المطاعم وتوصيل الطلبات في انصاص الليالي
 

والله قهر ها العمال اصحاب المطاعم والكفيهات يوصلون الطلبيات في انصاص الليالي حيث شاهدت يوصل طلبيه لبيت جارنا وسيارة مافيها ستكر مطعم ولا شي ويخرج طفل عمرة اربع سنوات والام خلف الباب وهو يدخل يده ويضع الاكل داخل البيت الى هاالدرجه نسائنا وصلن مرحله العجز والكسل وعدم الخوف من رجل غريب وفي اخر الليل حوالي الساعه 2 يعني راح تموت من الجوع اذا ما اكلت من مطعم تغمس صاموليه مع جبن وشاهي افضل من شغل ها المطاعم والتحدث معهم وتوصيف البيت لهم

السوال لماذا لايكون هناك منع من امارة المنطقه من توصيل ها الطلبيات من بعد الساعه العاشرة

هههههههههههه حلوة انصاص الليل
اعجبتني جداً

أجل انصاص الليل


حبيب البي ..

المشكلة الأولى والأخيرة ليس فيمن يوصل الطلبات .. المشكلة من هالبنات اللي مايخافن الله ..
فيهن قلة أدب وحياء مالله به عليم ..
وهن من يبدأن بذلك .. فلو طلبت إمرأه عاقلة في أخر الليل وليس في انصاصه .. لماكان حدث شيء .
ولو طلبن بنات قليلات أدب في أانصاص النهار مو الليل .. كان صار فيه بلا

المشكلة تكمن في البنات (وهن عودن أصحاب المطاعم بهذه الطريقة)

انا لا ادافع عن المطاعم .. لكن الموضوع تشبع منهم .. وخرجت اشرطة ومحاظرات عشان اللي يوصلون المطاعم ..

طيب انتم ليش ااهملتوا البنات وكأنهن لم يفعلن شيء ..

اقول هذا الكلام لأنه كان عندنا مطعم وكنت في هالشغلة سابقاً .. وأعرف تفاصيلها ..

فالمشكلة تبدأ دائماً من بعض البنات قليلات الأدب ..

والله حسب البنت وحسب الي ويوصل طلبات وللأسف ان بعض الأجانب اكثر ادب من بعض السعوديين قليلين الأدب والحياء
فلو فرضنا انه منع هالشي راح تطلع لنا طرق العن اهم شي عند التجار يصرفون بضائعهم لكن دام كذا بالسليم ليس هناك مايدعي منعها

والله حرنابكم اذا ماتبون البنت تطلع للمطاعم وبعد ماتبونه تطلب والله حاله !!!!!
يعني شسوي اذا طنت براسي بعض بعض المرات واشتهيت اكله غريبه يااكل خبز وجبن
والا انطق ..

مو صايرين احرص على الوحده بنفسه وعلى حسب اللي تستقبل الطلبيه
انا عن نفسي اعطيه الفلوس من تحت الباب واذا حسيت انه السياره تحركت فتحت واخذت الطلب..

مو قليلات الأدب
بِــ??سّ لازم نغير أكل البيت
وانصاص اليالي نجووووع
الله مير يسلمك

كفو يابنات وياشباب الي محايد للحق


من جد شي يقهر يكفي اننا مو على كيفنا بعد يتحكمون في الي ناكل

والمشكله بعض الأخوان مو فاضي لك كل شي ممنوع ولا تاكلين تبن

الحمدلله ان الشرع انصفنا واللهم صلي على سيدنا الي قال خيركم خيركم لأهله

ياخوي رجعت للموضوع بس عشان أقرأ كلمة (انصاص) جازتلي قووووووووووه
ههههههههههههههههههههههه

اجل انصاص الليل ..
لو انت ماتكتبت إلا ذي كان يكفي عن الموضوع كله ههههههههههههه

قسم ميته ضحك على الكلام الي فوق من البنوتات

يااااربيه ياشين الجيران الي يدققون

قسم فيه جار عندنا يدقق مره على الجيران يقاله فاهم وهو والله مايدري عن هوى داره لوووووول

طلبوا ولا ماطلبوا هذي حريه شخصيه والله

موتي ضحكت على الله مير يسلمك ههههههههههههه تعجبيني

أنا جيت أسجل إعجابي بكلمة أنصاص وأمشي :d

أنا مقالت لكم انتم أنا أعني البنات اللي يطلعن للسواق ويتغنجن وياخذن من يده الطلب .. اليسن قليلات ادب ؟

انتن إن شاءا لله ان الآداب فيكن ومنكن ..

مثل ماقلت ايضاً انو شباب التوصيل أيضاً قليلين أدب

الجوع كافر

اذا جاء اخر الليل وكنت ميت جوع والبيت ما فيه اكل ايش تسوي