|
مشكلتي مع مصلحة المياة اللامنتهيه :(
بسم الله الرحمن الرحيم
السلام عليكم ورحمة الله وبركاته اسعد الله مسائكم / صباحكم يـ اعضاء هذا المنتدى الغالي اطرح بين يديكم عتب مخلوط بشكوى مخلوط بـ عطش حتى يأتي صهريج الماء ليمدنا بالماء بعد أن اخذ اتعابه وعليها زياده بسبب مصلحة المياه هذا سلمكم الله من سكنت البيت وشبكوا لي الماء والماء غير طبيعي طبعاً بعد فترة بسيطه جداً من وصول الماء لـ خزان البيت تفاجأت بطبقه بيضاء سميكه في قاع الخزآن وهي عباره عن بودره واوساخ الشبكه الجديده ناهيك عن الرآئحه الكريهه اخذت عينه من الماء ووديته لـ المختبر الخاص بالمصلحه وقلت شوفولي تكفون صفاوته من عدمه وبعد التحليل قالوا لي هذا الماء غير صالح للشرب ونسبة الأملاح فيه عاليه جداً وكلمة غير صالح لـ الشرب << تعتبر مدحه لـ الماء الواصل لبيتي بصراحه لأن الماء نسبة الملوحه فيه عاليه وايضاً فيه ماده بيضاء تخلي الماء اشبه بالماء المخلوط مع حليب اخذت النتيجه وطلعت على المصلحه واول موظف جيته بالمصلحه قلت له هذي نتيجة الماء الواصل لبيتي :bad قالي كلامك غير صحيح ! قلت كيف يعني غير صحيح ؟ هل تقصد بغير صحيح إني اكذب عليك ؟ قالي لا ما تكذب بس كلامك غير صحيح والماء اللي يجيك من المصلحه لازم يكون سليم ! قلت إذاً انت تكذبني بس بطريقه غير مباشره :bad تركت هالموظف هذا وطلعت لأحد يعرف كيف يستقبل المشتركين ودخلت على المدير العام هنآك واستقبلن إستقبال جميل كمبدأ وقالي مستحيل يجيك ماء غير صالح لـ الشرب ولاكن لكي لا نستبق الأحداث خلنا نرسل معك احد موظفين المختبر علشان يآخذ عينه وبعدهها ترآجعنا قلت حلو اقل شي احسن من الموظف الأول اللي ماقام من كرسيه وماغير يقولي كلامك غير صحيح ! يعني بالمختصر المفيد أنه تم إيصال الماء لمنزلي قبل تنظيف الشبكه والمشكله شبكوا لناس بعدي وهو بنفس المشكله :( جاني الموظف ومعه القاروره وأخذ عينه من الماء وفجأه جاني الموظف ومعه اكثر من موظف وقالي فعلاً الماء عندك فيه مشكله واي خسائر بيتم تعويضك واي وقت تحتاج ماء نرسل لك وايت لحين تنتهي المشكله قلت انا اوكي مافيه مشكله << بسرعة رضآ :) جبت عمال ينظفون الخزان بس المشكله الرأئحه مازالت موجوده بكل اجزآء البيت وحصل لي بعض الخسائر مثل فلتر الماء << مركب له كل فلاتره جديد وبسبب الماء كل الفلاتر خربت :( والخزآن تشرب هالرائحه 8 8 كل هذولي نعديها لو انتهت المشكله بوقت قصير لاكن مشكلتي قسم إنه لها حوالي الأربع شهور وانا كل يوم داخل عليهم بلا فائده غير وايت الماء اللي كل يوم ناطن عندهم اقولهم خلص اللي بالخزآن وش السوات ؟ ساعدونآ يـ وجيه الخير |
الحل طال عمرك ترسل برقية للملك ولوزير المياه على هذا الرقم وتشرح كل التفاصيل لهم
ويبي يجيك الرد خلال كم يوم يتصلون عليك المصلحة 969 << برقيات . بالتوفيق . |
اقتباس:
كلام سليم |
الله يكـــون بعــونـــك *** |
حسبي الله عليهم
لو هي بيت مسؤول أو أقل تقدير بيت موظف من موظفيهم إنتهت المشكلة بساعة والمشكلة الماء تبعهم غربه وياخذون عليه دراهم !!! |
قدم شكوى على سمو أمير المنطقة وإن شاء الله تنحل مشكلتك ..
بس ياليت تسأل جيرانك هم مثلك ولا لا .. وتقدم إنت وياهم هذه الشكوى .. وراسلني على الخاص قد اقدم لك المساعدة ولا أبي غير الدعاء .. |
الله يكون بعووون الجمييييع
|
وين ساكن ؟؟
الامر مهم |
[FONT="Simplified Arabic"][SIZE="4"]
اقتباس:
الرقم وعرفته بس البرقيه كيف ارسله ؟ يعني عن طريق رساله بالجوال ولا كيف ؟ اقتباس:
اقتباس:
اقتباس:
مستحيل تطول المسأله كان قامت الدنيآ ولا قعدت اقتباس:
اقتباس:
غرب القصور الملكيه في مخطط اسمه مخطط السعيد يعني اقرب مالي طريق العليا وقصر الأرياف |
000000000000000000000000
|
[IMG]http://www.m5zn.com/uploads/2011/4/2...1l7p069y87.jpg[/IMG]هذي صورة الموقع
|
رد على عربي
هذا الموقع ظاهر بالصوره اللي فوق طبعاً جيرآني المشتركين يجيلهم 7 بحكم إن الحي جديد وانا صايرن بآخر الحي ونهاية الشبكة عند بيتي يعني يتجمّع كل الأوساخ عند بيتي والجيران كلهم حصلوا عندهم المشكله بس بنسبه بسيطه واكثرهم إستراحات فما حسو بالمشكله مثلي انا علشاني بيت والله يـجزاك خير اولاً وأخيراً يـ عربي على تفاعلك |
اخوي الغالي عبود زماني
انا اعرف شخص بالمياه وراح اطلب منه يشوف موضوعك بشكل عاجل وانت ارسل لي رقم العداد حقك واكرر (( رقم العداد )) وابشر انا راح اسعى لك بالموضوع وراح احاول احل مشكلتك وانا بانتظارك وبالتوفيق لك |
اقتباس:
|
| الساعة الآن +4: 10:00 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.