوي الكراث عند محلات الخضار المنتشرة بكل زاوية... |
الله يخلف على امك يا ابو تركي ويخلف عليك
|
الله يخليه لك ويلحقك بره ..
رح للصباخ خل الهندي يحصدلك وانت واقف .. |
الله يصبر اميمك يابعدي عاد كلش الا الكراث
|
فاقد اماله تصدق يمكنه علشان تسذا :d 7 7 الــمــفــتــرس آآمين ويعينك يارب وان شاء الله نبي نلقى ازين منه 7 7 توهان اقتباس:
7 7 محمد الشقيران أغدينا انجربه وتسلم يابعدي : 12 7 7 كلمنتان صدقت والله وقراراتهم كلها عشوائية 7 7 مشكوورين يابعدي على تسييركم والسلام : 12 |
| الساعة الآن +4: 06:28 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.