|
قذارة مطعم سنيز
السلام عليكم ورحمة الله وبركاته ,, في مساء يوم الخميس ذهبت بالأهل إلى مطعم سنيز وانظروا ماذا وجدت للأسف هذا يعتبر من أفضل مطاعم المنطقة المشكلة أني اتناقش مع مدير المطعم وأخذ مني الصحن وذهب وتركني وانا اتكلم << على باله هج وذهبت للمحاسب قلت وين صاحب المطعم قال مسافر قلت مافي مدير قال المدير نزل وبعدين قال هذا قشر مو شي لاتكبر المووضوع وعطاني قيمة المقبلات ولسان حاله يقول خذ واسكت لاتشغلنا بكثرة البربرة قلت له ماهمني قيمة العشاء لكن ليش هذه الوساخة والقذارة وانا من زبائن هذا المطعم قال أجل انت ماترضى لنا بالسمعة السيئة وأكيد بتخاف علينا لأنك زبون علشان كذا ماراح تقول شي قلت بالطبع سأقول لأنك أنت بالمقابل ماخفت وحافظت على زبائنك ؟؟ ليش تبيني أسكت وانا ماهميتك ؟ وش رايكم ياجماعة؟ ترددت كثير قبل لا أنزل الموضوع بس ليش حنا نسكت دائماً عن الخطأ وبكذا يتمردون أكثر ومصائبهم تكثر .. |
اول شي الصوره كبر قريح المفروض تصغره قبل ثانين هذا تسنه زيتون ان تسان انا منب واهم
|
سيدي الكريم .. لو تريّثت قليلاً في طرح الموضوع , والتحري عن مالك المطعم , وتجنب التشهير بهذهـ الطريقة, ونلجأ إلى تلك الطرق في حالة أننا وجدنا كل الطرق مغلقةٌ للحلول , وأحب أن أشير إلي أنه هناك مطاعم عالمية , وتملك طاقماً لا يعلى عليه من إجادة طهي الطعام والنظافة , وتحدث معهم بعض الأخطاء خارجةً عن إرادتهم , فتخيل معي عزيزي أنك صاحب المطعم , والعاملين على درجةً كبيرة من النظافة وكذلك الطعام والتنظيف , فهل تستطيع منع دخول أي حشرةٍ مهما كانت في صغرها , وتختبيء في أماكن لا يمكن التنبؤ بها , ولكن علينا فقط الجهد في النظافة والإنتباهـ , وما تعدى ذلك فهو ليس بأيديهم . والله أعلم .
|
اقتباس:
تطلب الرأي من الجماعة وانا من الجماعة : 12 احسن شئ سويته انك وضعت الصورة بالمنتدى والمفروض بعد انك اتجهت للبلدية عشان تغرمهم ويتأدبون ذكرتني بمطعم داجن يوم يطلع لي ذباب بالرز رحت للفلبين او الاندونيسي وقالي مأليش مدير هذا نفر مافي شوف يعني لو هو شايفه كان طلع الذباب قبل ما يجيبه لي وياكثر الي اكلوا وجبات منزوعة الذبان :41 ومن هول الصدمة سلمته الصحن بدون ما اصور:42 الحمد لله شكلنا شعب لأنتأثر بأكل الحشرات في الاطعمه وكله حماية من الله و الا لكن ثلاثة ارباع الشعب السعودي بالمستشفيات والربع الباقي فقير لا يأكل بالمطاعم لذلك سلم اسف ع الاطالة والخروج |
تسني أشوفك تصور عشان تحط موضوع!
|
يازين بس طبخ الوالده وطبخي << ايه هين
|
اقتباس:
ــــ عمومآ الأخطاء وارده ,, والصيد بالماء العكر على أفى من يشيل :f: |
الله يهديك......وش دعوى.....ماتسوى عليهم..
|
اولا:الصورة كبيرة صغرها
ثانيا:احولت عيوني وش انت لاقي ما اشوف شي.؟؟ ثالثا:سؤال خطر ببالي؟؟كملتوا عشاكم والا طلعتوا؟؟خخخخ..لاني اعتقد لو شهرنا ولقينا خطا راح نرجع مالنا غناة عنهم.. |
طيب وش الغريب في الموضوع الصوره مفيها شي
|
.؟ وش السالفه
شكله زيتونه .. |
اقتباس:
فعلاً والرجال أعطاك ماتريد وقال اطلب ماتريد .. يعني الخطأ خارج الإرادهـ لو أشتكيتهم بالبلدية اولاً سترى قبول ولو ماحصلت ماتريد اطرح الموضوع على العموم شكراً لك لحصرك .. ولكن يبقى سينيز بالمقدمة ورمز النظافه شكراً لكم |
اقتباس:
يا عبد العزيز لو هي زيتونه كان ماجاء مدير المطعم وعطاني فلوس كتعويض عن الحشرة اللي شافها هو بنفسه !! |
اقتباس:
مع احترامي الشديد لرأيك حنا ماخرب علينا الا مثل هالكلام ولهذا السبب تمادوا علينا أصحاب المطاعم بأنواع القاذورات !! |
| الساعة الآن +4: 09:06 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.