|
مساعدة الرجل لأهل بيته هل يعد عيبا
موضوعنا هو موضوع مساعدة الرجل لاهل بيته سواء كانت زوجته امه ,,اخته فالرجل الان اصبح يعتمد على اهل بيته في كل حاجه بالرغم ان اغلب النساء الان يخرجن للعمل للمساعده فى المعيشه ولوطلبنا منه المساعده قال انا رجل ليه الرجل عيب يساعد اهل بيته ,, ولا نقص؟؟ ايش فيها لو يوم قلت لزوجتك او امك انا بأطبخ عنك الغداء اليوم صدقني راااح تكبر بعينها اكثر^_^ ويكفينا مثال سيد الخلق الرسول صلى الله عليه وسلم في التعاون مع زوجاتة هل مساعدة الرجل لزوجتة او اهل بيته بشؤون البيت يعد نقصا أو عيبا ؟؟؟؟؟؟؟؟ وهل بمجرد مساعدة الرجل لزوجتة سوف يفقد جزئا من رجولتة ؟؟؟؟؟؟؟؟ أم هل للعادات والتقاليد سبب في ذلك ؟؟؟؟؟؟؟؟؟ * اعرف ان البعض منكم يقول عندنا شغاله تقوم بهذا العمل ولكن سؤالي عوضا عن الشغالة هل مساعده الرجل لأاهل بيته عيب ونقصا برجولته؟؟؟؟؟ انا عن راى الشخصى والله مو عيب المشاركه والتعاون مع العائلة بالعكس الا نربي اطفالنا حتى على التعاون والمحبه وهذا شي كثير حلو بالعائله اتمنى تفاعلكم وابداء ارائكم !௮ஹண۩₪™¼الخاشعه¼™₪۩ணஹ௮ |
رائع ياخاشعة تساؤل وموضوع جميل:f:
فالآن ارى ان الزوجة اصبحت تتعب اضعاف تعب الرجل تعمل موظفة مثله تماما ولكن في نفس الوقت عليها تحمل اعمال المنزل بعد عودتها من طبخ وتنظيف ورعاية ابناء وربما حامل كذلك وفوق كل ذلك تطالب بأن تكون خير زوجة ومتفرغة تماما له:eek5 المسكينة من وين بتجيب كل هالنشاط؟!! والله ان هالحريم يستحقن جائزة نوبل على هالصبر والكفاح والشيخ متكي وماد رجليه قدام التلفزيون ويتطلب:i121 بس والله ان النساء بطلات ومكافحات بصراحة بس من يقدر!! وعلشان مانكون مجحفين بحق الرجل حرام فيه نماذج تقدر وتشرف مع العلم ان الزوج المعين والمساند لزوجته رجل تحترمه المرأه وتقدرة فهو يستحق كل الشكر والأحترام والتقدير(f) |
السلام عليكم لا ليس بعيب ان يقوم الرجل بمهم داخل بيته لان الرسول صلى الله عليه وسلم يقول ( خيركم خيركم لااهله وانا خيركم لااهلي) فرسول صلى الله عليه وسلم لم يحدد نوع الخيريه في الاهل . ومن قال ان العمل في البيت من طبخ غسل تسفيط اثيب كنس غرفه عليه ان يقرا عن سيرة الرسول صلى الله عليه وسلم وكيف كانعيشه داخل بيته فقد كان الرسول صلى الله عليه وسلم إذا دخل البيت، فإنما هو في حاجة أهله، وكان يرقع ثوبه ويخصف نعله. دمتم بحفظ الله ورعايته اخوكم / ابو ريمـ زرزور ـــاس |
الخاشعة .. موضوع في الصميم .. بالنسبة لي .. ماارى فيها شي .. الزوج والزوجة .. يكملون بعضهم البعض .. اجمل مابالحياة الزوجية ( التعاون ) .. لأن التعاون هو نتاج التآلف والمودة .. بعض الازواج .. تلقاه بإستراحة اخويه تقول شغالة .. هو اللي يطبخ وهو اللي يكنس وينظف وهو اللي يقشقش القراطيس .. ويمكن حتى يغسل هدومهم .. صايرن بهالاستراحة كأنه امهم .. واذا دخل البيت حتى كآس الموية .. يبي الزوجة تجيبه له .. هيه انتي .. عطين كاس موية ميتن عطش .. واللي يقهر انه ( يمر ) من جنب البرادة .. وياكل ويشرب .. ويقوم ويترك كل شي تحته ماتقول الا ( معوق ) .. مشكلة البعض .. انه يعتبرها ( عيب ) .. وان هذا من نقص الرجولة .. والمشكلة الأكبر .. اذا كان مستسقي هالمعلومة ومتعبي راسه من اللي حوليه .. ياشباب .. اتركوا عنكم كلام اللي حولكم .. ولاتخلونهم يسيرون حياتكم على كيفهم .. ليه يسمونه شريكة حياتك .. لأنه هي اللي تبي تبقى معك طول العمر .. بالسراء والضراء .. بالحلوة والمرة .. بشدتك ومرضك .. هي اللي تبي توقف معك .. حتى لو وقف معك اقرب قريب لك .. وقوفه مجرد عاطفة لأيام معدودة .. بعدين يبي يروح لأهله وعياله .. ماأحد فاضي لأحد .. لاأحد يستهين بمكانة الزوجة ويخليه هي آخر من يفكر فيه او يفكر في مساعدته وخدمته .. تبقى الأم في المقام الأول .. وتبقى الزوجة في المقام الثاني والأخير .. والله الله بالحياة الزوجية .. وشكراً للخاشعة .. سي يو .. |
صلو على النبي
السلام عليكم ..
من خمس سنوات وطالع اعتقد تغير الحال وبنسبه كبيرة ... فلتغت نظريه انا رجل وما اساعد اهل بيتي .. بس بعضهم يمكن عند اخوياه يسوي نفسه اسد .. وهو عكس ذالك .. بس الواقع غير .. لأنه مافيش حساب بين الأحباب .. اذا كانو يحبون بعض كل شي يهوون .. إلا غسل الصحون <<<<< مجرب اذا كان فيه حب متفاهمين ما عليك شرط تلاقينه يغسل الملابس بعد جزاك الله خير |
موضوع جدا رائع
لا يس عيبا أن تساعد زوجتك في البيت لو كان عيبا لما فعله حبيبنا وقدوتنا محمد صلى الله عليه وسلم زوجتك من لها غيرك ومن غيرها لك لا وألف لا لن يكون قدوتنا فلان من الناس مهما كان أقرب قريب او أبعد بعيد أخي أبو إبراهيم لقد أوفيت وكفيت فالله درك وجعل ذلك في ميزان حسناتك |
ليس عيبا على الإطلاق . .
بل ألذ شيء . . لما تشارك زوجتك في . . بعض الأعمال . . عني أنا . . أحيانا . . أضبط الغداء . . نغسل الحوش مثلا . . لو مو دايم . . فقط . . إن الزوجة تحس إنك مقدر جهدها . . و تعبها . . طبخ و نفخ . . و عيال . . و تنظيف . . و غسيل . . و بدون شغالة . . أتحدى حريم أول . . تسوي زي بعض حريم اليوم . . بالأمس . . كانت الزوجة . . أطلق شيء تسويه . . مطازيز . . و مرقوق . . و باليوم وجبة وحدة . . و بالعرجد مدري وش اسمه . . تنظف الحوش المغبر . . لكن تعالوا للزوجة الآن . . لو نعد وش تسوي باليوم . . شيء مهول . . أعمال . . لا تقارن بنساء الأمس . . عمل يوم واحد عند زوجة اليوم . . يعدل أسبوعا عند زوجة الأمس . . فأهمس بأذن كل رجل ( الرجل الحقيقي ) . . لا رجل الاستراحات . . أن يساند زوجته . . ماديا و معنويا . . فذلك مما يديم المحبة في البيوت . . - - - - - http://www6.0zz0.com/2010/03/19/13/271610705.jpg آخر غدوة سويتها في بيتي :) |
الله يجزاكم خير على التفاعل نعم نعم الازواج انتم من حق زوجاتكم تفتخر بكم !ணೋ Ѿ҉ਿـ‗φ الخاشعه φ‗ـੀ҉Ѿ ೋண |
الخاشعة أحس إنك تسوين بحث عن الأمور التكتيكية بين الأزواج هذا جميل وأتمنى أن تخرجي بمادة دسمة .
ليس عيبا بل يزيدني شرفا ورجولة حينما أساعد زوجتي في أعمال البيت كالكنس والطبخ والغسل . حتى لو كانت غير موظفة . المشكلة مهب بتسذا . بعض الزوجات يسقط من عينها زوجها حينما تراه يقوم بغسل ثيابه بنفسه وحينما يمسح الدرج وحينما يغسل الصحون ويرتب دولابه ( يعني شبه عزوبي ) وحينما يأتي من دوامه متعبا فيراها بسابع نومه ثم يسكت . عجبني مقال كتبته كاتبة عربية عن الزوجات السعوديات ربما أضعه في يوم ما . سلام |
اقتباس:
انا من ناحيتي عادي بعض الايام انا اصلح الغدا والفطور اضبط ذاك الفول والشكشوكا بس بعض الايام اتأمر ولا احب اشتغل عاد بعض الناس يفهم غلط تره واذا انت رجال غير جو البيت شوي اطبخ تحرك |
ليس بعيب مساعدة الرجل لزوجته في شؤن المنزل
ولايعد نقصان لرجولته أطلاقاً بل أستزاده للمحبه في قول الله تعالى (( وجعلنا بينكم مودة ورحمة )) كلي شكر لك تحياتي المعطرة بالورد.. |
اقتباس:
كلامك سليم ..... جزاك الله خيرا |
لا اعتقد انه عيب في ذلك وخصوصا اننا في زمن فيه تقارب وتشابه في طرق المعيشة بتبادل الادوار احيانا قبل الزواج وبعده انا والحمد لله لا ارتاح الا في المطبخ اطبخ و اغسل و ارتب .. ليس مدح في نفسي وانما مشاركة بالموضوع الخاشعة اقتباس:
اقتباس:
وان لا يطالبها بتركه بعد الزواج . وارى ان من يريد الدح عليه ان لا يقول اح يعني هي مرتاحة بهذا العمل والتعب فلم تغصب عليه حتى تذكرانه كفضل ومجهود ajmn اقتباس:
كانت الزوجة هي من يعمل والزوج جالس في بيته لأنه في ذلك الزمن كان لا يوجد اعمال الا اعمال تناسب المرأة فكانت الزوجة تخرج مع طلوع الشمس ولا ترجع الا فترة الغداء والراحة ثم تخرج قبل صلاة العصر ولا ترجع الا مع مغيب الشمس هل تتوقع انه يوجد نساء في زمننا هذا تفعل هكذا ؟؟ ولو وجدت لوجدت انها قد طُلقت اكثر من 70 مرة لأن المرأة الآن صاحبة منه |
^^^ من قال ان رجال اول جالسين ببيوتهم لو تشتغل بيدك ورجلك ماشتغلت نصف شغلهم يكرفون كرف (مايجدعهم الا الليل) على قولة جدتي نرجع للموضوع .. والله لاعيب ولاشي لكن الحقيقة ان الرجال السعوديين مايساعدون حريمهم وهذا راجع لتربيتنا الغلط حنا ربينا الولد انه يصير فوضوي حتى اغراضه مايرتبها بالمناسبة اعرف وحده سورية متزوجه سعودي اشغلتنا عند السوريين وانهم حنينين ويساعدون زوجاتهم بالبيت ...مهب مثل السعوديين ودايم تشتكى من زوجها وانه مايساعدها وانه مهب مثل ابوها انا قلتلها ليش طيب ماتزوجتي سوري لاصاروا السعوديين ماينفعون ...سؤال بجيح ..صح طبعا انا قلتلها صحيح الرجل السعودي مايشتغل بالبيت لأنه مو من عاداتنا لكنه يجيب لزوجته شغالة تخدمها .... لكن هذا مايمنع انه يساعدها لأنه مهب الكل عندهم شغالات ... ,, تقبلي مروري,,, |
| الساعة الآن +4: 10:50 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.