|
ولدي دمر حياتي وش اسوي ابي حل
بسم الله الرحمن الرحيم
السلام عليكم ورحمة الله وبركاته يا ياعالم انا تعبت خلاص ابنجن والله تعبت افكرر اقتله او اقتل نفسي عندي ولد عمره 22سنه من يوم هو بالمتوسط وانا مشاكل معه حول النظافه والمذاكره وكان مايذاكر الا بلهوش والعقاب المهم دخل الثانوي وزادت مشاكله وبلاويه صار يكلم نفسه يغني بلحمام يجلس عند المنظره بساعات ويكلم نفسه صبرت وتحملت لين جت مرحلة ثالث ثانوي ورفض يكمل ثالث كل مادرس رسب لين عطوه ملفه وله الان 4سنوات جالس بليت مايطلع منه ابداا ولا يتروش نهائي اذا طلبت منه الاستحمام جاب عشرين عذر جته حالة يغسل ايدينه بستمرارر جدا الي درجة انه يجلس على المغسله فوق ساعتين ووديته النفسيه وقالوا عنده وسواس قهري وصرفوله علاج صار يكلم نفسه ويحرك ايدينه كان حوله احد ومايطلع من المكان قمت ووديته عند شيخ يقراء قال مافيه شي الان انا تعبت جداا منه مايتروش ابداا واذا طلبت منه يصلي يصلي بدوون وضوء ويحلف وهو يكذب يقول انا متوضئ وكل ماطلبمن الاستحمام يجيب اعذا بكره بعدة او يلبس ثوب نظيف ويقول تروشت لين جاها مرض الناسور يوم قلت للدكتور وش سببه قال عدم النظافه والان يتعالج يسوي تصرفات غريبه اذا اكل طعام او شرب ياخذ العلب الفارغه حقت العصير ويحطها بلحمام او فوق الغساله على الملابس مايرميها برى او بحطها بسطل النفايت الموجود بلغرفه والممرات تنظيف اسنان ماينظف اسنانه ابدا مخليها كذا معفنه مايتروش نهائي مايتوضاء بعد القضاء عنده نظاره عشان عنده ظعف بنظر مايلبسها ابداا تاركه والدكتور يقول الشبكيه عنده تعبانه لايخلع النظارات يوم سمع الدكتور يقول صار مايلبسها 24ساعه ساكت انا تعبت من تصرفاته الخاطئه وافكاره الغريبه جداا مايبخث عن شي يفيده بس جالس من الصبح لين الليل وعلى هذا الحال حتى بنفسه مايهتم تكفوون عطون حل مع هذا الولد الي قلب حياتي فوق تحت الان عمري 40سنه فيني سكر وضغط وقولون اصبحت كلي امراض من هالولد كل شي سويت له ابيه يصير مثل او لاد الناس تعبت جداا خاصه بفترة الثانويه اخر شي ماخذها بطلعت الروح وصل ثاني ثانوي بس ووقف عليها حتى بيتنا صار بسببه كله مشاكل انا الان وش اسوي معه تعبت جدااااااااااااا وين اوديه الله يوفقكم ويجزاكم كل خير ساعدوني |
لا تبخل عليها بدعاء .. دعاء الوالد مستجابه وياليت تأخذه للحرم اسبوعين كاملات اوشهر وتكون يده بيدك والحمام عود امه تدخل معه يأخذ حمام وبأشرافك ولا تتوقف عن القراءة عليه اقراء عليه انت الله يشفيه ويهديه ويقر عينكم بنفعه .. |
لا تحمل نفسك المزيد من الظغوط النفسيه واهرع الى رب العالمين في الهزيع الاخير من الليل وتضرع اليه ان يشفيه مع اظهار الذل والانكسار امام رب رحيم لا يخيب من رجاه ووقف بابه جل وعلا .
|
أنت فعلت الأسباب والباقي على الله وبعدين ريح أعصابك ترى ماراح تستفيد مادام حالة كذا الله يشفيه ويعافيه ويلطف بحالة الحل الوحيد اللي تقدر تسويه ؟ هو الدعاء لاتنساه من صالح دعاك الله يكتب لك الأجر ويصبرك أخي حكاية اليمة |
اقتباس:
+1 وازيد لا تنسين القيام ليلا والدعاء والثقة الكاملة بالله انه هو الشافي المعافي |
الله يشفيه
انااقول راجع دكتور نفسي وان شاء الله يحل المشكله كثير ناس جاهم تسذا وراجعوا طبيب نفسي واللحين ماشاءالله عليهم بصحه,, |
لا حول ولا قوة الا بالله
اولا واخيرا الدعاء اخر الليل وانت لابد ان تجلس معه وتشوف وش يبي وتسولف معه ميخالف لو تقضي يومك جنبه يمكن يكون تفكيره وفرحته فرحت اطفال وايضا الطبيب النفسي تردد عليه.. ومثل ماقال اخوي روحو للحرم يومين وشكرا |
عمره 22 سنة رجال مهب صغير
الله يعطيك الصحة والعافية 1 / احتسبي الاجر واصبري واعلمي ان ابنك يتصرف من غير وعي ( يعني لاتزعلين عليه هو مايقصد يزعلك او يظايقك يتصرف من غير شعور ) فركزي على هذه النقطة يمكن تصبرك اكثر 2 / الدعاء والتضرع لله بالشفاء والعافية وتحري اوقات الاجابة 3 / الاستمرار والمداومة على الرقية الشرعية بالبيت من تشغيل اشرطة الرقية الشرعية بستمرار طول الوقت و المتابعة عند قارى موثوق وذو دين وورع 4 / الصدقة بنيت الشفاء واعمال البر التي تستطيعونها له 5 / حاولوا تعرفون سبب المشكلة ( من داخل البيت او خارجه ) هل كان التغير مفاجئ ــ فقد يكون مس او سحر او نفس خاصتآ اذا كان ابنك انسان طبيعي منذ ولادته الله يشفيه ويعافيه ويجعله قرة عين لك دمتم بخير |
اقتباس:
الله يصبرك ويجزااك خير ودعيله وديه لي دكتوور نفساني ولا اقري عليه ولا شربيه قراان الله يعافيه ويشفيه يااااااااااااااااااااااااااااااااااااااااااااااااا ااااااااااااااااااااارب |
الله يقر عينك فيه ويهديه اتوقع من شده حرصكم تعاملونه معامله سيئة وتجعلونه مايتحمل مسوليه نفسه قبل المسؤلية عموماً لانكم تعاملونه كالطفل تماماً ولا تعطونه حريه يعني وشفيها اذا غنى بالحمام واذا طول بتغسيل يديه وبعدين كبير هو على انكم تأمرونه بالنظافة وتفريش اسنانه ومن ناحيه صلاته بدون وضوء تظاهر بأنك مصدقه لانه بنظرك اكبر من كذا واظهر له انك فخور به وتثق به تماماً بذلك سيحرص على ان يكون كذلك اجعل له حريه اتركه ليتعلم من اخطائه و يبحث عن الحلول بنفسه لا تمشي معه كظلاله وكأنه طفل تخاف عليه من السقوط قم بتوجيهه بالمعقول واجعله يسقط وينهض بنفسه.. |
انت تقول من يوم هو بالمتوسط بدأت المشاكل معه يعني يوم هو في الابتدائي كان وضعه ماشي ؟؟
عموماً انصحك بالاستغفار والله يشفيه ويصلحه |
اخوي الله يهديك انت كانك تلومة على شي ماله ذنب فيه هو مريض نفسي واكيد هو يتعذب وتعبان حرام تلقي اللوم عليه بشي مو بيدة
انت تلومه لانه يكلم نفسه بالحمام ويسوي تصرفات غريبه بسبب المرض الي فيه حرام عليك بس ايش الي سبب له هالمرض؟ هل انت تعاملت معاه بقسوة أيام المراهقه؟ الحل انك تدعو له وتقرا عليه وتوديه دكتور نفسي زين مو اي دكتور وتستمر معه في العلاج مهما يطول لين يطيب وانك تعاملة برفق وطيب |
الله يهديه يارب عندي اقتراح ليش مايفتح قسم للمشاكل الاجتماعيه نبي حلول الاشياء كثيرره ومحتاجين هالشي بقوووه |
تحمل فانت مأجور ..
دلعه اغادي ينفع به الدلع .. والا من وين جاه الوسواس القهري ..؟؟؟؟ اكيد انه من قهر من شيء ... لاتقارنونه بعيال الناس يتحطم وينقهر .. عليك بالتعبد ... زود من عباداتك ... تصدق .. اكفل يتيم .. الاعمال الصالحه هي من تتكفل بتربية الابناء .. |
| الساعة الآن +4: 06:23 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.