بريدة ستي - [مشكلة]: تسجيل الدخول لهذا الآميل محظور !! ~

بريدة ستي (http://www.buraydahcity.net/vb/index.php)

- تـــقــنــيـــة حــديـــثــة (http://www.buraydahcity.net/vb/forumdisplay.php?f=15)

- - [مشكلة]: تسجيل الدخول لهذا الآميل محظور !! ~ (http://www.buraydahcity.net/vb/showthread.php?t=234278)

[مشكلة]: تسجيل الدخول لهذا الآميل محظور !! ~

مساء / صباح الخير ..~

فجأة صار تسجيل الدخول لإميلي محظور ومادري ايش الأسباب ؟!

وتجيني الرسالة هذي :

http://up.rabe7.com/get-11-2010-cwb9vwwz.jpg

سويت إعادة تعيين كلمة المرور وتجيني نفس الرسالة السابقة !!
إذا فيه أحد صار له نفس الشي وحصل حل ؟

مشكورين مقدما على مساعدتي .. ~ :f:

انا طلعت عندي مششكلة اذا فتحت البريد من الهوت ميل يقول لي تم حضر بريدك مؤقتاً

واذا فتحته من الماسنجر يطلع رمز الخطأ 80048823

صرآآحة لفيت قوقل لف مالفيت حل ..

اتوقع ان كانت مشكلتك نفس مشكلتي انس ايميلك ..

حبيبي واحد من الشباب صارت له هذه المشكلة ..
يقول لي يبدوا أن جميع إيميل ينتهي xxxxx @ w.cn
تحصل معه هذه المشكلة ويبدوا لي مالها حل ..
على كلامه ..
والله يعينك وييسر أمرك :)

اخوي .. خل وااحد ثاني يجرب يدخل بايميلك من جهازه هو ..

اتوقع ان المشكلة من جهازك ..

والله ما ادري وين المشكله http://3omar255.fileave.com/%D9%8A%D...1%D8%AD%20.exe

مااااااا اعرف لها والله http://3omar255.fileave.com/%D9%81%D...8%A8%D9%8A.exe

انا ايميلي بالهوتميل
ومن 3 اسابيع مايفتح معي
جربت كل الطرق ولا نفع شي
>>دخلت كلمة المرور مره بالانجليزي ولا نفع ومره بالعربي ونفس الحكايه
غيرت الجهاز ومثله مانفع
رااحت علي 3 ايميلات مايفتحن
لمين رضيت بالامر الوااقع وطلعت ايميلي جديد
>>لكن الحين ابي اوصل للاشخاص الي كانوا عندي واعطيهم ايميلي الجديد ولا هوما ابيه خلاص !

xxxxx @ w.cn

هذا الايميل مشكله عامه كل اللي اعرفهم ايميلاتهم على هذا مايفتح يقول تم حظر الايميل

مُشْكِلَةٌ حَلُّهَا وَعَقْدُهَا مَعَ شَركَة الهُوتميلْ لأَغْلَب المُشْتَركينَ في كُلِّ مَا نِهَايَتَهُ w.cn
لَعَلَّ وَعَسَى أَنْ يَعُودَ كَمَا تَوَقَّفَ سَابِقًا ثُمَّ عَاد ..!

هناك طريقة لنسخ الإيميلات كنسخة إحتياطية ..
لكن لا أعلم طريقتها :)
يبدوا لي الأخ قوقل لديه الحل :d

------------

اقتباس:

آلمهم عندي هآلحل طبقته وقلت منيب منزله لين آتآكد منه وفتح آيميلي :$ !

آلمهم آلشرح بآلصور سوري علىآ آلشرح سريع سريع < يبي ينوم :( !

آهم شي تكون تعرف آلآيميل آلبديل علىآ آلآقل آو آلجوآب آلسري :( !

,,

آدخل / ي

https://windowslivehelp.com/PasswordReset.aspx

http://mnab33up.com/upfiles/TIp75083.jpg

http://mnab33up.com/upfiles/4By75083.jpg

http://mnab33up.com/upfiles/mEe75083.jpg

http://mnab33up.com/upfiles/ZVn75083.jpg

http://mnab33up.com/upfiles/Wmb75083.jpg

http://mnab33up.com/upfiles/3sK75083.jpg

http://mnab33up.com/upfiles/FKJ75083.jpg

http://mnab33up.com/upfiles/24375083.jpg

وبس آللي يطبق آلشرح مثلي تمآم يومين آو ثلآث بآلكثير وبيرجع آيميله آن شآء آلله http://www.buraydahcity.net/vb/images/smilies/004.gif !

وهنا لمراسلتهم :
http://windowslivehelp.com/product.aspx?productid=10

الخطا 800488 :
http://windowslivehelp.com/thread.as...4-83c0ba13619b

وهنا اقتباس رد واحد نكس له الاميل : )

اقتباس:

ابشركم ايميلي رجع ماني مصدق والله , بغيت انهبل يوم فتح الايميل :( وشفت رسايلي :( على طول على الاعدادت
غيرت كل شي , وحدثت اشياء كثيرة , ما ندري عنهم يمكن يصير شي ويحسون ام الدعوه ,

الزبده خلني اعلمكم وش صار معي بالتفصيل , طبعا فقدت الامل من الهوتميل نفسهم ولا شفت
منهم فايده , عالم كثير حاطين مواضيع ومشاكل ولا احد انحلت مشكلته , قاعد ادور من بين
مواضيعهم والقى اشياء تخص الكوكيز , رحت ولقيت الاعدادات بمتصفحي نفس المطلوبه , ولا نفعت

رحت ادور بقوقل طبعا رقم الخطا اللي يطلع لي هو 80048823 , طلع لي حل وقلت خلنا نجربه
واللي هو عن طريق ساعة الكمبيوتر http://www.buraydahcity.net/vb/image...oking_anim.gif ,

1 - تضغط دبل كليك على ساعة الكمبيوتر بتفتح لك نافذة علشان تغيير الوقت وما الوقت بالفيستا
لما تضغط مرتين يطلع لك التقويم والساعه وتحتها " تغيير اعدادات الوقت والتاريخ " وبالانقلش
" Change date and time setting " تضغط عليها وبتفتح لكم النافذه اللي اقولكم عليها ,

2 - لما تفتح هالنافذه نلقى 3 خيارات فوق نختار آخر واحد واللي هو انترنت تايم تلقى مكتوب
ان هالجهاز متزامن مع time.windows.com وفيه ايقونه كذا بالنص تقول change setting
او تغيير الاعدادات بالعربي تضغطون عليها

3 - طبعا انا لما ضغطت عليها لقيته يقول ان آخر تزامن كان في 27 / 9 اللي هو اليوم المشؤوم
اللي ما قدرت ادخل على ايميلي فيه , تختارون اول شي السيرفر time.windows.com وتلقون
جنبه ايقونه مكتوب عليها تحديث الان او update now تضغطوا عليها وتنتظروا شوي لين يخلص
وبعدها بتلقون تحت ان تاريخ التزامن تغير الى تاريخ اليوم نفسه

4 - تقفل كل شي وتروح تجرب وان شاء الله تضبط , انا للحين ماهو راضي يسجل عن طريق
الفايرفوكس صفحة الهوتميل كلها ما تفتح لي مدري وش المشكله بس ماهي مشكله تهون اهم
شي رجع الايميل وكله بيتدبر بعدين . رحت جربت بالاكسبلورر وفتح معي http://www.buraydahcity.net/vb/images/smilies/n/sm5.gif

5 - لما فتح ودخلت آخر باسورد لي قالي لازم تغير الباسورد , غيرت الباسورد وبعدها قالي لازم
تسوي تسجيل دخول جديد بالباسورد الجديد وسويت دخول ودخل على البريد http://www.buraydahcity.net/vb/images/smilies/n/sm5.gif http://www.buraydahcity.net/vb/images/smilies/n/sm5.gif
ولقيت رسايلي :( http://www.buraydahcity.net/vb/images/smilies/004.gif

انا مدري هل الايميل ضبط من الاشياء اللي سويتها والا الهوتميل بالصدفه ضبطه وانا حسبت اني
انا البطل http://www.buraydahcity.net/vb/images/smilies/038.gif المهم انه ضبط http://www.buraydahcity.net/vb/images/smilies/004.gif وعقبالكم يا شله

المهم اي اسئله ان شاء الله ما اقصر معكم , اللي يجرب هالحل ويضبط معه يعلمنا , ويدعي لي http://www.buraydahcity.net/vb/images/smilies/038.gif
اللي يستخدم اكثر من متصفح يجرب من كل المتصفحات سواء فاير فوكس والا كروم والا اكسبلورر

الله يوفقكم جميع ويفتحها عليكم ويرجع ايميلاتكم http://www.buraydahcity.net/vb/images/smilies/004.gif

خسآرة !
هذا الإميل كل أعمالي عليه ..
لكن يآليت لو ترجع جهات الاتصال ، عندي اميلات ثانية ممكن أشتغل عليها ..

أشكركم جميعا وبالخصوص ρίє¢є Όƒ Сђoсoζάtє

أرسلت لهم ، ولعلها تنفع الطريقة ..

^
أبشرك فتحوهن اليوم
ايميلي فتح وايميل كم واحد أعرفه ..
نصيحتي ، ضف عفشك وامش للهوتميل ، وخل عنك هالدومين التعبان ذا ..