|
تبون تشفون المهزله تعالو وشوفو اااه
السلام عليكم : 12 تبون اقولكم وش صار معاي بمطار القصيم يلا تعالوااقرأوا القصه :re عشنا يوم عصيب يوم عرفه في مطار القصيم (بريده)حيث قدمنا في تمام الساعه 3.30 لإدراك رحلتنا المتوجهه الى الدمام والتى كان موعد اقلاعها الساعه 4.15 عصرا , ونحن في صالة الانتظار إذ نفاجأ بسماع الإعلان التالي (نعتذر لكم عن تأخير الرحله المتوجهه الى الدمام وسوف نوافيكم بتحديد موعدها في الساعه 5.30 ) واضطررنا ساعتها للانتظار لحين تحديد الموعد وعندما حان الموعد المحدد سمعنا صوت الاعلان الثاني وتفائلنا لعله حان موعد الاقلاع وتأهبنا للاستعداد واذ يعتذروا للمره الثانيه عن سبب التأخير حيث افادوا ان السستم فيه عطل بسبب ماإجتاح مدينة جده يوم الترويه(اليوم الثامن من ذى الحجه ) من امطار غزيره جدا يعني (عندهم علم مسبق بالعطل من يوم الترويه )وانه علينا الانتظار لحين الفرج , ولا يخفى عليكم انه في ذاك اليوم قد يكون هناك صائمين ليحضوا بفضل واجر يوم عرفه وانا واحده من الصائمات ولم نضيف ولا بشق تمره او كوب قهوه وعندما حان اذان المغرب ساعتها اخذت اتجول في صالة الانتظار يمنة ويسره باحثه عن تمره وكوب قهوه وسألت غرفة التفتيش الخاصه بالنساء للأفطار واخذت حاجتي منهن مشكورات , وفي تمام الساعه 7 تما الاعلان للمره الثالثه وعتذارهم عن تأخير الرحله الخارج عن ارادتهم وانهم في انتظار الرحله القادمه من الدمام الى القصيم وحين وصولها سيتم نقلنا عليها واااااااااااااااااااااااااااه مااطولك ياليل وحتى الساعه 8 مساء لم نضيف اييييييييي شي ومع طول الانتظار ولملل اصاب بعض الحاضرين حاله من الهاستيريا فعندا سماع صوت طائره قادمه للمطار اخذوا بالتصفيق من الفرحه ضنا انه حان الفرج :dواخذوا يتوجهون للبوابه واذ بالحارس يهدئهم ويؤكد لهم ان هذه الطائره ليست التى ستقلهم وحينها اصابهم حاله من الاحباط :oo واذ نسمع حينها صوت الاعلان للمره الرابعه - والله يعيننا - ويبشروننا ان الرحله القادمه من الدمام اقلعت وحان الفرج وياسعدنا وعليكم الانتظار لحين الساعه 10 ليلا حيث تحدد اخيييييرا موعد الاقلاع وقالوا انه علينا التوجه الى البوفيه لضيافتكم لاستلام وجبة العشاء واخيييييييرا حسو انه فيه اوادم وقالوا ضيافتكم علينا وهي اصلا على حسابنا وعند التوجه الى البوفيه اللي اسمه اكبر من حجمه قالوا لا يتم استلام الوجبه الا بتذاكر السفر ...!!!! وتدرون وش الوجبه ساندوشة جبن اوبيض اختاري وحده منهن قلت لهم واللي مايرغب بالبيض ولا الجبن ماتضيفونه غيره قال البائع اذن اشتري اللي ترغبين !! وقالوا ضيافه ....!! وتم الصعود الى الطائره :41 في تمام الساعه 10 ليلا وتم الاقلاع الساع 10.30 وضيفنا فقط عصير وقالو اللي بالمطار ضيافتكم علينا ..!! وهي على حسااااابنا وليته تسوى ... وش رايكم يا جماعه تكفوووووون ابي ردووودكم يا هوووووووووه :oo |
تهون عند رحلات الجنوب المئساويه
طيراننا فاشل ولن يتطور لان الفكر عندنا ناقص والعقل المدبر يدور المصالح والمعارف.. ! |
هذه عوايدهم والمشكله حتى كلمة أسف مايقولونها لو التأخير صار بطيران الامارات أو الطيران القطري كان شفتي أنواع الترفيه ويحجزون لكل المسافرين بفندق ع حسابهم لين يصلحون العطل أو تجي طياره بديله ..! لكن عندنا الظاهر مايبون يتعبونكم تضربون مشوار للفندق فقالوا يرتاحون ع الكراسي ..! للأسف أن حتى الطيران السيرلانكي صار يفوقنا بمراااحل شكرا |
تكبيرين وتنسين
|
اقتباس:
يسلموووووو |
اقتباس:
صـح لساااانك يسلمو ع المرور دمت بود |
اقتباس:
احييييييك ع التعليق |
فعلآ أن شر البلية مايضحك ! ضحكت لمهزلة الخطوط السعودية والتى تشهدها كافة مطاراتها ورحلاتها وحقيقة مطار القصيم صغير ويحتاج الى تطوير بدء من مدخله الرئيسي مرورآ باأستقبالة ونهايتة باارضية المطار
تعامل غيرحضاري للظروف أحكام ولكن أين البدائل والحلول ومشكلتنا تترسخ في عقول بعض من يعمل في الخطوط السعودية ’ هناك موعد ضروري ومريض ومسافر يحتاج الدقيقة وأعمال تتأخر من المسئول هل الأعتذار كافيى وهل الوقت المستهلك له مقابل لو تاخرت عن الرحلة دقائق !! ماذ سيعمل لك خطوطنا كثيرة متاقطعة هلامية ضبابية الشكل وهنا مشكلة الأحتكار ليس هناك خيار !! ندور في فلك التخلف للأسف في شتى أمورنا والسبب معروف وأزلي هو سوء التخطيط وضعف التفكير وندرة التطوير وعدم أعتراف أن هناك مشكلة أعدت الخطوط السعودية أدارة ضخمة للعلاقات العامة وهدفها هو تفنيد وتبرير تاخر الرحلات وسوء الخدمة بمبرارت نحفظها عن ظهر قلب ( سوء الأحوال الجوية , خطأ فني في محركات الطائرة جرى التعامل معه بسرعة ,0000) لاأزيد على ذلك كثير ان خطوطنا تحتاج الى ممحاة جديدة وقلم جديد وصفحة بيضاء وقاعة فاخرة ومحاضر بارع وجدول يفي باالغرض,,,, نظل نبكي ونكتب ونصارع ويرتفع الصوت ولكن هل من مجيب هل من رجل رشيد يضع لخطوطنا مسارآ يكفل لنا الوصول لنهاية رحلة سعيدة نقبل أبنائنأ ونجدهم في استقبالنا في وقت تم التنسيق فيه لااعتقد ذلك نأمت أبنتي مرات عديدة وهي تنظرني ان احضر لها في وقت تم الأتفاق عليه كم انتي خطوط منفصلة في أثير كبير وفي رقابة معدومة !! |
. . لابعد هذا مطار بريدة فرحين به الشعب ويقلون راح يكون أقليمي هههههههههههههههههه شر البلية مايضحك .. |
والله قصة حزينة الله يكون بعونك لية مامسكتوها خط ؟ كلها 7 ساعات وانتم واصلين بالسلامة مع طريق دقلة الثمامة بدل ماتدخلو بمعمعة الرياض وزحمتة |
شرا خارج
|
أختي الكريمة كثيرة اخطاء مواعيد الرحلات لدينا السبب لأنه لايوجد لهم منافس في تقديم هذه الخدمه لسان حالهم : اعجبك وضعنا اركب معنا وإلا بكيفيك وأكيد كل مضطر بيسافر معهم رغم عنه لانه لايوجد بديل لهم !! واذا اشتكيت لن تاخذ حقك إطلاقاً لكن حسبي الله عليهم |
والطيارة تقل توبيس له جنحان على قولتهم ......
والله مشكلة هالخطوط عندنا الله يفرجه بس |
الله يكون بعون الجميع
|
| الساعة الآن +4: 06:26 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.