|
هذا ما حدث في اليوم الوطني عند دوار الغرفه التجاريه ...
اتوقع ان قضيه عبدالاله ابن الدكتور طارق الحبيب سوف تكون قضية رأي عام .. ينتبه المسؤلون بعدها للوضع الخطير الذي حذرنا منه كل سنه : 12 قبل قليل كنت عند دوار الغرفه التجاريه ويوجد شباب مستهتر يرقص بالطريق وسيارات كثيره ويوجد اطفال صغار يجوبون الشوراع بين السيارات ووالله انني كنت ادخلهم الى المسطحات الحضراء واقول لهم احذرو السيارت وكم مره افعل ذالك ولاحياة لمن تنادي ولا ادري اين اهلهم :i125 العجب انه على الرصيف هناك بعض الفتيات يصورن الشباب وهم يرقصون ويغنون ويرقص هولاء الشباب رقص مصري هز وسط وردوف في منظر قبيح يوحي بالتخنث والتميع :eek5 ذهبت الى وسط هولاء الشباب وهم يرقصون ويغنون ونصحتهم وقلت لهم اتقوا الله والحمد لله استجابوا:) ثم بدأت اذهب الى كل تجمع شبابي حولي واقوم في وسطهم وهم يرقصون ويغنون واقول لهم خافو الله لايجوز فيستجيبون امسك الوحد من ذراعه والموسيقي على الاخر وهو يرقص فاذا التفت الي تبسمت في وجهه وقلت له .. اتق الله ... فينزل رأسه ويستحيي ويترك المكان :) العجب يوجد بعض الناس السذج يدور مع محارمه وسط هولاء الشباب والشباب يرقصون ويغنون امام اهله :p امرت البنات المتجمعات على الرصيف بالدخول الى المسطحات الحضراء والحمد لله حصل هناك استجابه لكننهن سرعان ما يعدن الى الرصيف ويأخذن بالتصوير ومشاهدة الشباب وهم يرقصون والمسافه بينهم قريبه جد فالشباب يرقصون قرب الرصيف :bad رقص مخنث بكل ما تحمله الكلمه من معني هز للردوف وللوسط كما تفعله الرقصات المصريات ولاحول ولا قوة الا بالله :i121 قال لي احد الاخوه هذا منظر يقشعر منه البدن وانا جالس مع اسرتي في وسط المسطحات الحضراء قلت له مالذي اخرجك في هذا اليوم ؟؟؟ ولماذا تخرج بمحارمك هذا اليوم اين الغيره لو كنتم تعقلون ؟؟:oo صدقوني وانا واحد غيرت كثير من المنكرات فكيف لو تكاتفنا جميعا والشباب عندهم استجابه وقال لي احدهم شوف يا مطوع ادري انه حرام ولكن وش انسوي ؟؟؟:i125 قلت في نفسي هولاء الشباب ضحيه وليسو هم السبب واقسم بالله ان هذه اليله من اسعد ايام حياتي لانني انكرت المنكرات على قدر ما استيطع واقدر وهذا من اعظم الاعمال |
وانت وش وداك هناك ..!!!!
وبعدين وش عرفك انه مثل الرقاصات المصريات :s .. شايفه والا موصفه لك احد بعدين اللي يروح ينكر المنكر ، مايروح بعدها وينشر المنكر ووش صار وبالضبط بعد .. مايجوز اشاعة الفاحشة اتق الله |
نسأل الله لك التوفيق والسداد ..
فعلا عندما نتكاتف وننكر سيزول المنكر .. وشبابنا ولله الحمد فيهم الخير الكثير ويستجيبون للنصح والتوجيه .. أشكر لك غيرتك على دينك ووطنك |
ههههه شاطر والله .. وغيرت وعدلت وسويت .. خلاص سويت شي ( لله ) خليه لله .. بعدين ليش محسسنا وكأننا في تكساس .. وبنفس الوقت ليش بنظرك أنه الوضع مزري .. ترى كل سنة يصير فيه هذا الشيء وكل شخص بيحتفل على طريقته .. نعم معاك الاغاني مالها داعي والرقص بس لايعني هذا انك تصفهم بالشواذ والمايعين .. هل تنهي بشيء وتاتي بمثله ؟؟ أجل يقول البنات تصور .. اكيد تبي تصور طاقه لها كاميرة كانون بكم الف عشان تحطها بالشنطة .. ناس تهوى التصوير والهواية للجميع بنات وشباب .. وبعدين ليش توصف الي معهم اهاليهم بوصف لايليق عادي انسان ماخذ العائلة رايح يغير عن نفسه ويوصل رسالة لعياله عن أنه هاليوم وطني للدولة الي ينتمي لها .. مشكلة بعض الناس يسوي انه من بيئة ( طاهرة ) .. هل تعلم أنه هالي انت قاعد تسويه يعتبر مخالف .. صراحة توني ألوم رئيس الهيئة لما قال لما تشوفون أحد متطوع بلغو ولكم جائزة .. لأنه كان حاس أن فيه ناس تسوي اشياء كويسة ( بنظرهم ) عشان تستعرض عضلاتها .. ولابالواقع هي ليست كويسة وعمر النصيحة لما تكون امام الجميع يتقبلها الشخص .. بعدين دامك عارف أن هالأشياء بنظرك ( اعمال باطلة ) .. وش موديك هناك .. أجل اطلع لمرقص بالبحرين ورح انصحهم .. وبالمناسبة ترى كل اسبوع يصير فيه رقص بملعب الاستاد ( مع الرابطة وهز وطبل ) مانشوفك هناك .. خلك مثلي < وبما انك استفردت عضلاتك خلني ابستفرد عضلاتي واعلمك الواقع > شف أنا اضطريت أني اطلع لأحد المحلات هناك بس يوم شفت الزحمة .. مسكت الدائري وطلعت لبيتنا من هناك .. مع ان المسافة بين بيتنا والمكان الي انا فيه ( اشارة ) .. يعني لو أكبس العالي سطع بباب البيت .. ملاحظة : وياليت تبلغ طارق الحبيب وتقوله يقول ( اكسجين ) مايصدم الا ولدك .. مصبح علينا بصحف اليوم الوطني ( ولدي ولدي ) .. طيب وشنسويلك عشان طارق الحبيب مثلاً .. اوكي الله يشفيه ويشفي بعد جميع الي راحو ضحية حوادث .. بس ماحد قالك تطلع بذاك الشارع .. اقضبو اراضيكم يالي تبون الهدوء .. .. ياليت اليوم الوطني السعودي مقيم بالامارات كان وناسة ناس تحتفل ناس على كيفها حرة كل واحد بحاله ، |
الله يرضى عليك ويجزاك خير ويكثر من امثالك
يا رجال والله انك شنب والباقين شـ .... ماني قايل شي واستاثم فيهم انا ما حرني اللي يرقصون انا رفع ضغطي اللي جايبين حريمه يتفرجن على الرقص :( |
اقتباس:
الرجال ما قصر جزاه الله خير راح يامر بالمعروف وينهى عن المنكر ورئيس الهيئات اللي مبسوط فيه يا شيخ ماني قايل عنه شي ويكسب حسناتي وبعدين انا عن نفسي انبسطت بالخبر وانبسطت بموضوعه بس اللي مستغرب منه الحين انك زعلان ليش يامر بالمعروف وينهى عن المنكر ؟؟؟؟ ليش زعلان وش اللي حارك وش دخلك انت اصلا على الاقل ازين منك انت يصدق فيك اللي يقول الساكت عن الحق حمار اخرس انا ماني قايل انك حمار بس انك شفتهم متجمعين وتركتهم ورحت لبيتك ليش حبيبي ليش وبعدين تعال مسوي لي فيها المشهور قولوا لطارق الحبيب يقول اكسجين.... ارحمنا يا كونداليزا رايس يا الانسان المشهور يا وزير معالي رئيس امريكا تراك على بعضك ثاني اكسيد الكربون |
اقتباس:
هههههههههههههههههههههه ما يجو اشاعة الفاحشة ليش هو قال شي مجهول اللي شايفينه حنا اكبر من اللي قاله هو يقول بنات يصورن وانا شايف بنات يرقصن اقول يا تهرج بحق ولا خلك ساكت وبعدين عادي يوم يقول الرقاصات المصريات وهو ما شافهن انا اشبهك على عفريت من الجن وانا ما شفتك لا انت ولا هو :d(f) |
اكسجين، يا حسافة
تبغون تعرفون ليش هو كاتب الموضوع هذا هو السبب وذكره بنفسه اقتباس:
والثاني منجحر ببيتهم تشبهون للمنافقين يوم وصفهم الله بكتابه المبين {الَّذِينَ يَلْمِزُونَ الْمُطَّوِّعِينَ مِنَ الْمُؤْمِنِينَ فِي الصَّدَقَاتِ وَالَّذِينَ لَا يَجِدُونَ إِلَّا جُهْدَهُمْ فَيَسْخَرُونَ مِنْهُمْ سَخِرَ اللَّهُ مِنْهُمْ وَلَهُمْ عَذَابٌ أَلِيمٌ}. هذولا المسلمين على وقت الرسول جابو صدقاتهم وكانن شويات والمنافقين صاروا يتطنزون فيهم مسلمين فقارى ما عندهم الا هذا اللي يتصدقون فيه. واخونا ما قصر سوا جهده بس باقي جهدك انت ياللي هاج مع الدائري ولا رئيس الهيئات ما تسرحه ولا بالغنم يضيع هو ويرجعن الغنم |
جزاك الله خير الجزاء وجعل ماقمت بها في موازين حساناتك ,,,,, وبعض الردود من البقيه ماله داعي ...الواحد يقول خيرا او يصمت ...
|
آتمنى أشوفك أقبل رآسك ....
يجعلك محرم عن النار والديك ووا لدينا وكل مسلم . |
الله يآجرك يالزنقب
والله يآجرك على المتخلفين عقلياً و بدنياً وفهمين احيي فيك شجاعتك ومبادرتك فقد فعلت مالم يفعله كثيراً ممن نسب الى الدين واهله |
اقتباس:
|
حبيبي بارك الله فيك وفي عملك ونفع الله بك اللهم آمين ماعليك من كلام هالمبزرة اللي لا طرت عليهم قالو هجولة وإلا هيضني ومن هالكلام الممقوت واصل وجزاك الله خير |
امس طلعنا لحاله ضروريه ,, مدتها نصف ساعه مارجعت للبيت الا بعد أربع ساعات تقريبا الذنب الوحيد لنا ( اننا على شارع عام ويعتبر شريان ) و صلنا بشق الأنفس ,, على شان ( وناسه جــيل مايدري وش معنى الوناسه)! بتحتفل على طريقتك الخاصه .. احتفل بس اذلف عن درب المسلمين امس مابقى دعوه بقلبي الا طلعت .. وأميمتي ياجعلني فداها ماتنفست الا يوم دخلت البيت لابارك الله فيكم من بزران ’’ الله يكثر من أمثالك أخوي ’’ و يسدد خطاك ,, |
| الساعة الآن +4: 07:43 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.