|
ارتفاع أسعار الروست و الكباب و الشاورما بمطعم رشوش وغيره!! ورفعت بلاغ عليهم .والرد..!
السلام عليكم ورحمة الله وبركاته .. تفاجئت بالأمس عند ذهابي لمطعم رشوش و الكوخ والي جنبه . أن اسعار الروست والكباب والشاورما ارتفعت بريال بدون مبرر لكل أصناف الدجاج! انا قررت وقتها ان الموضوع ما ينسكت عليه . وبحثت بالنت عن أي شكوى اتضح مافيه احد بلغ . شكيت بالموضوع ! رفعت بلاغ لوزارة التجارة عن طريق تطبيق الايفون , وخلال 10 دقايق اتصل بي الموظف وعطاني رقم البلاغ مشكوراً ( الساعة 1 ص ) بالأمس . ومن غداً . أي قبل قليل ( الساعة 11:25 ص دقيقة ) وردني رسالة بأن البلاغ اغلق . واتصلت بهم وقال لي الموظف بأن رد المراقب " أن السعر خاضع للعرض والطلب " . قلت يعني كيف؟ . قال اذا ودك اشتر واذا ما ودك لا تشتري . قلت ارفع له اعتراض أبي أكلمه هالمراقب ! اصلا كيف راح للمحل وسأل ودقق بكلامي والمطعم ما يفتح إلا 4 العصر ورا ! .. والساعة 11:30 ص . ؟؟ الوضع سايب يا جماعة . اتمنى من أي شخص يشوف زيادة بالسعر أو تلاعب . يرفع بلاغ من تطبيق الايفون . ومع كثرة الضغط , بيرضخون للأمر الواقع .. مو سالفة اذا ارتفع كرتون دجاج ولا عصير على المحلات ريال . قام ورفع كل علبة ريال !!!! يا الشعب السعودي , اتمنى منكم الوعي . فو الله إني شاب ميسور الحال . ودخلي ممتاز , ولكن لا أحب الظلم ولا الجشع . واكرهه كره عظيم ... ( للموضوع بقية بعد رد المشرف على اعتراضي وسوف أوفيكم بالتفاصيل .... ) === رجاء من يريد كتابة هذا الرد " أكل البيت طيب . أكل البيت ماهنا مثله " الرجاء يقدر حالة العزابي الي يجي بريدة لحاله , وارتفاع سعر مطعم واحد وسكوت الحكومة يبرر للمطاعم البقية رفع السعر . وشكرا ً ... |
ريح نفسك وش اللي حادك تشتري منهم.... بعدين الحلاقين يشتري درزن امواس حلاقه ب 10 ريال فيها 30 موس ويحلق ب 10 ريال الراس بعشره وتحديد اللحيه بعشره... ويوم قلت ببلغ عليكم قام يتهزأ بي ويقول مندوب البلديه في مخباتي يعني حاميها حراميها... تحياتي لكم
|
الله ليوفقهم كل شيئ ارتفع توي جاي من المشتل مأخذ منهم شجرة بخمس طعش قبل اربع تشهر ماخذة بخمسة رحت أكثر من مشتل كلهم يقولون كل شيئ ارتفع متفقين مع بعض يغلون
|
تم إرسال بلاغ زيادة الأسعار
|
ماينفع سوي حملة مقاطعه
|
ماينفع سوي مقاطعة هذا المطعم
|
لا حياة لمن تنادي
ما اشوف الا المحلات اللي فيها الجنسيه التركيه هم اللي رافعين الاسعار من عندهم اين دور البلديه ؟؟؟ |
نعم للأسف ِأن كل شي ارتفع ومع كل الاسف أن وزارة التجارة لاتفقه ولا تعي خطورة الوضع نناشد خادم الحرمين الشرفين الملك عبد الله بن عبد العزيز بإعادة صياغه الوضع الاقتصادي في المملكه وتغيير وزير التجاره توفيق الربيعه لأنه مع كامل احترامي له ليس من ذوي الاختصاص والخبره ياأخوان وزارة التجاره عليها مسؤوليه اكبر من هذا الاجتهادات الحاليه |
وزارة التجارة مع التاجر والمفسد مافي جهه منصفه بالبلد الحل هو المقاطعة |
اقتباس:
الوزارة من الخطأ ان تكون وزارة التجارة تكون ضمنها حماية المستهلك , المفترض هي جهة أو هيئة مستقلة .. لأن صعبة يكون الجلاد و الحرامي تحت مظلة وزارة واحدة ! اقتباس:
الوزارة يا أختي , مراقبين و ناس تدفع لها بالرشاوي . واسألي , لو كان لك معارف بوزارة التجارة وتعرفين كم يحصلون بعض المراقبين من مبالغ وإغراءات . والسبب رواتبهم الضئيلة مقارنة بما يلقونه من اغراءات ! اقتباس:
هو هذا الي غبني , السعر المرفوع لا مبرر له ! صدقني ما فيه مبرر إلا اللهم انه القهر الي صابهم بعد قرار وزارة العمل تصحيح الاوضاع وقلة العمالة و ارتفاع اسعار تجديد الاقامات ! هنا هو السبب . لا اكثر . اما الدجاج ارتفع .. فهذا قول مردود عليه . !! اقتباس:
يا الغالي . لا تركز على مطعم .. ! بكرة المطعم يكون عبرة للخباز و النجار و السباك والحداد والبنشري .... الخ ! انت اشتك واشتك , والموضوع مع كثر دق اللحام يفك الحديد ! المهم لا تسكت وبس ! اقتباس:
جزاك الله كل خير ,, وجعلك الله ذخرا لوطنك .. (h) اقتباس:
المشاتل ما عليها طلب . ولا شي . فرفع السعر على كيفهم . أنت ارفع بلاغ وتابع الموضوع معهم ... وحدد موقع المشتل من خلال التطبيق المنشور على اجهزة الذكية . أو تقدر تدخل موقع وزارة التجارة . وتبلغ من هنا : http://eservices.mci.gov.sa/Eservices/Commerce/CommercialFraudForm.aspx اقتباس:
غلط وألف غلط أتركه !!! انا لو لقيت محل شاورما على طريق سريع بين مكة والقصيم مثلا!! ورافع ريال . أبلغ عنه .. !! الوضع اذا ما تكاتفنا مع بعض أكلونا . حنا بعام 2013 والوضع تغير عن أول , مجرد رسالة بلاغ وهم بيشوفون الوضع . وأنت أخليت مسؤوليتك وخدمت وطنك والحمدلله ... وبعدها تروح المسؤولية على ذمة المراقب الي بيلقى الله وبيسأل عن أمانته ....! فلا تخاف يا عزيزي ... ربنا ما يضيع عمل عامل منا . ولا يخلف وعده سبحانه .. |
يالله لك الحمد..فيه مثل انا ولفته يقول..اذا اكلت وسخ ,كل انظف وسخ..
وش لك بهالشورمات والروستات والدود.. |
انا تفاجت من موضوع آخر جتنا رسائل على الواتس والتويتر لوحات على الطرق إنه أى مغسلة سيارات ترفع السعر عن 10 ريال للسيارة الصغيرة أما السيارة الكبيرة بي 15ريال يبلغ وزارة التجارة وحاطين الرقم... أنا بنفسي ذهبت لمحطة الفايزية قبل الإشارة الخماسية وقال السعر بي 15 لسيارتي صغيرة المهم كلمت وزارة التجارة وقالوا مالنا دخل هذا إختصاص البلدية ودقيت على البلدية وقالوا مالنا دخل هذا إختصاص التجارة صارت لعبة الدعوى وين اللوحات والتحذيرات أنا الأحظ إن البلدية والتجارة متسلطين بالأشياء التي تظر بالمواطن مثل أراضي وفتح محلات أما اللي يهم المواطن من رفع أسعار ومن أراضي متوقفة معاملاتها فلا تحرك ساكن |
اكيد عرض وطلب مافيه جديد
وهذا اللي نقوله من بدت الارتفاعات ولا ماتفهمون عربي ! اذا تبون الشي يرخص اتركوه وغير هالكلام لاتدور |
قاطعوهم
|
| الساعة الآن +4: 06:28 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.