|
يا رجال وين هيبتكم على حريمكم ؟
مساء الخير
وش أخباركم عساكم كلكم بخير فانا منذ مبطي عنكم بصراحه عندي لكم موضوع ارجو انكم تاخذونه ماخذ جد ولا القى احد يرد رد مهب زين اقول لكثير من الرجال ان الرجل بهالزمن بصراحه هيبته على المراة وخاصة زوجته راحت صارت هي اللي تدبره على كيفها تسرح وتمرح ولا يحرك ساكن فيها ولا يسكن متحرك منول الرجل رجل صحيح تلقى هيبته واصلتن مرت جيرانهم تخاف منه ياناس اجل حريم يروحن ويجن على كيفهن وين حنا به ؟ اجل تروح للسوق عشر طعش مره وتطلع من قدام عيونه لا وتخليه ما سكن بزارينها بعد وش ذا ؟ تعزم وتلبي للداعي قبل ما تشاور زوجها ولا تستاذنه وش ذا يا ناس ؟ كل يوم تلقاها بمحل وخاصتن بهالصيف كل يوم باستراحه ولا شاليه ولا سوق ولا بالحاجب وانتم ابخص بالباقي يارجال كونوا رجالا قوامين على النساء بما فضل الله بعضكم على بعض لا تروح رجولتكم بسبب هواكم ما ودكم توجعون روسكم بقرق حريمكم وسهركم باستراحاتكم وتخلون الحبل على الغارب بس لا يكون بعنف لازم يكون باسلوب وحكمه :41 وانتن يا حريم حسسوا رجلكن بقيمتهم شاورهم قبل ما تطلعن وقبل ما تتفقن مع خوياتكن شكل الوحده منكن تستعيب بقولة ابشاور ابو فلان بالعكس هذا الفخر لك بان يكون وراك رجال ارجو الرد بعل واتزان وحكمه ونعم للنقاش الهادف ولا والف لا للنقاش الحاد المتزمت :oo |
فيه رجال زي كذا مخلي زوجته ع كيفهاا
اجل حنا من كوكب ثاني الله يرحم حالي واميمتي الي السوق من العيد اليه ولا الشتاء ولااستراحات ولا حدائق وا لله اننا ف البيت نناظر الجدران>< |
أخي مدحت
انا معاك باللي قلته لكن اخالفك بالنقطه هذي اقتباس:
وش فيها لو مسك الزوج البزران مو أولاده؟؟؟ والا عيب مايليق بمقاامه شوفوا الاجانب السوريين او المصريين ماشاء الله تبارك الله الرجل يشيل عن زوجته البزران والشنطه بعد... مو عيب ولا نقص... تقبل وجهة نظري وهجوومي:d |
بارك الله فيك اخي العزيز
|
أخوي إسمح لي الحيآة الزوجيهـ مو فرد عضلآت ولآهي تفريط يعني لآ ضرر ولآ إضرار .. يا أخوي طيب ليش أنتم دآيم حآطين على الزوجة الرجال ليش ما يشآور أو يسئل زوجته إذا أحد قال عآزمك يا فلان أنت وزوجتك ليش يجي لم زوجته يقول اللبسي تراا فلان عازمنآ ليش مآ يشاورهآ بعد هو .. الحيآة الزوجيه يا أخوي إدارة من الطرفين الرجل و المرأة .. إذآ الرجل على قولتك يفرد عضلآته على زوجته كذا عيالهـ يبون يقللون من هيبة وآلدتهم .. ( تقبل وجهة نظري )
|
اقوووووووووووووول لا يكثررررر لا جبت ارجاااال اووووول تعال اهرج رجال الحين تسميهم رجال اويلاهـ تلبس زوجته قصير ولاإسكني وتطلع ماعليه الا عباة كتف لو هم رجال اول بعد كان غار على محارمه مهب يفتخر وهي تمشي معه وهي لابسه لبس ما يرضي الله ولا رسوله ولا تعال عاد شف العيون حدث ولا حرج مكياج وكحل ومسكره والنقاب لين نص الخد والله مافيه وسط ابد يا لابسه مداسيس ايدين وغطاء لين الركبه ولا مطلعه نص خدوده من النقاب<<<<<<شابين سبده وه تعبت عاد
|
تعجبن المراء اذ كانت كذا
انا ان شالله اذ تزوجت اخليه يجلس بالبيت وانا اروح واخلي اعياله عنده ليش انا متزوجته اخليه خدام عندي ترا اكثر الرجال فيه ضعيف شخصيه |
اخوي مدحت، لااوافقك على كلامك في مسك البزران ليش هي تتعب لحالها وتمسك البزران والمسئول عن انجابها لهذولي البزارين هو الا يمسكهم ونص الرسول صلى الله عليه وسلم كان يساعد زوجاته في كل شي
|
تبيّــن لي فعلآ .. كم نحن نُهــآآب من الرجآل ..! لدرجة أنهم لآ يستطيعون علينــآ إلآ من خلف الكيبورد ../ |
ههههههههههههههه والله مادري منيل تجيب هالمواضيـع دمـــت مؤلف:):d |
وشدعوى ماله كلمه
بالعكس هو اللي يقول له طسي ابي الفكه منك :d:d:d لالالالالالا امزح شوف الكثافة السكانية والانفتاح جميعها عوامل تساعد على التغييير وانت تحسب الدنيا تبي توقف على استأذااان الرجل عيني بعينك بتشوف بلاااوي فتن يرقق بعضها بعض الله المستعان مثل السبحه اذا انفرطت |
اذا كان الزوج راضي بما تفعله زوجته
لاضير في ذلك واما ان تقول اين هيبتكم؟ فالمرأة ليست طفلا يهيبها زوجها بعيونه او بخشونة صوته فهي لم تصل مرحلة الزواج الاانها مدركة ومتفهمة للامور اما الاستئذان كما قلت نعم يجب على الزوجه ان تستأذن زوجها في كل طلعه بوركتم |
طييب وش فيهآ إذآ رآحت لشآليهآت وإسترآحآت ؟
وبعدين إذآ مآ مسك بزرآنه من يمسك ؟! وصصح أنا معك إنه مآتطلع باسكني وعبآية كتف بس خيير مآتطلع للحآجب ومآدري إيش! ! (فآهم الرجوله غلط) |
هذولي حريم عنيزهـ والله آعلم بريدهـ "غير" :rolleyes: |
| الساعة الآن +4: 07:43 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.