|
يا شباب التجاره شطاره بس بدون استعطاف ومذله
صباحكم ومسائكم ملي بالخيرات والمسرات
موضوعي بسيط وملاحظه صغيره على الشباب اللي يشتغلون بالسوق كل مره اروح لسوق خآصه سوق الخضار والتمور القى شباب بمختلف الاعمار ماشاء الله عليهم والله يرزقهم يارب بس الملاحظه انهم من يشوفون زبون يتذللون له ويستعطفونه بكلمات ما اشوفها مناسبه مثل يا عمي يا خالي وغيرها من الكلمات وكأنهم يشحذونه يشتري منهم حتى الصغار حقين العربيات يلاحقون الناس يا عم يا خال يابوي احمل عنك بضاعتك حتى لو الزبون صغير وكأنهم يشحذون عمر التجاره وطلب الرزق ما صار بالمذله والترجي ... مع ان الزبون بعض المرات صغير واصغر من اللي يبيع كانوا بس الاجانب يستعطفون الزبون لان همهم الفلوس وبس/! مدري احس مهوب لايق على شباب بريده اللي عرفوا بعزه النفس والكرامه والتجاره الحره من كل ما يأثر على شخصيتهم وكرامتهم المفروض يعرضون بضاعتهم ويصدقون بالقول ويخلصون مع الزبون بكذا يكسبون ثقه الزبون بدون كلمات الاستعطاف.. ومثل ما سمعت من كبار السن انهم ما كانوا يتعاملون مع الزبون كذا بالعكس البضاعه قدامه يبي يشتري بدون رجاوي وتذلل واذا مايبي يشتري الله الرزاق.. يمكن بعضكم يقول من احترام الزبون يقلون له كذا بس ممكن يحترمون الزبون بطريقه ثانيه مهوب كذا ابي رأيكم في اساليب الشباب بالسوق لكسب الزبون وهل تشوفونها مناسبه مع خالص تقديري واحترامي لكم |
من جد والله
وانا لاحضت هذا الاسبوع من الاخوان صاحبي العربيات ان فيه قطع رزق بينهم انا شفت واحد يتفق مع بنات يحمل لهم وكانهم اختلفو علا سعر او مكان توصيل مادريت الا شخص ثاني معه عربيه وعلا طول يدخل عليهم ويقول انا احمل لكم وين ماتبون والمشكله اعمارهم علا 15سنه يعني من الحين قطع ارزاق استغفر الله لو فيه تربيه وتعليم علا اصول تجارة من الاهل ماكان كذا الي صار |
شكرآ لك عزيزي بالفعل موضوعك يحتاج لوجهة النظر ..!
.. بإعتقادي ان مقولة ( ياعم , وياخال ) قد نأخذه بالوجه الحسن وهي نوع من الإحترام لناس وهذا خلق قد يرفع من مكانتهم وليس العكس ( وجهة نظري ) ..! .. اما مايكون بالفعل ترحم واستعطاف مثل تعابير الوجه او الضغط ع الزبون فهذا بالفعل أسلوب خطا .! لكن بما رايت انه فقط اسلوب احترام وبالطبع انه اسلوب جميل إذا اتى ع الوجه المطلوب ! وبدون ( شحاذة ) ..! اخيرآ تشكر ع حرصك لكن يجب ان تدرك ان منهم من يصرف على اهله بهذه التجارة فلا يلام ع مايفعل وانزه من الشحاذة ! فالبيوت أسرار وأعلم عن الغالب منهم ! تقبل وجهة نظري بصدر رحب بارك الله فيك ونفع بك . |
انا اعتبره تسويق جميل منهم
واحترامهم للاكبر منهم بكلمات جميلة وليست فيها مذله ولاعيب ولاقد شفت فيهم احد ذل نفسه عشان تشتري منه يقول كلمتين اذا اشتريت والا تابع غيرك هل تريدني ان اشتري من واحد مبتسم او مكشر او عادي عنده وهذا مانجح فيه اصحاب المحلات الاجانب بالمحلات النسائيه ونسمو بالحريم متعوده ماقد سمعت كلمة حلوه من ابوسروال وفنيله خلني اكون اكثر قساوه معك وبالمنطق نحن نشكل بيئة صحراويه ومتعودين على الجفاشه شوي لي تعاملات مع ناس كثيره بعروض التجاره وسبحان الله اللي تشد معه وتكشر يتاقلم معك واذا عاملته بحسن ولطف شاف روحه عليك يالاخي الابتسامه بوجه اخيك صدقه فمابالك اذا ابتسم بوجهك البائع وكلمك بكلمات جميله وفوق هذا كله سعودي يالله انك ترزقهم وتوفقهم والله يكون بعونك شكلك متعود على بيع الشيبان غالبا الصراحه تزعل البعض |
اقتباس:
والموقف الي شفته انت يسمى حسد اكيد الحسد ماحد يرضاه بس كنت اقصد الي يستعطفون الناس علشان يشترون منهم نورت |
اقتباس:
بس احس بنفسي ان استعطافهم قريب من الشحاذه والتجاره مهوب كذا بالعكس التجاره عزه وكرامه منور الموضوع |
اقتباس:
هههههههههه لا مهوب متعود على بيع الشيبان بس يعجبني بيعهم فيه عز وشموخ ويا خوي صح عليك الابتسامه والترحيب وعرض البضاعه باسلوب راقي شي حلو بس اقعد استعطفه وكأني اترجاه يشتري مني علشان اكسب منه ما اعتقد مناسب الرزق على الله مو على المخلوقين حياك |
رائعــ
|
:41
:41 :41 :41:confused: |
في السوق يا غالي أجناس من الناس وأصناف حسب طبقات المجتمع ومثلك عارف بعضهم عادي عنده هذا لأمر لأنه منهزم أصلا من الداخل ولا نستغرب طريقة أستجدائه الناس بطرق تدعو لرحمة والشفقه على حاله وقد ترى عكس ذلك كبار تجار السوق من الشباب وتشعر في قسماتهم وكلامهم الفخامة والسمو أشكرك |
شكرا على هذا الطرح الرائع
لكن يبدو لي ان كلمة ياخال وياعم تستطيع ان تقول انها تسويق وجذب للزبون ولا يبدو انه مذله بس لو ان البائع قال تكفى اشر من او قال انا مسكين كان دخلت بالمذله لكن كلمة خال احسن من كلمة يارجل وهو مطير عيونه شكرا اخوي على هذا الطرح |
اقتباس:
|
اقتباس:
|
اقتباس:
مشكور على المرور |
| الساعة الآن +4: 06:29 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.