|
يابنات .. تغطوا ...!!!
تخيلوا...
أن مهرجان الكليجا ببريدة... أقيم عام 1415 ... مثلا.. أكيد الصغارين والصغيرات... اللي ماعاشوا ذيك الفترة... ماراح يقدرون يتخيلون.. وعشان نقرب الصورة اكثر... يمكن 95% من بيوت بريدة مافيها تلفزيون خير .. شر..!!! وماكان فيه لاعثيم مول ولا نخيل بلازا.... وشارع الهاي هاي ذاك الوقت.. شارع الصفرا اللي عند اريج والحدايق.. ماغير حديقة المنتزة... قسم عوايل... وقسم شباب.. وبينهم شبك حديد وحارس هندي كنا نعطيه خمسة ريال عشان يدخلنا قسم الحريم..... وعاد اذا دخلنا.. وش هناك..؟؟ وماكان فيه مطعم عوايل الا حق هرفي.. اللي عند اسواق النافورة.. قبل مايسكرونه... تخيلوا مجتمع مثل ذاك المجتمع... ويصير فيه مهرجان الكليجا... خليطي رجال مع حريم.. وأنواع اللبس والتكشخ.. والعبي المخصرة .. والعطور.. وووو............ انا صراحة خيالي عيا يجيبها.... مو راضية تركب أبدددددددددد.... لكن حنا الحين في 1432 .. والصورة هذي عادية جدا... مع عشرات.. ويمكن مئات الصور المماثلة.. يعني المجتمع بتطوره.. تعدى أشياء كثيرة... مو مسالة صح او غلط.... لكن المجتمع تخطاها بمراحل وصارت من اكبر صفاته يعني.. لما تجي لحديقة وتقول (قسم رجال / قسم نساء) .. غير موجودة الحين مثل أول ويمكن عشان هالشي.. خفت الحساسية بين الرجل والمرأة منول المرة اذا شافك رجال... يالله ياكفي.. كنها شايفة جني..!! والرجل منول يمر عليه أسبوع أو شهر.. ماشاف زول مرة.. ألحين تلقاهن هن يضايقننا ويترززن بكل سكة وعاير... طيب.. خلونا نخش شوي في عالم النت.. تخيلوا قبل 1420 قبل مايجي النت لبريدة... من كان يتوقع انه بيكون فيه مكان يسولف فيه الولد مع البنت.. وياخذ ويعطي معه..؟ شخصيا استفدت من النت كثيررررر في تغيير الصورة عن البنت السعودية عامة والبريداوية خاصة ومع ثورة المنتديات.. وموضتها اول ماطلع النت.. كان فيه تحفظ من بعض المنتديات في مشاركة البنت مع الولد.. وعشان كذا صار فيه اقسام نسائية.. واقسام رجالية.. مثل ماكان اول في حدايقنا ومطاعمنا ومحلاتنا... وكل شي والفصل هذا جاء لسبب واحد وهو الخوف من (الاحتكاك) بين الشباب والبنات.. وهو خوف صح وفي محله لو مافيه الا هالمكان.. بس الحين العيال والبنات صاروا كل واحد منهم عارف الثاني ووش يفكر وكيف يحكم وصار خوف الافتتان والتمادي مو موجود مثل اول الا مع وحده او وحده الف باء انترنت.. وكانت من عائلة مسكرة كل الابواب عليها وعشان كذا استغرب استمرار (قسم رجالي) وياويل اللي يمر من هنا من الحريم.. و(قسم نسائي) وأكيد جمس الهيئة واقف عند الباب.. وياويله وياسواد ليله اللي يويق راسه وطبيعي الفضول البشري.. يخلي الواحد يتنقل من هنا لهناك قصدي بالمنتديات... ويسير على منتدى البنات (مثل بنت بريدة) أو البنات ودهن يشوفن خشونة الشباب وتلقاهن مطيحات (بسوالف كشكولية) طبيعي ها لامر يصير... وعني دخلت كذا مرة منتدى البنات.. بس تنحنحت قبل ما ادخل .. وقلت (..ياولد...)وكان الطريق سالك ومع ان فيه مواضيع خاصة بالبنات... الا ان فيه مواضيع كثيرة تهم الرجل.. وكنت اتحقرص وأتمقرص.. وأقعد افرك ايديني ودي ارد بس عشانه ممنوع.. واخاف يقولون وش مدخلك قسك الحريم (ياللي ماتستحي..!) هونت.. ولاننا هنا في (ساحة مفتوحة) والراي فيها يتم بين الجنسين .. وأكيد مشرفينا.. واحبتنا اصحاب المنتدى.. يهمهم اللي ينجح العمل.. ويفيد المنتدى حبيت اطرح هالسؤال.. عن ضرورة بقاء القسمين بطريقة العزل السابقة..؟ هل لها جدوى...؟ فمثل سواليف كشكولية.. ممكن تشارك فيه المرأة.. ويكون بمثابة مكان للكتابات الساخرة وبنت بريدة.. يمكن يكون اشمل.. ويكون منتدى للاسرة..ويشارك فيه الرجل وفق مايفيد اقول هالراي وانا اثق ان المسؤولين بالمنتدى يهمهم تميزه.. وان الحيثيات التي من أجلها وضع التفريق.. يمكن غير موجودة الحين فهو موجود ضمنا.. في أكثر من منتدى.. مثل الساحة المفتوحة وغيرها.. و.........بس.. فكرة انتظر رأيكم فيها |
المشاهدات 32
والمصوتين 5 |
لي عوده بقراة الموضوع بالكامل والتصويت
|
غير مؤيد ( ماعندك سالفة ) الآن المنتدى كم ساحة ؟ كل الساحات مفتوحة للجميع ماعدا الساحتين اللي ذكرت . جميل أن يكون هناك خصوصية بحيث كلن يأخذ راحته |
اسمح لي ماعندك سالفه ابد و كل المقدمه الطويله الي ذكرت لن تخدم موضوعك هذا للمرأة مواضيع خصوصية لا تفضل ان نشاركها بها فتجد انها كتبت موضوعها هناك حتى وان كان الموضوع يحتاج الى رأي او مشاركة الرجل و لدينا ساحة مفتوحه لكلا الجنسين ومن يريد ان يطرح موضوع يناقش به الكل يطرحه هنا اما الكشكول فهو خاص بالرجال و من غير الائق ان يتشارك الجنسين معاً في الكشكول اخي احيانا الفصل الجاد و الحازم في بعض اقسام المنتديات تزيد من هيبة و حرمة المنتدى على فكرة مدة اشتراكك بالمنتدى توحي بأنك قد بخصت الامر و رأيت ان من الافضل السماح |
اقتباس:
:41:41:41:41:41:41:41:41 |
ومالفائدة من ذلك ؟؟؟
يوجد أقسام غيرها للحورات المشتركة بين الجنسين |
...........الصورة الحالية اللي عليه ...حلوة .
بالعربي ,,,ماعندك سالفة |
اول :107:... 1415احلى شي ايام الطفوله كان عمري 8 سنين ياملحي:118:
افضل ان يبقى الوضع على ماهو عليه لأن البنات لهن خصوصيات اكثر من الرجل :oo |
انا عن نفسي احتج طرحت موضوع ننقاش حاد وجرئ .. ولا تم يوم االا وحذف ليش مادري ........؟؟ يقول تكلمي به في قسم بنت بريدهـ بس هوموضوع يخص كل الطرفين .. وقريت كذا موضوع قريب منه وحواري مثله... بس اذا يامشرف تحذف مواضيع ناس مححدده وتخلي ناس مححدده فهاذا ظلم وربي ميخلي كل ظالم .. ثانيأ موضوعك يااخ مدير دبره ... صعبه تجمع الطرفين راح يكون فيه ميول ومرونه وميانه زايده عن حده وهذا موب من صالحنا .. والبنات لهن خصوصيات والشباب لهم خصوصيات .. وكلن مايبي يطلع على خصوصيات الاخرين .. بس على الاقل بالساحه المفتوحه مايكون فيه تشششششدد بزياده .. لاني عشر مواضيع لي حذفت والسبب موب مقنع .. اما عاد التكشف في الاسواق خذ وخل من العري والفسوق بالكلام .. قل ما نجد عبايه على الراس الحياء انفسخ الوحده تكلم الغريب كانه تكلم اخوه .. الله لايفتنا ويثبنا على الديين يارب .. يامقلب القلوب والابصار ثبت قلوبنا على دينك .. تقبل مروري ... ودم ـــــتم بخ ــــــــير ..(f):f:(f) |
اقتباس:
وبانتظار عودتك |
اقتباس:
وهل تعتقد ان فيه خصوصية الآن..؟؟ اذا كنت استطيع ان ادخل لمنتدى الجنس الآخر.. وهو كذلك.... فاين الخصوصية....؟؟ كما ان المواضيع في غالبها ليست خاصة وخذ لك جولة هناك وانظر بنفسك... شكرا لرأيك |
اقتباس:
قلت خصوصية.. وغير لائق.. ثم تقول أنهم يتشاركون في الساحة المفتوحة...!! فهل هناك فرق بين الوضع هنا وهناك..؟؟ والمسألة ليست هيبة.. بقدر ماهو تقسيم غير مقنع - برأيي - نعم .. مع ان اشتراكي بالاسم هذا جديد .... لكن لي اسم سابق اضعته وضاع ايميمله عمره قرابة 10 سنوات ولي مرور وتواصل مع المنتدى حتى لو اشارك فيه شكرا لك |
اقتباس:
اقتباس:
وجهة نظر تحترم وتقدر ورأيي أنه بما أنه هناك موافقة مبدأ المشاركة من خلال ماذكرتن من وجود اقسام فالفصل ليس له داعي... فليست هناك امور خاصة للمراة دون الرجل ومطالعة للاقسام المذكورة تكشف ذلك احترم الجميع... وايا كان الرأي فهو يعبر عن صاحبه وفكره وله الاحترام التام |
| الساعة الآن +4: 07:37 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.