| ماغيري |
19-02-2010 03:03 PM |
فشيله
فشيله
والله البلشة والفشيلة الي ما بعدها فشيله
هذه قصة حقيقية
هذا واحد معروف ومن اكبر تجار المملكة عنده اسهم تاسيس في عدد من الشركات ويملك عقارات ما تحصى ما شاء الله،،،، كان في زيارة عمل في طوكيو وساكن في افخم الفنادق ومن احدثها الي فيها من التقنية الشي الكثير والكثير....
المهم نزل من السويت حقه رايح للمسبح حق الفندق وهو يسبح في المسبح حق الفندق قام على عادته وعلى سجيته و.......تبول اكرمك الله في المسبح من مبدأ السماحة ولاهوب احد داري عني والماء واجد.. وبعضه يعقم بعضه.. متعود الرجال في طفولته البريئة على البرك حقت المزارع الي البلاك ستون تعقم فيها الي ما يتعقم،،، المهم من اول ما شخ اخونا في الله وبدأ بعدها يتغير لون الماء المحيط بالبول حقه الى اللون الاحمر..!! وقعدت الصفارات في الفندق ترن..!! وجت الادارة مع الكثير من الناس.. ومثبتينه بالكاميرا..!!!! عمموا عليه وعطوه لفت نظر وطردوه من الفندق ....يـــــــــــــــــــاه والله الفشيلة..!!!
المسكين طلع يرقعها وقال ابسكن في فندق ثاني والحمد لله الامور سهله وما صار الا الخير وراح يدور سكن ما لقى كلهم يطردونه جوازه معمم على كل الفنادق ال5وال4وال3نجوم ما يسكنونه فيها لانه يعتبر مشكله ووباء عندهم،يقول توهقت ودي اروح للملحقية يفزعون لي بس مستحي واخاف يكون عندهم خبر...!!!
يقول الحمد لله سكنت في فندق نجمتين حتى لقيت عندهم خبر عن موضوعي بس يقولون بنسكنك لان ما فيه مسبح اصلاً في الفندق لكن وقعوني على كم ورقة
|
