|
مشكلة صديقي: أمه لازم تسافر مع زوجته وش الحل .. أراؤكم ..
السلام عليكم ..
اتصل علي صديقي قبل شوي يشكو حاله .. يقول : أنا ماقصرت مع أمي وبار فيها , لكن إذا أردت أسافر بزوجتي ألي متزوجها قبل سنة تقريبا قالت أمي أبروح معكم .. وراحت أمي معنا لكن زوجتي تتضايق ودها تروح وحدها تاخذ راحتها ,, وش الحل وأنا ماودي أرد أمي ولا ودي أرد زوجتي علما أن أمي كانت تتضايق من سفر جدتي أم أبوي .. آآآآآرجوكم وش الحل وللمعلومية أمي حساسة مررررررررررة يعني تزعل لو أقول أو أنا أناقشها .وشكرا لمن يساعدني . |
والله صراحه أنت بين نااااارين
صعب الأختياروالله وامك له حقوق وكذلك زوجك له حقوق ما أقول إلا الله يعينك |
انا قول لا تسافر سنة احسن
وبعدين وش عليك من زوجتك بستين داهية هذي امك لو تقولك حب ارجوله تحبه اهم شي اممممممممك |
يابن الحلال اهم شي امك والزوجه بدالها زوجه
|
؛؛
يا اما ياخذهن كلهن او يروح بوحده واذا رجع يروح بالثانيه يعني صارله مرتين :d الله يعينـــه.. ـــــــــــــــــــــــــــــــــــــــــــــــــ |
اقتباس:
|
اقتباس:
مو منطق كذا حرااام والله . |
اقتباس:
والله معاناة كذا .لكن ما أقول إلا : يازين العزووووبية بس |
ههههههههههههههه والله البلشه، لكن إن شاء الله يفيدونك أهل التجربة من المعرسين :d.
|
بالإمكان السفر بالأم لوحدها ، وبإمكانه إذا أراد السفر بزوجته أن يخبر أمـّـه بأنه سيـُـسافر مع أصدقائه وأن زوجته ستذهب أيام سفره لأهلها ، وبعد قـُـبلة رأس منك ومنها لوالدتك لا يردّك إلا السريع والوناسة ويا دار ما دخلك شرّ . |
اقتباس:
طيب لو طاحت به أمه؟ وش السوات؟ :d |
اقتباس:
|
اقتباس:
|
والله يابعض الردود تدل على عالم حاقدة الله يكفينا شركم:confused:
الحين المرة اشتكت علشان تهدون عليها!! مااشتكت وحتى لو اشتكت حقه:eek: واسهل ماعليكم ان المرة بدالة مرة!! ماقلنا شي الأم على العين وعلى الراس وحقة محفوظ لكن هذا مايعني ان الزوجة ينهظم حقة وبالطقاق! بعد مثل ماللزوج حقوق تحترمها الزوجة وتقدرها بعد للزوجة حقوق على الزوج واجب عليه احترامها وتقديرها! المهم يااخي واضح ان الوالدة الله يحفظها تغار من زوجتك فإنت ياأخي خلك حكيم وبدد غيرة امك بدون ماتهضم حق زوجتك او العكس حاول ترضي الطرفين باللي تشوفه مناسب! اما مسألة سفركم سوى (امك وزوجتك) اشوفها مالأمها داعي وبلاها من اصله احسن:bad اذا كان مالأمك ابناء غيرك فمالك الا انك تسفر امك بالأول بعدين تتفرغ لزوجتك بالسفرة اذا رجعت! واللبيب بالإشارة يفهم فيه مئة طريقة وحل بس شغل حكمتك وعقلك وترك عنك الحاقدين اللي همهم التفريق بين المرء وزوجة حتى لو برروا غير ذلك! والله يوفقك يااخوي وتلاقي الحل المرضي للطرفين |
| الساعة الآن +4: 11:16 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.