|
أبوي يقول نعم وش تبي !
بسم الله الرحمن الرحيم السلام عليكم / عندي موضوع وأبيكم تعطوني الحل بصراحه طفشت وتعبت وصرت كاره نفسي وجاني وسواس أن مافي أحد مهتم فيني وأن كلآ كارهني حتى أبوي أنا مشكلتي هي أني موظف في الشرقية و كل ما جيت أكلام أبوي عن طريق الجوال وبعد ما أسلام عليه و أطمئن على صحه يرد علي ويقول بخير نعم وش تبي يقولها بكل عصبيه أقول له يا أبوي ليه كل ما أكلامك نفسيتك مو زينه يرد علي يقول أنا ماني فاضيلك أنت تبي شيء ولا أخلاص علي :eek5 كل يوم على هذا الموال أحس يوم أكلمه كأني عدوه مو ولده أنا تعبت وكره الدنياء إذا أبوي مايتكلم معي بحب ليش أنا أعيش في الدنياء :eek5 |
عايش في الدنيا لغرض العبادة أولا قبل كل شيء ثانيًا .. بعدك عن والدك زرع بقلبه بعض الـ " شرهة " و الشوق لك ولكن شوق المتكبر ... و سنعبر عما إن كانت شخصيته إحدى إثنتين و الواجب عليك أن تأتي ولو لـ يومين لترى حال والدك ربما مايخفيه عنك أكثر من صوت عبر مكالمة جوال ويبدو لي أنه بحاجتك كثيرًا .. إما ماديًا أو معنويًا فـ نصيحتي لك أن تحاول الحضور في إجازة أخر الأسبوع و تشتري له هدية مفضلة لديه و تقبل عليه إقبال المولود على والدته .. بشوق لـ حنانه ضمه ضمة لهفان لرؤيته .. كي يحس بمدى إفتقادك له رزق الله رضاه ورضى والديك .. وبارك بك و بعملك |
كثير من الابآء بحكم البيئه الجافه اصبحوا يكابرون عند ابنائهم فيعتقد انها تضيع رجولته اذا عبّر عن حبه لابنه,, وانت لاتحكم عليه بالكلام فقط,,,احكم بالفعل اذا اتيت انظر كيف يستقبلك,,يسالك عن احوالك وشغلك ستشعر انه مهتم بك كثيراً,,, |
متصفحه>>> كلآآآآمك عين العقل |
. . . لربما أن والدك يسـارع في إجابتك رغبة في معرفة ماذا وراء الإتصال لإنه فرح بوظيفتك ويخشى أن تبدي له تذمرك من وضعك هناك أو أنك دائماً ماتلح عليه بطلب أن يبحث لك عن واسطة لنقلك وليس بإستطاعته ذلك ... ولذا تجده يفعل ذلك خشية ,, لا أكثر .. . . |
ياخوي مو بس أنت أحمد ربك فيه ناس أعرفهم توضف ولدهم صدق أن أبوه فرح
بس أبوه كم مره طرده من البيت ويرجع ألولد عشان أمه وخوه الثاني يكرهه وبوه عطاه السياره بعدين أخذه منه ويقوله كلام ماينقال بس عليك بصلات الليل والمحافظه على الصلوات وأن شألله بعدأذن الله راح تشوف أبوك وش يبي يصيرلك |
كلااام حفيد اعقيل ماشاااءالله :41
واستغفر ربك ليه اذا ابوي مايبيني خلاص وهذا ابووك مهمااا كان يمكن انت حساس وتفهم غلط واهم شي اهم شي تذكر العااافيه اللي انت عايش فيهااا واحمد ربكـ ليه كل هذااا |
يمكن فيه شي بالخاطر...
اذا رجعت اجلسوا انت وهو جلسه وديه وانشاء الله مافيه الا كل خير...... |
ابوك شكله مزاجي ويعصب على اشياء تافهة ؟
|
لا عااادي جداَ
بس انت حساس مره , وشكلك كل يوم تتصل عليه وغير كذا ماعندك جديد بس تسلم عليه , خذ الامور ببساطه ولاتتصل عليه كل يوم بكذا ينزعج منك . وهذا ابوك اذا ماتحملت ابوك وهو كذا اجل لاشيب واحتاجك شلون بتراعيه وتتحمله .. ................. |
احس ان ابوك فاقدك وماوده يسمع صوتك علشان مايضيق صدره
ولاوشو الواحد من غير الابو او الابو وشو من غير الولد |
عزيزي عابر .. قبل كل شيء ، هنيئا لك ! عندك والد ؟! تدري وش معنى أن يكون عندك أب !؟ إذا ودك تعرف أسئل يتيم ! أو أسئل واحد لم يتجاوز الرابعة من العمر وعاش 31 سنة و منظر الرحيل الأبدي يعانق خياله منذ نعومة أضفاره ! أسئله عندما يكون بأمس الحاجة لمن يستشيره أو ينكب بين يديه مستجيرا من حر الرمضاء و لهيب أشعة الشمس الحارقه !! يا عزيزي فضاضة القول ! أو غلاظته لا تعني أنه لا يسري بين جنبيه أعذب شرايين وعروق الحب الدفاقه ! لكنها حشرجة تواري من ورائها دموعا منسابه ،،! يريدك أن تكون ذاك الرجل الذي لم يوصله اليه مشوار الحياة الطويل ! أن تتحمل ! أن تقوى على مرارة الاشتياق ولوعة الفراق التي أجرت على شفتيه كلمة ( وش تبي ) و في أعماقه نائح ينوح ! ولهت عليك يا ( .... ) يا عابر :) همسات حنونه .. 1 ) لا تكثر الاتصال عليه و خصص يوم واحد في الاسبوع .. و أجتهد لمعرفة الوقت المناسب .. 2 ) هدية مهما كانت قيمتها وأبعث بها مع رسالة .. بكلمة واحده ... ( أبنك المحب .... ) .. :) 3 ) تلمس أحتياجات الأسرة و أسئل الأكبر سنا في البيت عن مشاكل العائلة خصوصا المادية .. 4 ) اذا بدأت المكالمة أشعره بحرارة اشتياقك له .. وحاول أن تسأله عن أحواله الشخصية دائما أو أهتماماته .. وأخيراً ... كلمة عبور الى قلبه يا عابر ... قلها ولا تخجل ، قلها وقلبك مليئ بمثلها .. قلها ودع الدموع تعبر عن حالك ياعابر..بعد أن يرحل بعيدا بعد عمر طويل ... قلها وأدع لي ................. أحبك يبه (f) |
أصبر ياخووي الله يخلي لك أبوك ترى الصبر مفتاح الفرج أنت أبووك يمكن أنه من حبه لك وشفقته عليك يخاف تطلب طلب مو قادر عليه ولا يبي يردك وانت بعيد عنه عشان كذاء يقول بس خلصنا وش تبي أعرف وحده من اقاربي ابوه ماسلم عليه سبع سنوات هي دوره بكل مكان عشان تسلم عليه وهو يطرده على لاشي سووته بس كلام مفترى عليها به والحمدالله بعد سنين كان يدعي له ويخصه بدعاء ويدق يسلم عليه ويقول يابنيتي حللين على الي سوويته |
كثير من الاباء خاصة كبار السن تكون معاملتهم جافة شوي مع ابنائهم او ما يعرفون يعبرون عن اهتمامهم الجدي فيهم ,, تأكد ان والدك يحرص عليك ويحبك اكثر من نفسه بس يمكن طبعه قاسي شوي كذا .. احمد ربك واكسب بره .. غيرك يتمنى تواجد الاب ولا هو محصله تحمل واترك عنك الحساسية هذي والزعل خاصة مع والديك .. حاول تتقرب منه بشكل عادي واذا قالك كذا رد عليه وحشتني واشتقت لك .. وفقك الله ,,,,, |
| الساعة الآن +4: 07:06 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.