|
سامي الشلهوب يدرب ياسر الدعيع |~
:cool: يَا ولد يا ولد بووه أحد ؟! يالله خلوا الحريم يتغطن .. أدخل ؟ هااااه السلام عليكم .. :) وحنا ( بطلعة الجمعة ) يوم الخميس باستراحة الثلاثاء .. كالعادة الشباب مجتمعين وكل واحد يعطينا سالفة .. ( القانون المتعارف عليه .. اضبط تسذبك ولا سهجناك :cool: ) .. اهم شيء كان فيه واحد ضيف اللي جايبه واحد من اخويانا .. يقول إنه ولد خالتي , عاد ما ندري عنه .. ومن سالفة لسالفة ومن قصة لقصة .. والكل يستمع .. طبعاً الضيف واضح من شكله إنه راكد وحبوب وصادق بتعامله .. حب يشاركنا بالتسذب أقصد بالسواليف .. انصتنا له وآذاننا صاغية .. يقول مرة رحت للرياض .. ( طبعاً هو خبوبي ) .. وحنا ماسكين الطريق كنت أفكر وش أنا أبسوي بالرياض .. (( لا تقاااااااااااااااااااااااااطع كلامي , خلن أهرج )) .. << يهوش واحد من اخويانا .. وش وصلنا .. ايه ايه ... أهم شيء فطنت إنه فيه مباراة هناك .. ( وقسم بالله يولف ما يعرف بالكورة ) .. طبعاً كانت المباراة بين المنتخب السعودي والهلال .. ( سجل أول تسذبة ) .. وكنت أمني نفسي إني أشوف اللاعبين على حقيقتهم .. وقلت إن شاء الله تتحقق .. طبعاً الكلام ذا يوم السبت الماضي .. ! وصلت الجمعة وأنا تعبان .. استاجرت فندق 5 نجوم ( سحل ثاني تسذبة ) .. ونممت :099: قمت أصلي الفجر مع الجماعة .. ( هذي شكله صآدز ) :d أهم شيء الوقت راح كله دوران .. رحت للملعب المغرب عشان أشوف اللاعبين وهم يتدربون .. دخلت المعلب بصراحة خفت .. الكراسي كثييرة .. < لا ياشييخ .. :mad: أثر به بعض اللاعبين جالسين يتدربون .. من بعيد لمحت سامي الشلهوب يدرب ياسر الدعيع .. ! طبعاً استانست كان فيه يوسف أبو اثنين يستهبل مع الجماهير الموجودة .. ( سجل يا مسجل ) .. وهو يسولف قاطعه واحد من اخويانا وقال له : معليش يالغالي .. بس أنا متابع للكورة ولا فيه أي مباراة يوم السبت الماضي .. :p :07: (( الرجال إلى يومكم ما شفناااو )) .. شطحة / القصة من نسج الخيال .. فصدقوها .. :d |
ههههههههههههههههههههههههههههههه
وآآآآآآآآوك والله يا قصتك مدري سالفتك ذي مدري روايتك ذي جونان واجن من التجنجن هم بعد الحين يا عيال قريح تتجمعوون بالاستراحة انتم وانواع التوليف يعني اجل على كذى استراحتكم قلبت استراليا من كثر الارانب الي فيها ويخترشن ولا من قوه كذبكم بعد طلعن ارانب تطير هم بعد يالب الخيال مالك ولب قصصك الخيالية بعذر خويكم الجديد ما شفتوووه انشطب راسة منكم يالكذوبين انتم اجل بفندق وصلى الفجر بجماعه صدقتوها ذذ كان عديتها مع الي عديته من قبل بعد ما بقي الى هي اجل الملعب فية كراسي كثيرات ذذ |
اقتباس:
يَ هلا يَ هلا .. أشد من استراليا ... شرفتني يَ الغالي .. |
اقتباس:
ياااكثرهم في كل مكان وياما تبي تشوفهم هههههههه |
اقتباس:
|
اقتباس:
الله يهاديك ياكايدهم كثير نشوف هاذي معك |
هههههههههههههههههههههههههههههههههههههه
للاسف النوعية هاذي من الناس كثرت في مجتمعاتنا ومن يركز في حكي الناس يدري ويلاحظ مواطن السذب>>>هههه بس اقولك شي من كثر الكذب صرنا نحكر السالفة وللمعلومية وانا اقول صرنا يعني مجتمعنا ههههه لاحد يفهم غلط |
عز الله
طاح بك! صياغة جميلة للموضوع |
المشكلة الي يزود السالفة ١٠٠ و ٨٠ درجة. : d
|
أستغربت شي واحد بس واحد ولا الكذب ولزوم تكمل السالفه هين الخير واجد لكن اللي استغربته انكم تسمونه استراحه وانا أذكر أن الشباب يطلعون للـــــــحوش !! |
.............. والله يانا دخلت جو مع السالفة بس والله اني انقهرت يوم قلت من نسج الخيال
.............. يا أخي كان مشيتها علينا حتئ يصير المنتدى على ماقال استراليا اقتباس:
والله ياهو انقلع مُخيخي السفلي من ذولي |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
[ أعتقد إن الحوش للشباب الطآيش ] << توقعآت .. اقتباس:
الجميع ما قصر .. |
ومااكثرهم
|
والله من التوليف بها الإستراحات
لكن رواية تربوية هادفة تستحق التثبيت عفو الحذف |
| الساعة الآن +4: 06:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.