|
فــــــــــزعــة ولـــــكــن ...
السلام عليكم ورحمة الله وبركاتة الموضوع بإختصار.. 30/5/1431هـ .. يوم الجمعة قبل أذان الفجر بـثلث ساعة تقريبا كنت مع واحد من أوخوياي ندور على سيارتة ويوم وصلنا لمخطط الجامعة (الصناعية الجديدة) جنوب بريدة .. فجأة لقينا حادث إنقلاب سيارة طازج باقي الركاب داخل السيارة على طول وقفنا عندهم وساعدناهم على الخروج من السيارة والسيارة ما زالت واقفة على الجنب الأيمن, المهم تأكدنا من سلامة الركاب ولله الحمد كلهم سليمين , قمنا مع مجموعة من الشباب جزاهم الله خير وعدلنا السيارة وقال راعي السيارة نبغا نطلع السيارة من الرمل لأنها طلعت عن مسارها وتقلبت في الرمل , على طول جاء خويي وطلع الواير وريوس بالموتر وشبكنا الواير بسيارتهم وطلعنا السيارة على الشارع , يوم جينا بنمشي قالو نبغى منكم خدمة قلنا وش قالوا نبغاكم تسحبون السيارة وتحطونها عند أقرب إثل وحنا نبلغ عن السيارة إنها مسروقة ,لأنهم كانو يفحطون بالسيارة وأنقلبوبها, قلنا خلاص ويوم جينا بنسحبهم قال واحد منهم أنا أعرف أخويا لي عساكر لهم حوش نسحب السيارة للحوش وهم يدبرونا , قلنا تم.. سحبنا السيارة للحوش المذكور ودخلناها في البايكة ,أثنو عينا الشباب وشكرونا : 12, أستأذنا منهم ومشينا نبغى نصلي الفجر ,وحنا رايحين أنا وخويي سألني بهذا السؤال :"يا أبو فلان تهقا حنا مأجورين على الفزعة الي فزعناها للشباب؟ "!!:rolleyes: فكان ردي له بهذا الشكل-من وجهة نظري- (يابو فلان من باب الفزعة والمرجلة ما قصرنا معهم لكن الأجر والثواب ما أتوقع لأنا أعناهم على شيء ما يرضي الله):oo هذا والله أعلم فما أدري وش تقولون على الي صار ... |
بالظبط وش السؤال او الاستفسار؟؟؟؟؟؟؟؟؟؟
|
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخ إي والله ماجورين .. تدري عن السياره هي مسروقه , ولااجار والمسكين راعيه ,, المفروض انكم مبلغين عنه وتأجورون . ياحبيلك بس . |
السياره مسرووقه وتعلم بهذا الشئ وتروح تساعدهم ؟؟؟
اين عقلك هل لديك عقل بالاصل ..؟!!!!!؟؟؟؟؟ |
اصلا كلكم سهرانين
وهذا هو سبب ضياعنا سهر وصياعة الله المستعان اللهم اهدي شباب المسلمين |
اقتباس:
أعتقد أن إجابة تسائلك في هذا السطر .. وهو إخفاء السيارة مع العلم أن السيارة مسروقة .. وأُخذت لغرض دنيئ وهو التفحيط .. أخي الكريم .. أنت أعنتهم على هذا العمل .. ويفترض بك أنك أنت من يقوم بالتبليغ عنهم .. وفي مكان الحادثة .. |
لا ابشر بالاجر وبعدها صلاة الفجر
ربح البيع يا؟؟؟؟؟؟؟ |
مشكورين على الردود
بس يا جماعة السيارة لهم ماهي مسروقة بس هم جابوا الفكرة هذي عشان وش بيقولون للمرور وأهاليهم كنا نفحط !! |
وانت تدري واذا تابوا بعدها الله يكتب لكم الاجر
|
الحكم صعب (( انت مأجور ام لا ))
لكن ترجع و الله أعلم الى نيتكم و ان شاءالله انتم نيتكم خير يعني ابشر بالخير من رب العالمين |
الله أعلم..
|
.
ان شاء الله انكم مأجروين على فزعتكم ياخي ما يميز عيالنا الا الفزعه يانا ادووخ اذا شفت الشباب . يتفازعون . . |
انشاء الله ماجورين
|
السلام عليكم
يا شباب انا خوي كاتب الموضوع وصاير معنا الموضوع بس حبيت ابين موضوع البعض منكم يتسأل عنه الاوهو الشباب سبب مساعدتي لهم انهم الوقت متأخر وانا الانسان لابد ان يخطئ واذا لم افزع انا وغيري من الشباب وين البركه وين المساعدهـ وين طيبت الشباب لازم نبادر لفعل الخير والرسول صلى الله عليه وسلم يقول من ستر على مسلم كربه من كرب الدنيا ستر الله عليه كربه من كرب الاخرهـ والشباب ماسرقوا السيارة بالعقل من يبي يساعد من سرق سيارة لكن كانوا يفحطون وهذا امر محد يغفله منا انا ما ابرر لهم بس هم جابوا موضوع سرقة السيارة على شان ما يقلون لاهاليهم انهم كانوا يفحطون وشكرا تقبل مروري |
| الساعة الآن +4: 09:40 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.