|
وه وه ياكلمني (والكل له وجه نظر)
السلام عليكم
هذا موضوعي ما ينسكت عنه ابدا ابدا :oo:ooطفح الكيل وراح احكي لكم القصة -------------لا الرواية من طقطق الى السلام عليكم وانا اقبل ردودكم (بصدر رحب) في يوم من الايام فكرت اشتري جوال وامدحت زميلتي لي محل جوالات اللي هو (كلمني) في بريدة بسوق الديرة (الصناعة -او يقولون عنه بجانب سوق الذهب) رحت له قلت:اريد جوال جالكسي يكون صناعة (كوري) لانه كثير من الناس يمدحونه لي قال:ما عندي الي عندي(محجوزات) لكن فيه مثل صناعة الكوري وافضل صناعة (---------)وسماه قلت:لا مابي الا (كوري) قال:انو فيه.................و.......................و..... .............. ومن هالكلام واذ جاه شي يكون (بضماني) وشريته منو واللي حصل حصل قال :والبرامج بالمجان لكن يستغرق 2يوم قلت OK وبعد .....2يوم رحت له قلت :خلص قال:هاه لا :i125:i125 كيف غير اليومين ساعتين والله لو ابحلف انو ماتذكروا الايوم قلت له خلص والا شو يبي تحميل البرامج وبعد كم.............استلمت الجهاز وبسم الله دخلت الشريحه ولقيت فيه مشكله انو مايكلم ولا يرسل بس يستقبل كلمت وكسرت التلفون ولا احد يرد ثم كلمته بعد وقال ردي الجهاز لي رديته وقال :يطلع بعد يوم ورحت له في اليم التالي قلت خلص قال:ماخلص وانكم انتم اللي مخربين تحديث الجهاز و...............و............ بسم الله كيف بيوم نخرب الجهاز وانا فقط دخلت الشريحة حتى ولا شفت البرامج ويوم اني شفته كذا قفلته لكن مااقتنع وقال:يطلع بعد اسبوع وبعد اسبوع لقيته ماخلص وعاد لي السالفه من جديد ويقول يبي له اسبوع ثاني قلت:اشكوى لله رحت له الاسبوع الثاني قال:ماخلص الا الحد ارتفع ضغطي والله لو يصنع كان ماستغرق الوقت هذا وبعد الاسبوع الثالث نفس المشكله .............ماخلص وبعد جدال اه اه اه طلعه لنا في الاسبوع الرابع يعني( شهر) مسكت الجوال لقيته حاااااااااار شوي شحنته فل ارتفعت حرارته وينقص من شحن الجوال فقط بمجرد مااناظره وشلون لو استعمله كلمته وخبرته بالمشكله قال::mad::mad: التحديث وصلحناه الباقي مالنا شغل بسم الله(h)(h)(h) والله لو اني مستخدمته وحلو ثم جاه الخراب كان اقول ممكن منا واعترف بالخطاء لكن كيف يبي اعترف واحنا ما استعملناه ابد قلت: شلون يعني.............................................. ...................:confused::confused::confused: والقهر الثاني اني شريته 2100 ونزل من سعره الى ان وصل الى 1300 وانا لم استخدمه الى الان والجهاز سوف يرد له ويمكن يجلس شهر الله اعلم هل يعقل هذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انا بانتظار ردودكم ووجهات نظركم؟؟ |
المرة الثانية خلي اخوك هو اللي يشتري لك جوال .. وهو اللي يتواصل مع صاح المحل
مو انتي كل يوم والثاني رايحة له وإلا متصله عليه :mad: بصراحة لاقينكم حريم ويلعبون عليكم , وانتم اللي عطيتوهم المجال بعدين انتي رايحة تشترين جهاز صناعة كوري ,, ليه تآخذي صناعة ثانيه اخيراً الخوف يكون مستقصد التأخير علشان يدوم التواصل بينكم ,, فالحذر واجب والشيطان موجود .. ومايحتاج اقول حيلهم ولعانتهم ( ولا اقصد صاحب المحل بعينه لكن بشكل عام والبعض منهم ) اعتبري الجهاز انسرق ومعوضه خير |
:i121:i121:i121:i121:i121:i121:i121:i121:i121:i121
حسبي الله وهو النعم الوكيل مالقى احد , شوفي روحي لمه لك يوم وادعي عليه قدامه خليه يتوحش , هذا نطل عينك عينك .. وقولي له الجهاز وما ابيه ونبي نتحاسب عند رب العالمين ,, |
ذكرتيني بغباي
لعب علي قبل 4 سنوات الله لايسامحه ولايوفقه يارب شريت من عنده جهاز ورب البيت خرب من أول يوم والله ورفض يزينة ورميته بزباله وبعدها تبت مالك ألا جرير والحداد والأماكن المعروفه والموثوق فيها الله يعوض عليك |
انا حصلتلي نفس المشكله في الجالكسي لاكن ارسلته لاضمان وعطون جديد
لاكن لو شريتيه من النافوره كان افضل |
غياب الرجل عن الموضوع له دور
لديك أمرين .. إما أن تستعيني بـ أحدهم للتفاهم معه أو أن تهملي كل مافات وتنسي أمر ذاك الجهاز وتستعيني باحدهم لشراء هاتف جديد و جبر الله مصابك بهذا |
اكبر غلط انك انتي تروجين تشرين الجوال ما هنى الا اخوك او ابوك دخلت انا الصراحة عليه كم من مرة اسمع هرجه واضح انه يلعب على الحريم بالنسبة اذا تبين الجوال يرجع لك روحي انتي اخوك والا ابوك وتفاهمي معه انتي تروحين بلحالك ما ينفع(f) |
*
غريبة صاحب المحل واضح انه أمين ! قد بعنا عنده آي فون وشرينا بلاك بيري تورش ويشهد الله جديد وعليه ضمان وماهنا زينه ! وكلنا كنّا حريم p = مير خوذي معتس رجال يفهم بالجوالات والتقنية وخليه يروح يتفاهم معه , واضح انه منلحس مختس ! * أخت صاحب المعرف = ) |
رحمتك والله نفس معاناتي
دخلت للسوق قبل 3 سنوات وسألت صاحب محل أحذية عن محل جوالات وقالي: ذولا حرامية ما غير يلعبون على الحريم ؛ارسلي رجال للنافورة ولا سمعت لكلامه ورحت لكلمني واشتريت جوال منه وقال: اذا جاه شي جيبيه لمي وارسله للرياض . وبعد فترة جاه خراب بسيط ووديت لمه على اساس يروح به للرياض لكن قال انا باصلحه بفلوس قلت مخالف واعطيته وجيته بالموعد وقال لي انه ضايع الجهاز اذا ما لقيناه بنعطيك جهاز جديد وبعد الانتظار لاسابيع وتكرار الذهاب لمه وآخر شي اعطاني فلوس جهاز مستعمل وراح الجوال هباء وليتني سمعت كلام صاحب المحل بس ما اقول الا حسبنا الله ونعم الوكيل وحسبي الله عليه |
الله يخلف عليك...تقهر هالسالفة تجيب الاحبااااااط
قولي لاخوك خلية يتفاهم معة .. |
ىبسم الله الرحمن الرحيم
لكثرة الاتصالات اللتي وردتني على جوالي انا / صاحب المحل |
ىبسم الله الرحمن الرحيم
لكثرة الاتصالات اللتي وردتني على جوالي انا / صاحب المحل احب التوضيح بما ان الحدث لاول مره وهو من النوادر والنادر لاحكم له الاخت الفاضلة استخدمت الجوال طلبت برامج الجوال ومن ضمنها الماركت وكما لايخفى على الجميع ان اجهزة الجالكسي بعد نزول برنامج الماركت على الجهاز فالضمان ليس مسول عن الجهاز واي تحديث يحصل على الجهاز يقفل مكان الشريحه لوجود الماركت فالاخت الفاضلة عملت تحديث للجهاز من نفسها والمحل والضمان غير مسولون وقد اخبرنها عن الشي وبعد العبث في الجهاز ارسلت الجهاز مع من نكن لهم الاحترام والتقدير وافهمناهم الموضوع كامل وهم متفهميين الوضع وهم ثلاث اشخاص منهم قريبنا واستلمنا الجهاز مع انننا غير مسوليين وتحملنا تصليحه مجانا والاخت الفاضله لم تراع الاوقات وكانت اتصالاتها في اليوم تصل لاكثر من عشريين اتصال ؟؟؟؟؟؟؟ واستلمت الجهاز بكامل عافيته بعد عشر ايام من مدت نزول التحديث ونحن مستعدون لاعلان اسماء الاشخاص من اتوا لاجل الجهاز وارقامهم وهم اقاربها لكي تتبين الحقيقه كامله ودمتم بود....... |
مرحبا
ايه الشكوى لله يعوضك ربي باحسن |
السلام عليكم الى صاحب المحل الفاضل:
اسالك بالله ........ ومن سؤل بالله فاليجب؟؟؟؟؟؟؟؟؟؟؟ هل في كلامي خطأ وا زيادة اونقصان أرجوا منك التوضيح؟ والله ثم والله اني لم اسمع ضمان الماركت الا من ردك هذا ولم توضح لي اثناء اشتراء هذا الجهاز او تدخيل هذة البرامج اما المكالمات لم اتجرى ان اكلم على الجوال الخاص (التي في كرت المحل )الا اذا لم يتم الرد علي من تلفون المحل والعشرين هذه من اكبر المبالغه فهذة حرام والله لا تسالن عن هذة يوم القيامة ورب كلمة تهوي بصاحبها الى النار والجهاز مازال على مشكلته من(حرارة زائدة+تفضي البطاريه دون استخدام) وهو سيرد لك اما ترد لنا الدراهم او جهاز اخر وذا يعتبر من غبن المشتري انك لم توضح لنا الماركت ولم نعلم بهذا ولو علمنا لم انه قد تسبب اذهاب الضمان لم نسمح بذالك. واقسم انه لم يتم طلوع الجهاز منك الابعد شهر من شراءه وانت تقول عشرة ايام والله حسيبنا وشكرا |
| الساعة الآن +4: 03:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.