|
::: هل يجوز دفع الزكاة لجوازات مدينة الرياض ::: ( فضفضة عزيزهم الموطن )
http://sub3.rofof.com/img4/08fmqli12.jpg يا أخوان .. نصيحة محب لا تدخلون جوازات مدينة الرياض إلا باكين أو متباكين ، بصراحة كل ما دخلت المبنى ( طبعا دائما أدخله و العياذ بالله ) لكن في كل مرة أدخل هذا المبنى أتخيل أننا تونا طالعين من فيضانات و كوارث طبيعية ، و لا أحس أنهم إلى الآن ما رتبوا أمورهم بعد حرب صدام ..! قبل تدخل مبنى الجوازات لازم تتعطر ميلون مرة عند الباعة المتجولين ( الله يرزقهم ) و لا تجيب معك أطفال لأنهم بيشغلونك من كثرة الألعاب اللي تباع ، و يادار ما دخلك شر .. و يا جيب ما جاكـ خساير .. هذا قبل الدخول .. أما أثناء الدخول .. تلقى على يمينك جناح مخصصته إدارة الجوازات في مدينة الرياض لـ (الجمهور) يعني : استقبال الجمهور أو زي كذا .. ما أذكرها بالضبط .. لكن أنا فكرت مرة أروح لها عشان أشتكي على شيء شفته ، و لقيت فيها بنقالي بتاع شركة الصيانة :( .. و نايم من زود الفلاح ..! أما بعد الدخول فحدث ولا حرج و الواحد ما يدري من أي شيء يبدأ . لكن أقترح عليك أيها المواطن ( العزيز ) :d<== ياما و يا شفناها بالجوازات .. أقترح عليك ونا جاي تمر بالطريق أي محل رحلات و تشري كرسي ( نقال ) .. لأن كراسيهم غير مؤهله للاستخدام .. يعني لو تقلبها أرضي أحسن :bad و الكراسي مجمعة من كل ماركة و كل نوع ( تشليح ) بل إن الكرسي الواحد فيه أكثر من ماركة و زين إذا كانت على ماركات ..! يعني مثلاً عادي تلقى الكفرات من مصر و التنجيد بشارع الغرابي و قاعدة الكرسي من جمهورية منفوحة الإسلامية ، و مسندة الظهر <=== هذا إذا كانت موجودة طبعًا .. من مدغشقر .. المهم أنا وش دخلني بالكراسي .. أنا رجال جاي و بخلص شغلي .. بس لاحظت الحر بشكل ما تتخيله ، ونا واقف أنتظر السرا .. قلت للي جنبي ( عن أذنك أنا طالع أغير جو ) .. قال : على وين ..؟ ( أبد والله أبروح أتبرد بطريق الملك فهد ) و الساعة تشير إلى 1:15 ظهراً .. لأنه أرحم .. على الأقل طريق الملك فهد مُغذى بروائح عوادم السيارات ( شكمانات و نت جاي ) .. و الجوازات روائح مش عارف إيه و مش عارف إيه زي منتوا عارفين يعني .. :( طبعا السرا بما أننا في الدول المتغدمة آآي السرا زي لبعة الكراسي ، مافيه لا أرقام ولا يحزنون .. يقوم اللي قبلك للكرسي الأول ونت تقوم للكرسي الثاني و اللي بعدك ينط على كرسيك .. ياحبي لهم حقين الجوازات .. يعتنون بالترفيه البريء .:d و خاصة ( لعبة الكراسي ) :41 بس مشكلة الطريقة ذي أن اللي يروح لو للصلاة راااح السرا عليه .. و قسم بالله شوفة عيني أن بعضهم طق تكبيرة الإحرام عند الكرسي .. و الصراحة معهم حق .. أما أنا و أوعوذ بالله من كلمة أنا ما صليت الظهر إلا بعد طلعتي من الجوازات ..:bad كنت ابي اسأل عن شغلة .. و الحمد لله لقيت نقيب متواجد في صالة الانتظار .. رحت له : السلام عليكم .. لكن مافيه رد .؟:( مافيه مشكلة يمكن ما سمع من الازعاج : السلام عليكم .. كمان مافيه رد .. والله و أنغزة بالأوراق اللي معي : السلام عليكم :i121 قال نعم ؟ يوم بديت أتكلم و يأشر لي على خويه .. و خويه بوسط الزحمة و لا تقدر تدخل ، و الحليب عند البقرة و البقرة تبغى حشيش و الحشيش يبغى مطر .. :113: يعني كل واحد يصرفك للثاني .. أسلوب تطفيش تعودناه .. بصراحة الوضع غير محتمل أبداً .. لازم نشتكي .. حر و زحمة و تعامل سيء و إزعاج .. عاد تدرون من إيش الازعاج ؟ من مراوحهم مسويين فيها تلطيف أجواء ..؟! حاطين لي مراوح قعادية أما العساكر اللهم لا حسد .. كل واحد فوق راسه ( سبيليت ) ، و كأن المواطن ( العزيز ) كرتون ! ولا قوطي . لا تكييف ولا شي .. قررت أروح أشتكي ، و قالوا أن سعادة الضابط المدير فوق .. و الله و أطلع و اضغط ( اللفت ) <== المصعد الكهرباوي :d لكن خربان ركبوا فيه ناس قبلي .. و بعد انتظار خمس دقايق انفتح ، والله و يطلعون لي نفس اللي ركبوا قبل خمس دقايق :113: .. ياولد مالك إلا الدرج ، جيت أبطلع الدرج ، لكن لقيته مسدود بـ ( بلكاشة ) :confused: شكلهم آخذينه من اللي يبيعون برا .. ! المهم رقيت مع الدرج الثاني ، و أحوووس و أحووووس مالقيت هالضابط .. مدير الجوازات ، و لا أدري وين المخبأ السري اللي هم حاطينه فيه .. بصراحة المبنى ما يليق بدولتنا ، و حتى الناس اللي قابلتهم هناكـ ما يستحقون أنهم يمثلون المملكة إلا من رحم الله ، و الله يا أخوان هالمبنى ما أظن يستحق ولا أن يكون مبنى جوازات بنقلادش :( .. إلا ما يستحق ولا أن يكون في قرية من قرى بنقلادش و ( نائية بعد ) :i121.. ::: أخيراً ::: عزيزي المواطن .. هل أنت فعلاً عزيز ..؟ ولا ( حمني ) :d و هل يجوز دفع الزكاة للجوازات و مبناها الآيل للسقوط رمضان كريم .. :) و اللهم إني صائم قلتها مليون مرة مع أول يوم .. من التعب و الغرابيل دخلت مكتب خدمات عامة .. و أنا أصبصب عرق ، و ألقى برادة يحبها قلبك .. و فوق البرادة كاس نظيف ، والله و أشرب .. يوم خلصت نط علي بنقالي يقول : ماافيه شوووروووب <=== أهم شيء الواو :d أخوكم / عبدالله تمسون على خير . |
الله لا يحيجنا لهم والمشكله على الفلوس اللي يطلعون وعايشين بفقر
واغلب الدوائر الحكومية متهالكه ولا فيها اي اهتمام |
اقتباس:
|
كان الله في عونك وعون من سيذهب هنا اضطراريا" ومجبورا" على خوض ما يخضتم به ......(الله المستعان )
لقد صورت مشهدا" يرثي له بحق يرثى له مابنسبه في دفع الزكاة للجوزات فارجع دار الافتاء يفدونك فيه تقبل مروري |
حقات يوم واحد من المخالفات تطويف الإقامة
يعيدون تهيئة المبنى بالكامل :d ما أقول إلا يابلادي واصلي |
اقتباس:
|
اقتباس:
|
اقتباس:
|
مساء الخير أخ عبدالله مبارك عليك الشهر الكريم .......................
أعجبني سيناريو طرحك .............. فهو حديقة مليئة بالفوائد ما بين معاناة حقيقية ، ونكت مضحكة ياليت الجوازات تقرأه .............. أشكرك |
عبدالله إذا تبي شوري أقترح عليك تهاجر لقارة القصيم :113: أرحم شوي وإلا إذا قسمك الله مهاجر رح لكندا تراه نفاه هناك وبراد يحبه قلبك وإحتمال تنسى [ إني صائم ]
شكراً عبادي ع هيك طرح على فكرة هذا وأنت شيخ تخطئ وتذكر ( اللهم إني صائم ) وتنسى أنها ( إني صائم ) بدون لفظ الجلالة لكن معذور بما إنك كنت بدولة بنقلادش قصدي الجوازات :113: |
اقتباس:
الجوازات و غيرها .. أصبحنا نتحدث ليس من أجل الإصلاح ، و لكن من أجل الفضفضة .. و بس .. شكراً يا غالي .. : 12 |
اقتباس:
أنا أعتقد أن أكثر الناس ما أقدر أقول كلهم يسمع النقد و يستفيد منه ولو بعد حين . ما سمعت بالثلاثة اللي اتفقو يأخذون خروف من شخص فبدؤا بالترتيب يلاقون الرجل وكل واحد يقوله وش هالكلب اللي معك أخيرا أطلق الخروف وقال وش أبي بالكلب أمسكه فالإنسان يأخذ الرأي ويأخذ النقد هذا مجرب مع أشخاص كثيرون ولكن تتأخر الاستجابة لأمور ما أدري هل الشخص أو الأشخاص يفكرون بالنقد أياما ثم يغيروا من وضعهم الله أعلم ................... أشكرك يا الصمصام عبدالله |
أها الحين عرفت وشوله يرسلون على الجوال..
((عزيزي المواطن احذر من ضياع جوازسفرك )) ((عزيزي المواطن عند ضياع جواز سفرك.........)) الله يجزاهم خير حريصين مانضيعه علشان مانجي عندهم ونموت... |
اقتباس:
تشكرات حبيبي .. |
| الساعة الآن +4: 10:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.