|
مارأيكم في زواج الشاب في سن مبكر..؟
السلام عليكم
اهلين شباب السؤال هو ايش رايكم في زواج الشاب في سن مبكر في سن 19 سنه اذاكان ابوه سوف يتكلف بكل مصاريف الزواج من بيت ومال و غيرذلك هل تؤيد ذلك أم لا وان كنت لا تؤيد لماذا..؟ انتضر أرائكم الرائعه على قلبي(h)(h) |
لا اؤيد امم لانه توه صغير
ولا هو قد المسؤوليه ولا يتحمله بس موب كلهم ما يتحملون المسؤوليه عاشقتن البر |
على حسب الشاب، بعضهم عمرهـ 19 وما زال طفوليًا في أفعاله، وتصرفاته، أما إن كان يُتوسم فيه المرجلة، فلا بأس في ذلك، والله الموفق .
|
. . لا 19 مره صغير على الزواج حتى لو تتوسم فيه صفات المرجله :) لان الزواج مسؤليه مو لعب بزران /لاتهاوش مع زوجته طلقها :d لا يجي احد الحين ويقول ايام اول كانوا يتزوجون 17 -19 <~ وين ايام اول مو مثل الحين ولا لقيتوا رجال اول فيه للحين مثلهم نقول يصلح يتزوج 19 :d |
هههههههه ابو 19 من يبيه هاذا لصار عمره 19 كم عمر اللي راح ياخذهاا .!!!!! ومن يجسر يقعد معه بالبيت ذولا يبي من يقعد عندهم يجسرهم |
الرجال مو بعمره ......
بعقله اذا كان قد المسؤوليه يزوج ليش لا كم من ثلاثينيين واربعينيين تصرفاتهم ولا اردى بزر |
والله إن فيه شباب أعمارهم 18 رجال، وأرجل من ألف رجال !
وش انتم شايفين ببعض رجال هاللحين، نسبة الطلاق عالية، فهل ستنخفض حين يتزوج من هو أهل للزواج في سن مبكر ؟!! |
انا عندي اللي عمره 19 لسا ماتغطيت عنه..
|
..
اعترض وأخالف وجهة النظر هذه وبقوّة ! يبقى صغيراً على مسؤوليّة كبيره .. فـ الزوآج حيآة وعشره وقرآر ؛ ليست بالأمر الهيّن ! الشاب والفتاة من بعد سن 14 تبدأ مرحلة تكوين الشخصيّه ! إلى حين سن 22 تقريباً .. وتختلف من شخص لآخر ! فنرآه غالباً عصبيّ المزآج ؛ صلب المعآملة .. - وهذا مايسمّى بإبرآز الشخصيّة - !! الحمد لله ؛ كثييير بعد هذا العمر ؛ يتّخذ من أفعاله المرآهقه في المآضي - سوآليف - ويحتقر نفسه حينمآ يذكرها .. فكيف يمكن لفتاة أن تتزوّج شآبٍ في مثل هذه المرحلة ! (( ثمّة شابٌّ أعرفه .. تزوج في سن مبكرة مثل ماتفضلتم ؛ فيه من صفات الرجولة ما جعل الغير يوآفق على زوآجه .. لكن لآ تســألوا عن حيآته ؟ وكيف وقد تزوج بمراهقةٍ مثله !! كلآهما لا يعرف من أمور الحيآةِ شيئا~ فكيف لمثل هذا الزوآج أن ينجح ..؟ |
إن وجد من يرضى به فلا بأس .. + مع أني ضد فكرة صرف والده عليه ..! |
هههههههه ابو 19 من يبيه هاذا لصار عمره 19 كم عمر اللي راح ياخذهاا .!!!!! ومن يجسر يقعد معه بالبيت ذولا يبي من يقعد عندهم يجسرهم
كم من صغير غلب الكبير في القوه والأخلاق والنشاط فالشاب في هذا السن في سن الحيويه والنشاط ولا يحتاج من يجلس يجسره في البيت |
اقتباس:
|
لسا توه صغير عمره 19 واذا كان ابوه يبي يصرف عليه اكيد بيصرف عليه
شهر او شهرين وبعدين بيقوله اشتغل واصرف انت على نفسك السن المناسب لزواج الشاب 28 ولا اقل << وجهة نظري |
كل شاب أعلم بنفسه
فأنا أعلم اكثر من شخص تزوجو في التاسعة عشرة وكانوا بمقام المسؤولية وكم من شخص تزوجوا فوق السابعة والعشرين فشلوا والآن بلا زواج الزواج ليس لكل من هبّ ودب |
| الساعة الآن +4: 06:23 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.