بـــريـــــده والــحـــفــريـــات .. .. .. !!
 

السلام عليكم ورحمت الله وبركاته :

وبعد :
بريده والحفريات !

إلى متى وحنا والحفريات .؟

والله إنها حاله . وأزمه نعانيها. تحويلات وغرابيل .

تبي الصفراء يخليك تحيوط للسيب. وهكذا وكل يوم نشوف سياره طابة خشه

بالحفريات . وإلا صبه مظفوفه. سياراتنا تكسرت منهم.

متى يبي ينتهون من هذي الأزمه ما أدري هم يدورون على كنز

تراه مو بعيده يدورون القلهي .

والله شكلهم يبي يدفنون بريده .

جعلهم للأبوسه تال الليل . ؟

والسلاااااااااااااام

للتواصل : والسواليف تراي كـــســــــــلان ":

yaser3d@hotmail.com

أين التعليق

لا ابشرك يقولون لقوا طرف الكنز ويبي يلقون الباقي قريبا انشاء الله وننتهي من هذا المهزله ..............

هذا الجزاء

هم يظبطون الشوارعوانتم تتمهزلون

والا تبونهم يزينون بريدة بيوم وليلة

لا يالحبيب هم قاعدين يدورون بوكي



لا الصراحه شكلهم يعني يشتغلون (اكيد وش يسوون يعني)

هلا ياسر ....

الحفريات فعلاً هي مشكلة للمواطن خصوصاً اذا صارت الحفريات بحارتكم:p


لكن بقولك شيء ...انا في الرياض...وبرضه متبهذلين من هالمشكله هذي ...يعني موب بس بريده اللي تعاني : 12



ثانيا ياخي حنا بدوله ناميه ...يعني احمد ربك اننا متطورين شوي احسن من الدول الناميه الثانيه :re بس مو كلها :i121

الله يهديك....

يدورون كنز ...... حتى الآن ما لقوه ..

والقول الثاني: يقال لو أمريكا تدري ان اسامة بحفريات بريده كان ما حفرت هالتحفير ...
****************
اقتباس:
أبوعمر السحيم
هم يظبطون الشوارعوانتم تتمهزلون
...................
شف ياابوعمر وشلون تقول يضبطون الشوارع ... وهم لانتهت الحفريات لقيت الشارع ... مطبات صناعية من الحفريات وصعرير .....

رح شف شارع الاماره وشلون زفلتوه .. تكل مسطره ..

لانتهت الحفريه صارت مطب ليش؟
لأن السيارات مع الوطي يواسنه ... أقول : شلق..


معذره ياابوعمر ..


ومشكور طارح الموضوع ..

عزيزي ياسر >>> له مقصد

هذي الحفريات من صالحنا ::

ولو تعلم شي ما إشتكيت لكن هذا قصور منا فقط نتكلم ولا نعي ما نقول

أشكرك على غيرتك على مدينتك ::

قناص بريده....اسمحلي


ايش اللي مقصد يرحم امك ..تراني عشت عشرين سنه ببريده


كان في حارتنا تسريب مياه ....جت الشركه وحفرت الحاره كلها

وقالوا خلاص زينا المشكله

بعد شهر ....تعود نفس المشكله

وتجي شركه ثانيه غير الاولى.....وحفريات على كل الحاره

وبرضوا خلاص ...انتهت المشكله

بعد شهر يعود التسريب وتعود نفس المشكله


اخر شيء قطعوا الماء عن كل الحاره وسووا الحفريات الثالثه

وسلكوا مواصير من جديد

طيب الشركه الاولى والثانيه....وين اللي يراقبهم
لا حبيبي لاتقول يدورون مصلحتنا ...ذولا ناس تدور مصلحة نفسها

يعني تخيل بمشكله وحده ثلاث شركات وكل واحد يآكل فلوس

واخر شيء يدورون مصلحتنا؟؟

حنا مانقول لاستفيدون....يستفيدون...بس لاينصبون وياكلوننا ...من غير فايده

أكيد الحفريات لها فايده بس لازم تتخيل حجم المشكله...اللي حنا فيها كمواطنين

يعني موب يحفرون ويجلسون لي شهرين ...ليته شهرين على شغل ..لا

تلقى راعي الشركه ناقل عماله لموقع ثاني يشتغلون

ولا فاتح مكتب مقاولات ويخليهم يفزعون :D :D

وبالاخير يزفلتون ...ويطلع الشغل بربسه :bad :bad :bad

هذا اللي يقصده الاخ ياسر

وشكراً

عنـــــدي حل !!!!
 

قـــــدمــــو ا

شــــــكــــــوى

7
7
7
7
7
7
7
7
7
7

يمكن تفيد !!!!

يا حبيلك وش قال دول ناميه : جيدين بالحفريات لعنبو أبو أبليسهم يصنعون طيارات

إلكترونيات شي ينفع مو جيدين الله يعزكم بالمجاري كل يوم حاطين لها ماصوره

والله لو بريده كلها به XXXXX الله يكرمكم أعذروني على الألفاظ بس واحد يجي يقولي

هذا تقدم وتطور . الواحد لا طلع منا أهترع شي كتمووووووو أبو أبلسه تزعل عليه

ماما أمريكا . تصير أرهابي . تسعى لأختراع شي يغنيك عن أمريكا .

... يكفيك شارع الخبيب من الدباشه زفلتوه زين وخلو الرصيف سخيف وحطوبه

شجر يعني أبو هنود لاجاء يبي يشووووف سياره جت ولا لا ما يمديه يطلع خشمه وراسه

إلا ضافينه . لعنبو أبليسكم ياللبلديه حاطين شجر وشلون يبي يشوفون الناس وشارع الخبيب

مزحووووووووم دوووووووووووووم .

من يوووم طلعت على الدنيا وبريده يشتغلووووووون بالحفريات . والله حاله

أشكرك الجميييييييييييع على التفاعل ولكم مني خالص حبي وإحترامي

وأعذرونا على الألفاظ اللي نص كم

...

للتواصل والسواليف تراه نرحب ونهلي :

yaser3d@hotmail.com

أبشركم يقولون إننا قربنا من الكنز وانهم يبي يعطونن منه .. علشان ردي هذا.. :)

أما على طاري دوله ناميه فهي ناميه فعلاً ... فولو قارنا نمائنا بنماء دولة الصومال .. نجد أن الصومال الحفريات الي عندهم على الرصيف .. ماء وهاتف وكهرباء مسؤولية دائره حكومية بالحفريات وتتعاقد مع الشركات بشروووط

ولعلمك يا دوله ناميه .. واحد يذكرلنا من وزارة الصحه .. أنه كان هناك مشكلة في ماصورة الإحتياط الي تذهب لقصر( ص س م الأمير) فلان بن فلان حفظه الله فجائت الشركة إلى الموقع وخلال سبع ساعات إنتهوا من وضع آخر حبه من (عيون القطط) ...

وعندنا الحفريات الي ما تطول .. شهر كحد أدنى إذا كانت المشكلة سطحية أو بزبوز خربان ..

ولاتحرصون على الشكوى .. ترى كل ورقه تجي لمهم يطولون زود بالحفريات ...

ويا قناص بريده شكراً على المشاركه الجميله ...

من صالحنا .... قصور .... لانعي مانقوله ..
قد يكون ذلك ... لم لا

يا حبيلك أخوي هــــتـــــلـــــــر ومشكور على الزياده

ياحليلكم ما شفتوا شي تعالوا بالرياض حافرينه حفر