|
بشرى .. أخيراً تم خروج لجنة لحديقة الاسكان
.
بإختصار بلغني من أحد الأحبة أخيراً تم تشكيل لجنة لحديقة الاسكان .. بناءً على الشكاوى المقدمة من أهالي مدينة بريدة القريب والبعيد عن حديقة الاسكان .. ولا يخفى على أحد المشاكل الأخلاقية التي يقع فيها .. حيث تم تشكيل لجنة للوقوف على هذهـ الحديقة في يوم الاربعاء 19 / 6 / 1431هـ وبعد الوقوف عليها .. لم يتوقعوا ما يحصل في هذهـ الحديقة من مخالفات كثيرهـ جداً .. فبعد ذلك هل تفقه أمانة القصيم ممثلة بإدارتها نظراً لكونها هي السبب بما يحصل في هذه الحديقة وغيرهاً .. مع أنها ومع الأسف الشديد تعرف مايحصل في جميع الحدائق من مخالفات وخاصة هذهـ الحديقة .. . |
.. .. .. طيب وش راح تسوي هاللجنة..؟ صراحة وضعها سيء للغاية ..صح مارحت لها لكن اذا مريت من عندها..أكثر الي فيها شباب وشباب مايستحون بعد الله يهديهم .. شكرا لك الحزين (f) تحياتي ..:) .. .. .. |
الله يبشرك بالخير عساهم يزينون شي (f)
على طاري الحديقه امس مريت من عنده والله ياهي فوضى صارت كله شباب مب حقت عوائل كلن يقمز مع جهه الله يهدى المسلمين: 12 |
المفروض تفتح وتترك للشباب ويمنع العوائل من دخولها يالله يالله تفتك من هاالبنات الي مايستحن
والله لو ما هاالبنات الي ماوراهن والي كان ماشفتو هاالاشكال حسبي الله ونعم الوكيل |
الله يبشرك بالخير والله خبر سار ملينا من كثر مانسمع عنها من ها الشباب الله يهديهم وأسأل الله العظيم رب العرش العظيم ان يشفي أبنتك "يالسعيد " ويبعد عنك الحزن اللهم ااااااااااااامين |
اقتباس:
عندكم اللي على هالطرق ووالاستراحات والبران ورا ماتطسون لمهن؟؟؟؟؟؟؟؟؟؟؟؟؟؟؟ |
نرجوا تفصيل اكثر عن اللجنة ومن المسؤول عن اللجنة هذه
|
الله يجزى الهيئة ألف ألف ألف خير والله أمس أنا مريت ا لحديقة الأسكان قلت أبجلس فيها لكن توحشت من أشكال الشباب أنوووواع المغازلات والبنات مستانسات على الشباب وحركاتهم والله هربت منها بسرعة ماجلست ولا ربع ساعة فيها والتفحيط ورافعين على الأغاني إلى آخر حد الله يهديهم بس ولكن الهيئة أمس أتوقع أنهم لقين البلاوي فيها والبنات هم اللي يفتنن الشباب قليلات أدب والله أني أناظرهم وأقول وين الأهل وين مراقبتهم لبناتهم ... بصراحه خلاص ماراااااااح أروح لها أبد
|
اقتباس:
بعد كم سنه لو تمشي بالشارع لحالك امسكوك قالوا الشباب ممنوع يمشون الا معهم عوايل كل السعودية صارت عوايل ...قسم اني زهقت من العيشه ذي اففففففففففف |
لو يفكونناا من الي يجون وخاصتا ابو ددسن وشلتهم . |
الحزين بكلم الانك ولد وين تبي نروح كل شي فوق راس العيال
اخاف يطلع قرار . العيال يجلسون با البيت ما يطلعون ابدآ علشان يخذون راحتهم البنات |
اقتباس:
والله غريب الحين حديقة الاسكان للباب بجنب حقت العوايل اللي تسمى المضمار ذيك ما تكفي كل ما مريت من عنده ما القا احد بس اللي يدورون بالمضمار والبزران اللي يلعبون كوره ما اشوف شباب ابد عندك طيب حديقة المنتزه والله وش حليله لاكن والله انكم ماتبون حدايق بس تدورون المشاكل |
اقتباس:
|
لنتكلم بجديه شوي وواقعيه حنا اول مانشوف المغازل والمشاكل الي الحين نشوفه كل يوم مصيبه اكبر الله يرحمنا برحمته وتعتقدون وش السبب لو تفكرون شوي تجدون هو خروج الحريم من بيوتهم بكثره للاسواق والمنتزهات
وياليته خروج بستر واحترام معليش كان الدنيا بخير بس لا تشوف الوحده اذا طلعت كانه رايحه لعرس من مكياج وعبايه ضيقه وعطر يشمه الواحد من مسافة كيلو وبناطيل جينز وعبايه مفتوحه تشوف جسمه كله وش تبون الشباب يسوون اكيد بيلاحقونهن لانهن فريسه سهله لهم وهن فتنه لهم والرسول اللهم صلي وسلم عليه قال <ماتركت بعدي فتنة اضر على الرجال من النساء> عشان كذا انا اقول الغلط من الاهل الي يتركون بناتهم فتنه للخلق تلقاه يحطهم باالمنتزهات والاسواق بدون حسيب ولارقيب وانا حرمه واشوفهن واموت قهر باالسوق بنات اعمارهن من 17 وتحت بكامل زينتهن ويلاحقن هاالشباب واستغرب وين امه ابوه اخوه واتمنا من هاالمكان ان كل واحد منكم ياالرجال ينتبه لاهله اذا وداهم للاماكن ذي وينزل مع اهله لايتركهم باالمكان لحالهم والله اني انا بنفسي كد شفت بحمامات النخيل دخلن بنتين ومعهن كيس وكانن لابسات عبايات وسيعه ودخلن الحمام وطلعن بعبايات ضيقه وبدن عند المرايه يحطن مكياج ويتعطرن ونصحتهن وقلن ادبهن معي بس الحمدلله اديت الي بيني وبين الله والله يعينن عليهم هذولا امانه عندنا اللهم اصلح بناتنا وشبابنا واهدهم لطريق الحق يااارب |
| الساعة الآن +4: 07:42 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.