|
سرقة لحم الضحايا عيني عينك
لاحظت ومن عدة سنوات كل واحد شاقل يد والا رجل والا جنب ويعطيه قريبه وقريبه يعطيه مثله وهكذا تدور الحلقه واذا قريبه ماجاب له يمكن يسقط اسمه في لحم العيد القادم وكذلك الحال مع الجار اذا ماعطاه ينتقل الجنب الى الجار الاخر السؤال الكبير وين الفقير عن زحمة هاللحم؟؟؟؟؟؟!!!!!! يمكن لان الفقير ماراح يرجع لك يد او جنب بدل الي عطيته اقول يمكن ماني متاكد ترا :d<<<مجهز سنونه للعرمشه اخواني اعتقد الفقير ضاع في وسط هذه الزحمه يمكن يطق عليك عامل تعتقد انه فقير ويقول لحم وتعطيه واذا عطيته تعطيه من لحم الوصايا وطبعا بما اننا قصمان فنصنا ان لم يكن كلنا جده والا جدته موصيه بضحيه لبوها ولكن السؤال الكبير الي تبي تستغرب منه ليه تعطي هذا العامل الي طق بابك؟؟ يأن مخك مقفل او ارفل وماتبي تبحث عن فقير اذا هوتاجر موسم ويتعامل معه مثل تعامله مع اي موسم اخر موسم التمر موسم الجح موسم الفطره موسم الشحاذه في رمضان وغيره ليه ماتعطيه احد ثقه يعرف فقراء او تبحث عن الفقير بنفسك وياليت يكون عائله سعوديه عائله طول السنه تعيش على الدجاج وماتشوف اللحم الا بمثل هذا الموسم سوا من فقر او بخل فالبخيل يعتبر اولاده فقراء ان لم يكونو اكثر حاجة من الفقير لان ظاهرهم الغنى ولكن ابوهم ببخله فقرهم نجي الان للحم:116:<<السنون بعد العرمشه هل فيكم واحد تذكر بحياته انه عمره اعطى فقير كبده ياليت ياخوان مستقبلا بعد تنظيف الكرشه والمصران ولفهن على الكرشه وتقطيع اللحم وتكيسهم وكانك تبي تحطهم بثلاجتك ومن ثم تاخذ منهم كم كيس بما يعادل ثلث الذبيحه (يعني ثلث الاكياس وتراني مافتيك بس اوضح طريقة حسابي )وتوزعهن على فقراء سعوديين او حتى غير المهم تبحث لك عن عوائل وتترك العمال لغيرك يبحث عنهم ياليت نحاول نرتقي الى مرتبة الاحسان وهيا: ان نعبد الله ونتصدق له وكاننا نراه فأن لم نكن نراه فانه يرانا متى ماوصلنا الى هذه الدرجةصدقوني راح نحتفظ باللحم الشين ونوزع ازين اللحم حينها ستخجل من الله ولن تعطي عبده الا اطيب اللحم ومن ماتحب وليس الرقبه والراس شكرا |
اشكرك على الطرح الجيد >>>>>>>>>>>ولكن اهلنا مازال فيهم خير وترابط فيما بينهم >>>
|
تشوف انت
|
الفقراء هم اول من يعطوون لحم تلقى بيت واحد له 3 ضحايا وشولة نصه توزع للاقارب والجيران ونصة للفقراء |
الله يبارك فيك ويطرح بك البركه
|
يعطيك العافيه
|
جزاك الله خير
يعني اقاربك وجيرانك مو محتاجين مو لازم تعطيهم والله الاجر ففي الفقير المحتاج اكبر وافضل وكل ماذكرت صحيح وهو المتعاهد عليه عندنا ولكن الله يهدي الجميع ويصلح الاحوال تحياتي و ر د |
الله يجزاك خير
إييه والله الفقير أحق |
الله يجزاك خير
|
يعطيك العافيه
|
،،، كل عام وانتم بخير ،،، |
طال عمرك اسمه هدي يعني تقسم الى ثلاثه ثلث تهدية وثلث تتصدق به وثلث تأكله ليس بالضروري انك تتصدق بالذبيحة كامله
|
مشكور اخوي على هذا الموضوع الممتاز والذي جاءفي وقته المناسب
فعلا ًلابد من البحث عن الفقير المتعفف فهواحق مع العلم ان الأقربون اولى بالمعروف من الأهل والجيران غير اني اعتب عليك حين تقول لاتعطي العامل الذي جاء يطرق بابك ويطلب منك كيف نرده والله لأن نعطيه خير لنا من ان نمسك فهومسلم ومستحق والنعمة بفضل الله كثيرة ومشاركة مثل هؤء الفرحة وإعطائهم فضل عظيم اوما سمعت ان سيدنا على بن ابي طالب رضي الله عنه صام ثلاثة ايام متتابعة وجاءه بعض الطعام من بيت النبي صلى الله عليه وسلم وجاءه سائل فأعطاه اي كرم واي نفس واي إيثا ر اكثر من هذا اما عتابي الثاني وهوالأشد كيف تفرق بين المسلمين بقولك ( وياليت يكون عائله سعوديه)هل بقية الأسر المقيمة بيننا لايستحقون. ياخي دعونا نبتعد عن هذه العنصرية البغيضة ونعمل بمبداء الوحده والترابط بين المسلمين بغض النظر عن الجنس واللون هم إخواننا وسندنا وقيمتنا ومكانتنا وعزتنا لن تكون إلا بوحدتنا ورص صفوفنا كأمة واحدة (كما قال المصطفى صلى الله عليه وسلم(مثل المؤمنين في توادهم وتراحمهم وتعاطفهم كمثل الجسد الواحد إذا اشتكى منه عضو تداعى له سائر الجسد بالسهر والحمى)اوكما قال صلى الله عليه وسلم وما احوجنا لذالك في هذه الظروف اتمنى للك التوفيق والسداد وكل عام وانت بخير وعافية وتقبل تحياتي وللجميع عساكم من عواده |
مشكوور اخوي على الموضوع
|
| الساعة الآن +4: 06:26 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.