|
قـصـة ضـيـاعـي فـي الـثـويـرات ..!!
السلام عليكم ورحمة الله وبركاتة ,,, صباح الفل والياسمين(f),,أهلاً بأحبابي جميعاً بعد انقطاع دام 7شهور<<أدري إن ماأحد دري عن:d, أعود بقصة حصلت لي ولن أنساها ماحييت, ماودي أطول عليكم فا خير الكلام ماقل ودل:) ,, "في أواخر الشتاء الماضي تقريباً "يوم اثنين شهر اثنين"<<أدري قديمة بس ماراح انساها,,كنا في رحلة أنا وعدة شباب الى نفود الثويرات من بعد صلاة الفجر كنا ثلاث سيارات سيارتي هايلوكس وسيارتين هايلوكس أيضاً فادخلنا من جهة البندرية للثورات طبعا أن بالمؤخرة وكان الأمامي يمشي على "القارمن"طبعاً أنا وراهم ماأدري وين أنا استمرين في المشي مايقارب ساعة كاملة:i121 أو يزيد<<يقالهم اطيور والله ماعندهم ماعند جديدتي وصلنا للمكان المطلوب وشبينا الضويه وبدأت الطلعة "لكن للختصار" وفي فترة المساء وبعد صلاة العشاء بالظبط وبعد أن جهزت وجبة العشاء وكان المكان ظلام جدا جدا جدا كانت الساعة7:30 أردت أن أتصل بالأهل,<<خبركم الولدة من الصبح ماكلمته ,,لكن المنطقة اللي حنا به مافيها إرسال فااستاذنت من الشباب ابطلع أحد النفد لعلي أجد إرسال فاشغلت الهولوكس<<الله لايعيده من تشغيله,فذهبت الى اقرب نفود بجنبنا حاولت وحاولت حتى وجدت إرسال فاكلمت الوالدة أني بأذن الله الساعة 11:30 عندهم,وبعد الأنتهاء من المكالمة طبعاً المكان مظلم جداً"لاحس ولارس":070:نزلت الى"النقرة" اللي به ارفقاي فلما استقريت في وسطها المفاجأة لاأحد .!! رجف قلبي رجفه لا اظن أنه يرجف مثلها أبداً استغربت أنا متأكد هذا مكان ارفقاي بدأ الخوف يلعب في قلبي ومن المعلوم أن نفد الثويرات شامخات كالجبال وأنا معي هايلوكس واللي يزيد الشعر بيت"البنزين تحت الربع النبة تبي تولع"(h)انا خارت قواي لكن قلت لعلهم بالنقرة الثانية وانا أروح للي بجنبه لا أحد قلت اللي بجنبه لاأحد!ماذا أفعل الآن أنا ضايع بمعنى الكلمة بدأت أمشي هائم الوجه لاأدري انا فوق الأرض ام تحتها:eek5 حاولت الاتصال لكن لا إرسال بتاتاً حاولت المراسل بالكنود لا فائدة رقيت احد النفد وأنا لاأعلم أين أنا يمين يسار لعلي أجد أحد لكن لا أحد الآن الساعة تقريباً8:30 يعني لي ساعة طالع من اخوياي من فضل الله علي اني يوم أخرج من اخوياي كان معهم كبس قوي يولعنه ويطفونه مجرد لعب فا أنا يوم رقيت احد انفد شفت النور بعيد جداً قلت الحمد لله نزلت من النفود واتجهت الى هذا النور لكن ماإن نزلت قليلاً حتى بدأت لاأعلم أين هو ومن أين هو صعدت مره أخرى لكن لافائدة النور اختفاء تماماً الساعة تشير الى10:00 ساعة ونصف لااعلم أين أنا بدأت بالدعاء والخوف والرجاء في هذه اللحظه نظرت الى"البنزين واللنبة"فاقلت إما النجاة أم الموت فاقررت أن أسير باتجاه معين والا أحيد عنه وتوكلت على الله وبدأت المسير من نفود لنفود ومن نقرة لأخرى مع الدعاء الذي يخرج من القلب لأني في تلك الأثناء لو توقف البنزين لو غرز الموتر ماذا سأفعل لا إرسال ولا ماء و شيء يوحي الى الحياة بدأت أسير بلا هدف الساعة تشير الى 10:30ساعتي لاادري اين انا في هذه الأثناء ومن بعيد سيارتين تمشي بين النفد,رجعت الحياة إلي من جديد أزدت السرعة باتجاهها لكن لافائدة بعيدة جداً لكن بقدرت قادر أدركتها بإعجوبه فلما أقترت منها وبديت اطنب وأشر بالنور بدأو بالهروب وأنا مطارة لهم لكن لافائدة توقعت ياإما مخدرات ياإما بلا واجلا,لكن قلت الموت ياشمان فاأنا وراهم حتى في الأخير توقفوا فأذاهم خائفين مني يحسبونن مخدرات والا بلا والا جلا في هذه اللحظة كبرت تكبيرا فاقلت أنا ضايع ابي الديرة فاهم جزاهم الله خيرا ماقصروا وقالوا خلك ورانا فما زلت ورائهم حتى رأيت أنوار الدير فابدأ التكبير والتهليل والتحميد وكأني حييت من جديد في الأخير أكتشفت اني اتجه بعكس اتجاه الديرة وما إن وصلت دعوة الله لهؤلاء الشباب وشكرتهم وإنهالت علي المكالمات فاأخبرت رفاقي أني ضائع وأنا في الديرة وقلت لهم الوعد بريدة . وبحمد الله نجوة بأعجوبة والبعض قد لايتخيل الموقف والوضع لكن التجربه خير برهان ... آسف جداً على ركاكت الأسلوب والكتابة السموحة ياربع .. وصلى الله على نبينا محمد وعلى آله وصحبه أجمعين |
((وعليكم السلآم ورحمة الله وبركآته)) يآآآآآآآآآآه قصه تخوف الصرآحه وبهآالليل أقرآه .. عموماً الحمدلله على السلآمه .. وهذي عبره إن الوآحد مآيمشي ولآ خطوه إلا معه مآء وكميه من البنزين ولوحصل قآرمن .. أنآ أستغرب من اللي يبعدون بالبر يعني هو غير عن البر القريب ولا وش الفايده !! |
حمدلله على السلامه
طيب زملاك ماقاموا يدورونك والله منيتي اكشت بالثويرات إذامرينا من عندهن المح لبابا ولا شفت شي |
الحمدلله على سلامتك..صراحه تحمست وانا اقرى
|
وعليكم السلام ورحمة الله وبركاته ... الحمد لله على السلامة ..
|
الحمدلله على السلامه......
الجيب ازين من الهايلوكس في الاماكن هذي |
الحمدالله على السلامه احمد ربك
انا معي جيب باترول ربع امرهم كل جمعه اروح لم حزم اقطوع وجي با الليل اقطوع علمن اني معي قارمن بس ناسيه منهبل منب لمه ابد في احدي الايام تاخرة ما مشيت طبعا اخوياا ياروحن من عند المذنب وانا علا طول اقطوع من عند القريه ام اكحيله مشيت الساعه تقريبا 10 بالليل معي واحد ما يدري بزع من نفسه قال ابروح معك قلت يالله يوم ابعدة حوالي 15 كيلو عن ام حزم يومنه عجت ذيك العجه قسم بالله اني ضاقتبي الدنيا قلت ايه رحنا وطي امسحن كل الطرق ههه وصوت القزاز سبحان الله يناس قسم بالله وقف اشعري يالله رقيت فوق نفود لان اللي تحت ماتشوف شي يوم رقيت وبدا الجيب يهز هز قوى موقف مو طبيعي ابد قعدة تقريبا45 دقيقه عج قوي والله . يوم و قفت فوق النفود والتفت علي الخوي مقررررررط وشاقص شاحط الرجلين تحت ومرجع اخر اشي ورا يابس وخايف خوف بس اسمي عليه اهرج عليه يقول انا ملقوف وشوله اروح معك يبنا الحلالا اذكر الله وصلى لي النبي ماش مهب الي انت تبي السراحه مالومه بس مهب الي الدرجه ذي يوم وقفت العجه ركد الهوا مع انه به بس خفيف والنزلت والشوف الموتر وااااك ونمشي الحين ضاعت الطاسه والله ما ندري معين انوجه وندور تقريبا ساعه ونصف مادري بالعاده نصف ساعه ونا بالقريه وما غير رايحن جيين يوم اني خلاص طفشت واوقف احول بالجول مسكتين حنا وضغط قاله اولاه يالقارمن وناضره انا ونطلعه ونتااااانس ونشغله والله هاذا الصاير بس اذا نزلت قطع وذا رقيت نفود شبك ويالله اتصدقون عقبه مارجعت مناك اقطوع ابد اخر مرة التووووووبه درس لا يناسا خويي يوم وصلنا بيتهم ونزل قالي لاعمرك تخذن معك ابد ويصك الباب ذيك الصكه الي من القهر لحححمه قالت مهب منفتح مقوي اصكه الي يومك ماركب معي ابد هههههههههه |
والله يا انا رحمتك
لاكن اذا بلشت مره ثانية ارجع مع جرتك الي جيت معه ولا ترفع راسك ابد ولا تمخمخ سيد للمكان الي تبي لا يمين ولا يسار |
صراحه وقف شعر جسمي تحوف هالقصص
الحمد لله على السلامه بس كان المفروض احذ احتياطك من بنزين ومويه واكل وبعدين فيه مكالمه الطوارء حتى لاو مافي ابراج بس الحمد لله |
الحمدلله على سلامتك
انا لو اضيع بــ الحرم صحت عاد وشلون بــ البر |
أهلاً بالجميع شرفت بتواجدكم ..,,: 12 |
اقتباس:
زملاي أحرص من بس وين يدورون فوق الأرض وإلا تحته .. نصيحة خليك بالجراد وحوله ...!!!:d |
وعليكم السلام
آآآه قد صار لنا هالموقف بأم حزم لا والقهر اللي يعرف الطريق ركب بعض الحريم على جييب ربع وشخط وخلانا وحنا خمس حريم وشغالات وبزارين على جييب لكزس واللي معنا من أهل الرياض ولا يعرف بالدروب ومن طريق لطريق من سبع المغرب لين 11بالليل وبالصدفه نلقا ناس من الباديه شباب ويوجهوننا غلط ودوران لين حسينا أننا خلاص أنجمنا ماندري وين نرووح ومير تبين لمبات هاك الديره وطيران لمه وتطلع شقراء وتوبه نبعد عن الطريق لا واللي يضيق الصدر معنا بزارين رضع وبرررد موت |
اقتباس:
الله يسلمك ,, ا انا مثلك أستغرب من اللي يبعدون بالبر لكن اقرب ماتكون يقالهم طيور والا راعين معنا . |
| الساعة الآن +4: 06:26 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.