وبضاعة الدنمارك توضع على مداخل السوبرماركات
 

قامت الدنيا على المراعي علشان ريال
وانا لا أدافع عنهم يستاهلون ماجاهم
وبضاعة الدنمارك توضع على مداخل السوبرماركات ( جبن بووووك ) اللي سبوا رسولنا صلى الله عليه وسلم ولم نغير ساكنا
وين أمة محمد لا تضحكون الكفار علينا ويقولوا:
( المسلمين ما همهم إلا مخابيهم -فلوسهم- وحبهم لرسولهم كلام ) وين المقاطعة لللدنمارك
المعذرة للإطالة
ولكنها الحرقة  

جبن بوك الدنمارك
مقاطعه من زماااااااااااان
........................
بس صحيح كلامك فيه ناس يوم تركت المراعي اتجهو لبوك وغيره .الله يهديهم

طيب وصاحب المحل اللي يبيعهم ليش مايقاطعهم عشان المستهلك مايحصل منتجاتهم !!!

مقاطعين للعموم المراعي والصافي والدنمارك منذو مبطي

لاتعممين على بريده وانااختك بوه ناس قاطعين منتجات الدنمارك

اخوي ابو رامي طمع التجار وما يسوي
قبل كم سنة تلاقي اللافتات قبل تدخل السوبرماركت نحن لا نبيع البضائع الدنماركية والآن أول من باعها هم
ولو ما لقوا زبائن ما حطوها بالمداخل
اللهم إنا نشكوا إليك ضعف قوتنا وقلة حيلتنا وهواننا على الناس انت رب المستضعفين

المصيبة مو فينا كمستهلكين ... المصيبة بالتجار .... الي يوفرون هذه المنتجات
والبعض عنده جهل في أمور المنتجات (( بدخولها تحت مضلت أي دولة معنية ))

الى متى وكل شوي نقراء عن موضوع منتجات الدنمارك ياناس ترانا مقاطعين من ذووو مبطي وش علينا من اللي ماهمهم الا بطونهم تقل بيموت اذا غير ها اللبن او الجبن او اي شي من منتجات الدنمارك او حتى المراعي والصافي يااخي فيه كثير ناس مقاطعينهم بس وش تبيهم يسوون يجون لك مثلاً ويعلمونك انهم مقاطعين وبعدين لا تحكم علينا وتتهمنا عشانك شفت كم دعايه باالبقاله , نصرة الرسول صلى الله عليه وسلم من واجبنا تجاهه , لن نغفل عنها ابداً مادمنا بهذه الدنيا فلا عزااء للمتخاذلين فماذا ستقول لرسولك صلى الله عليه وسلم اذا قابلته ألهتني نفسي وماتشتهيه ,عن نصرتك على من تطاول عليك

اقطع ايدي اذا الزحمة ذي صارت في الدينمارك وقتها فقط بالمنتديات وترديد الصلاه على الرسول وظرب بالتصاميم والتفنن فقط


لكن اتضح الشي عند تحركت ميزانيتهم في ريال ورياليين

لا تطلق صفة التعميم الله يهديك . يعني كل الدنمارك سبوا ا لرسول والا علشان فيه شوي متطريفين سوو الحركة ذي وعميت على كل الشعب ؟؟؟؟؟ مثال اللي سوو تفجيرات وتخريب بالبلد ويدعون انهم من اهل الدين هل نطلق هذا على كل المتدينين ؟؟؟؟

شركة ارلا فور المنتجة لجبنه بوك والبقرات الثلاث والزبدة الدنمركية اعلنت برائتها عن تصرف الرسام الكاركاتوري وموقف الحكومة الدنماركية من هذا التصرف وانها ضد تلك الاعمال

ابن بريدة البار الشيخ عبدالله العثيم اول من اعلن المقاطعة للمنتجات الدنماريكة وهو اول من ارجعها لرفوف اسواقة . بسبب موقف شركة ارلا فور ... والشيخ سلمان العودة استثنى منتجات بوك والبقرات الثلاث والزبدة الدنمركية لانها وقفت ضد الحكومة التي ساندت تلك الافعال المشينة ...

للمعلومية بنده تراها ما تبيع بوك ولا البقرات الثلاث

؟؟!!



أقول بس الله يوفق سوبرماركت السحيمان اللي بحي مشعل من يوم المقاطعة
إلى الآن وهو مقاطع المنتجات الدنماركية

افهم من كلامك انه ليش ماتقاطعون منتجات الدنمارك ..... صح والا انا غلطان

لاكن حنا مازلنا مقاطعين منتجات الدنمارك وشوفي منتجاتهم في الاسواق خير دليل على المقاطعة

ودائمآ يظعون اشتري عدد كذا واحصل على عدد كذا مجانآ

لاكن المراعي ومقاطعتها

سببه دعم الشركات المنافسة للمقاطعة

ثانيآ / هي ماسكه هـ المره على المقاطعة ونبي نشوف وش يصير :)

لاكني والله ما اخفيك انه جاء رمضان وقشطتهم شي .لاكن ابشوف منتج ثاني يمكن يمشي الحال :rolleyes:

بالتوفيق

شكرآ

الله يجزاك خير يا مشتلتف فعلا كلامك قمه الروعه يوم رسولنا وحنا ما قطعنا مثل هذي المقاطعه الله يجزاك خير والله رسولنا اغلى علينا من اموالناودنيانا بأكملها