|
تعب يـــــــــــــــــــــــــــاناس ابي حل
:eek5ياناس تعبت والله العظيم جتن كل الامراض
ضغط وحاله نفسيه وتوتر وعصبيه من عنده ولد شقي..لا اله الا الله مايركد ابد كل شيء بلبيت لازم يمر عليه احط الغداء وينثره احط فطور ويلعب به احط قهوه يفتحه ويكبه والمطبخ..اااه مااغيب عنه ثواني الا الزيت والبهارات والحليب والسكر وكل اللي بالثلاجه منثورات والله مب حاله.. كل وقتي يروح وانا ملاحق وراوه قالو لي لازم تجيبين له اخو يلهى معه. وجبت له اخو ولا يناظر له:oo صار الشقى شقاوين. باب الشارع معسكر عنده يحتريه يفتح عشان ندوره بلحاره ويالله بالله نلقاه اخذته بالترجي..حبيبي اذا صرت شاطر اوديك لسفوري لاند تلعب ولاينفع حطيت له غرفه ومليته العاب وحطيت له تلفزيون خاص فيه طيور الجنه ولا نفع حرمته من الطلعه.البس عباتي ثم يصيح يقول ابروح..اقول لا وراك تكسر هذا؟ ضرب شبع ضرب اخر مره البارح طفح بي الكيل وامير اكويه مع يده ولا نفع اخر شيء ربطته بحبل بسرير ولانفع.. هو عمره 3 سنوات. ومن كم العمر ادخله نادي رياضي..مثل رياضة التكوندو يغديه يطلع شطانته به ويفكنا من وجع الراس. وش اسوي تكفون..وابوه رااااافض الشغاله عطون حل الله يرحم والديكم. لاتنقلون الموضوع لبنت بريده. فيه رجال يعرفون يتصرفون مع عيالهم ازين من الحريم. |
الله يعينتس ياعمري انتي يشبه حركات ولد خالي عاد مرت خالي تروح بوه لم اعبيدي اللي يقراء ان شاءالله انه هبط مير غديتس تقرين عليه عند العبيدي ترا يمدحونه للبزارين واذا ماتقدرين تروحين يوميا انتي اقري عليه لانااام <والله يحفظه يارب ويبربتس على التعب اللي تعبتيه |
الله يعينك .. بس طبيعي كل طفل يكون عنده طاقة يطلعها باللي فيه , ويختلف طفل عن طفل .. لا تخلينه يآكل الحلى كثير لأنه فيه طاقه , زي الشوكلاته والطحينيه .. ظلمي المطبخ اكيد راح يخاف من الظلام , واذا كنتي تشتغلين فيه لا تدخلينه .. خليه يطلع طاقته بألعاب اللي يحبها , العبي معاه عشان ترغبينه باللعب عن التخريب .. وبالنسبه لطيور الجنه أنا ضدها بقوووه أصلاً بتزيد نشاطه , وزيادة إذا كان ولد بكرا يطلع ولدي رقاص :113: , معروف الأطفال يحبون كرتون حطي له توم وجيري وتلقينه يتسدح عندها .. ماقلتي كم عمر أخوه .. ؟ النعاس غمرني , لي عودة لكِ بإذن الله , دمتِ مع أطفالك ِ بخير .. |
اقتباس:
ياحبيلتس والله اني دايم اقراء بذنه لحد ماينام..عند النوم اما بروح به للعبيدي..اخاف يقول ابوه منتب صاحيه انتي او ياكلنن جداته.يقولن وش به تقرين عليه:d |
الله يقر عينتس بصلاحهم ويخليهم لتس , مالتس إلا الدعاء إدعي له بكل وقت ربي يهبطه بإسمه العظيم .. |
|
اقتباس:
ياعمري انتي. الا والله يفهم ويدري انه مخطي لاسمع صوتي ودرى اني جايه وهو قاعد يفسد يتخبى ورى الباب والا تحت السرير يدري انه مسوي غلط:i121 وجيته بالهداوه وتغاضيت عن اخطاء له بس كل ماله وادرى . اما عن اخذ رايه..الظاهر اني خربته انا بهالحركه لابغيت اطلع لناس وكشخته يرفض الشورت هذا يقول مابيه وابي النعال هذولي صار هو ينسق مايشاورن.واذا لبسته غصب تلقينه مجدع اللي عليه ولابسن غيرهن:eek5 |
ياامجرمة .. أجل كاويته :113:
شوفي ياقلبي / أنتي تسولفين عليه ولا لا ..؟ :) >> الإخصائية النفسية للأطفال د / نجديــــة |
وديه لم نفود وخليه يحفر وينقل رمل من كان الى كان وعسفيه وشري له كريك ومسحاة
|
وه يااااطعمه .. الله يخليه لتس ويرزقك بره يااااارب وبإذن الله بيكون إهدا له إذا كبر > أمي تقوله شوفي يالغلا .. مالك غير طريقة وحده وهي أنك تعيدي تأسيسة من جديد .. والظاهر إنكم كنتوا تضحكوا له ببداية ( النجاسه ) وهذا هو اللي يخرب البزر أهم شيء الحين مالك إلا تعامليه كــ ( رجل ) قوليله ابو فلآن تعال هنا إذا ناديتيه , وإذا رد عليك لاتقبلي منه غير كلمة ( سمي ) إزرعي بداخله التقدير لك ولأبوه .. هذا بيعزز من الإحترام في داخله الخوف مو كل شيء > وإذا خاف منك الحين بكرى ماراح يسمع كلامك وحتى لو أشبعتيه ضرب ماراح ينتهي هو يحب الإكتشاف فحاولي تعطيه اي شيء يفك ويربط فيه مثل خيمة صغيرة .. سيارة من سياراته القديمة خليه يفك ويربط بها هو مايبي يلعب .. يبي يهدر طاقته بشيء ثاني من إختراع وحوسه جيبي له تراب بالبيت وخليه يحفر ويدفن على كيفه .. حطيله بدل السيكل ثلاثة وسيارات كبيرة وألعبي معه بعد أنت أو أبوه ساعه باليوم مب ضارة إن شاءالله والكمبيوتر بعد إذا توفر خليه يحوس وطلعيله الرسام وخليه يشخط على كيفه . والله يعينك ياآآآإإإآآآارب |
اقتباس:
صدقتي انا ولد خالتي امه تسوي فيه نفس هالحركه ويسوي اشيئا بقوه تعصب الواحد , واللحين ماشاء الله صار عااقل والطفل ترا لما يشوف الواحد يتائثر من اللي يسويه يعيد الشي هذا , اسمه طفل والطفل مثل ماقالت الاخت ( مايوااخذ ) , الله يعينك عليه يـارب ويخليه لك , وترا بكرا بااذن الله كل اللي سواه فيك يبي يرجع لك بشي حلو , هذا ولد خالتي كان بقوووه شقي بمعنا الكلمه واللحين شوفيه ماشاء الله امام مسجد وتوه صغير , فاانتي ادعي له بالهداايه ولاتعصبين منه بقووه , الله يخليه لك ياارب ... |
اقتباس:
اي والله اسولف عليه بس مب دايم.وقت الحدث بس:d يعني لاطلع مع ابوه لبقاله او شي ورجع ابداء اقوله وين رحتو ووش شريت وياسلام وراك ماجبتلي:d مادري هذي سواليف والا تحقيق |
اقتباس:
المشكله بلحفر مافيه نفود.:oo |
اقتباس:
هو على شطانته بس فيه حاجات زينه. مثلا لابغى شيء عند الناس مايطب وياخذ.لا يجي يقولي ماما ابي من هذا. واذا قلت له انا زعلانه يجي يحب راسي ويقول اسف بس مسرع ملتطير بلهوى هالاسف وجبت له ياحبيلك تركيبه كبيره اقوله سوي سياره وفكه بس طف به اسبوع وتركه والا اللعب ماعمري لعبت معه لا انا ولا ابوه |
| الساعة الآن +4: 05:24 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.